رد: رضينا بالياباني طلع ........................! !!
 

عزيزي سمسم:
تحياتي
ما تتخضش قوي كدة من كلمة تايواني أو جنوب أفريقي أو خلافه
المسألة أن السياسة التسويقية للمصانع الكبرى حول العالم باتت تأخذ شكل مختلف عما يدور في أذهان كثير منا, فليس معنى تويوتا قادمة من جنوب أفريقيا أنها مش يابانية الحكاية أن الشركات الكبرى أصبحت تبني لها نقاط صناعية في عدة أقاليم من العالم حتى تصدر كل نقطة انتاجها لأقرب مجموعة دول حولها و تهدف تلك الشركات الكبرى من هذه السياسة الى:
1- تقليل مسافات الشحن من المصنع الى الدول التي يسوق فيها المنتج و بالتالي تقل تكاليف الشحن.
2- إيجاد مواصفات لكل أقليم حسب الظروف المناخية و الكماليات المرغوبة لكل مجموعة من الدول.
3- الإستفادة من رخص الأيدي العاملة في نقاط التصنيع تلك عن مثيلاتها في اليابان أو فرنسا أو أي من تلك الدول الصناعية الكبرى.
4- محاولة الحفاظ على نظافة البيئة في تلك الدول و نقل الصناعات الملوثة للبيئة إلى تلك الدول (خير مثال على ذلك مصانع الأسمنت الأجنبية المنتشرة في دول العالم الثالث و منها مصر) و هو بالطبع هدف لا أخلاقي

و غيرها من الأسباب الإقتصادية و التسويقية.
و مثال على ذلك مصانع شركة رينو الفرنسية في رومانيا - المغرب - الهند - إيران و غيرها, و مصانع جينيرال موتورز أو مرسيدس في مصر - فهل يعني أن الشيفروليه اوبترا مثلا أو المرسيدس 200 هي سيارات مصرية؟
الجواب لأ طبعا هي سيارات منسوبة لصناعها الأصليين و لكنها تنتج في مصانعهم بمصر و طبقا لأدوات إنتاجهم و تعليمات التصنيع الخاصة بهم.
نفس الكلام ينطبق على تويوتا التي تنتج كورولا في مصانعها بجنوب أفريقيا للمنطقة الأفريقية و في تايوان للمنطقة الآسيوية. و إختلاف الكماليات لكلا المصنعين يعود للأبحاث التي تقوم بها تويوتا للتعرف على المواصفات المطلوبة و القدرة الشرائية و الظروف المناخية لكلا المنطقتين و غيرها من العوامل الأخرى.

رد: رضينا بالياباني طلع ........................! !!
 

هي تايوان اقرب للشرق الاوسط من اليابان ...
وممكن يكون مجرد تقفيل او اضافه بعض المكونات لخفض التكلفه
عموما كده كده الياباني كله ممكن يتصنع بره اليابان بسسب ارتفاع قيمه الين و بالتالي ارتفاع تكلفه التصنيع
نيسان نقلت انتاج بعض عربياتها من اليابان الي المكسيك ... ويرجح ان التيدا منهم
نيسان تنقل إنتاج بعض من سياراتها فورا من اليابان إلى المكسيك
http://www.masrmotors.com/vb/showthread.php?t=5464
واغلب الشركات يهما التصنيع باقل تكلفه ... علشان المنافسه و حصه المبيعات
وزي ما قال ابونورا ... الصين حتصنع كل العربيات اللي في الدنيا

وبرضو رأي Memo the beast
تقريبا كنت بكتب المشاركه في نفس الوقت ...
انا لو كنت شفت مشاركته الاول كنت اقتبستها و حطيت جنبها +1111111111

رد: رضينا بالياباني طلع ........................! !!
 

لاء طبعا ده كلام فارغ
لانسر لغاية 2009 مادخلتش مصر هندي اطلاقا
موديلات بومة ياباني 100%
في حاجات كتير بقت هندي وصيني لكن بومة ياباني
انا اتحداك لو جبتلي دليل ان بومة دي هندي
يا ريت نتاكد من المعلومة اللي بنقولها قبل ما نكتبها عشان في ناس بتصدق وتروح تشتري على هذا الاساس

رد: رضينا بالياباني طلع ........................! !!
 

طيب ممكن حضرتك تقولنا تأكدك ده منين ... يعني عندك معلومه او رابط او اي حاجه تقول ان البومه ياباني ...
لأني فعلا شاكك في النقطه دي خصوصا ان الموقع الرسمي لميتسوبيشي مفيهوش خالص الانسر البومه ؟؟
اللي موجوده الانسر شارك بس ... وده افهم منه ان انتاجها وقف في اليابان ... و لا ايه ؟؟!!

http://www.mitsubishimotors.com

عموما سواء ياباني او هندي او مصري حتى ...
فهي عربيه كويسه و ناس كتييييييييره بتحبها و تشكر فيها ...
وكفايه انها يابانيه الاصل حتى لو كانت جايه من جزر القمر

رد: رضينا بالياباني طلع ........................! !!
 

رد: رضينا بالياباني طلع ........................! !!
 

حضرتك في شهادة اسمها بلد المنشأ
بلد المنشأ مكتوب فيها made in japan
الجمارك على المنتجات الياباني اكتر بكتير من اي دولة اسيوية
والوكيل من مصلحتة ان يخفض الجمارك
لكن الجمارك وشهادة المنشا والافراج الجمركي حتى المستطيل المعدني الذي يوجد على قائم الباب هاتلاقي مكتوب فيه صنع في اليابان بمواصفات دول مجلس التعاون الخليجي لانها اقرب مواصفات لمصر
لانه لا يوجد مواصفات قياسية مصرية في السيارات

رد: رضينا بالياباني طلع ........................! !!
 

- انا شخصياً اشتغلت فى شركة وكنت بشوف بعينى شهادات المنشاء وهى بتتزور والمنتج الصينى يتبقى ايطالى وكثيراً جدا ماكان بينزل المفتشين ويلاقوا ستيكر صنع فى الصين على المنتج اللى شهادة المنشاء ايطالى او يلاقى اتنين استيكر واحد صنع فى الصين والتانى صنع فى ايطاليا وعادى جداً احنا فى مصر

- مثال بعد عام 2000 توقف انتاج الكيا برايد فى كوريا لكن كانت بتيجى من ايران ووتقفل فى AAV ومكنش حد بيقول انها ايرانى وكل الناس كانت بتشتريها على انها كورى تقفيل مصرى
فده مثال وفيه شواهد كتير واتكلمت عنها الصحافة قبل كده لحاجات مشابهه

- يتم تصنيع متسوبيشى الموديل (بومة) فى الهند فى حين ان انتاجها توقف فى اليابان
رابط موقع متسوبيشى الهند

http://www.mitsubishi-motors.co.in/cedia.asp

- ده رابط الموقع اللى بيتكلم عن متسوبيشى الشارك اللى بتتجمع فى الصين
http://www.autohome.com.cn/news/200902/55246.html