مصر موتورز مجتمع السيارات - مهزلة جديدة مع الصنى تالت مرة

مصر موتورز مجتمع السيارات (https://www.masrmotors.com/vb/index.php)

- صنى SUNNY (https://www.masrmotors.com/vb/forumdisplay.php?f=205)

- - مهزلة جديدة مع الصنى تالت مرة (https://www.masrmotors.com/vb/showthread.php?t=63576)

رد: مهزلة جديدة مع الصنى تالت مرة

اقتباس:

المشاركة الأصلية كتبت بواسطة mmffor (المشاركة 479870)

للاخ صاحب الموضوع

موضوع السحب الضعيف انا من رأيي انك تفتح الموتور على طريق سريع و ان شاء الله حتحس بالفرق - لازم تفتح الموتور - و جرب تركب فلتر سبور و انت بتفتح الموتور و بعدين شيله

بخصوص التكييف - انا اختي عندها لانوس 2009 و العربية كانت عاملة 11 الف كيلو معاها راح فجأة كل الاشارات و التكييف فصلوا خالص

راحت التوكيل قالولها برضه فيوزات - بس الفرق انهم غيروا فيوزات كاملة للسيارة - و المفاجأة على حسابها مش حسابهم و دفعت 120 جنيه فيوزات و 60 جنيه مصنعية مع ان العربية كانت في الضمان

ده الفرق بين نيسان مصر من ناحية و منصور شيفروليه او ابو الفتوح او غبور من ناحية تانية

وارد ان اي عربية يكون فيها عيب - لكن كيفية تعامل التوكيل و مركز الصيانة مع المعاملة هو الفرق

اشكرك على ردك على اهتمامك انا فعلا حاولت اجرى بيها انا مسافر بس صوت الموتور بيعلى جدا لدرجة مخيفة بتخلينى اهدى السرعة لأن بحس ان الموتور هيتفرتك انا مش سواق قديم و مليش خبرة بالعربيات بس عمرى ما شوفت الكلام ده فى عربيات اخواتى انا اخويا كان معاه اوبل استرا 2007 و اخويا التانى كان معاه صنى 2008مانيوال كان كل اللى بيشتكى منه العفشة بتاعة العربية و لما ركب عربيتى و ساق على الدائرى قالى العربية ميتة خالص

رد: مهزلة جديدة مع الصنى تالت مرة

والله التوكيلات كلها ومعظمها نصابين انا اتعاملت مع هيونداى وابو غالى وابو الفتوح ومنصور وكلهم طول ما انت مش بتشتكى وبتدفع حبيب لهم اول لما تشتكى المبررات تبدا على طول كان الواحد فاضى لهم ونفسه يقعد عندهم :fun_10_1_124[1]:

رد: مهزلة جديدة مع الصنى تالت مرة

ربنا يسترها معاك و معانا جميعا
و يسهل الحال و تكون بسيطة ان شاء الله

رد: مهزلة جديدة مع الصنى تالت مرة

شكرا على التحذير قبل ما اوقع في مصيبة شراء الصني

رد: مهزلة جديدة مع الصنى تالت مرة

اقتباس:

المشاركة الأصلية كتبت بواسطة Joker2012 (المشاركة 480172)

شكرا على التحذير قبل ما اوقع في مصيبة شراء الصني

فعلا العربية دى سمعتها هتبقى زفت ربنا يوفقك لما يحب و يرضى و تلاقى فعلا حاجة تستاهل تمنها

رد: مهزلة جديدة مع الصنى تالت مرة

عايزين نشوف للراجل حل يا جماعة العربية معفنة وقرفاة انا ممكن اجى معاك واجيب ناس وناخد حقك ونصلحها فى التوكيل غصب عنهم انا مع الراجل دا وللعلم اى عضو هنا لو عندة عربية والكاوتش بيفسى كل شوية شوفوا بقى الهيافة الكاوتش بيفسى مثلا كل يوم بيكون مخنوق ومضايق طب حط نفسك مكانة بقى وللعلم انا بحب اللانوس جدا مش عارف لية انت غيرتها مع انها موديل جديد 2008 وللعلم انا معايا فيرنا بس فعلا الموضوع لازم نتفاعل معاة انا اول واحد اروح معاك التوكيل ونشوف مين التانى
هاااااااااااااااااااااااا ااااااااااااااااااااااااا ااااااااااااا:sycho26:

رد: مهزلة جديدة مع الصنى تالت مرة

اقتباس:

المشاركة الأصلية كتبت بواسطة memodina1 (المشاركة 480431)

الله يكرمك و فعلا اللانوس عربية جميلة و حمالة قسية جدا و ياريت يا جماعة فعلا اللى عندهم مشاكل مع الصنى زيي نتجمع مع بعض و نروح التوكيل و نقدم شكوى جماعية زى الناس بتوع السيراتو لما عملوا ده لما عربيتهم اتسرقت انا مش بعمل الموضوع عشان اشوه سمعة الصنى و خلاص بس فعلا الموضوع مقرف جدا و كتير اضحك عليهم و بشكرك مرة تانية على شهامتك