رد: اوبل 95 بتوصل 100 حرارة
 

بص يا باشا عندك حلول لمشكلة السخونة تاخدهم بالتدريج:
1- الكشف على دورة التبريد بكل مكوناتها ريدياتير وخراطيم وغيره وتتأكد إنها سليمة ومفيش تسريب.
2-عمل غسيل وتنظيف للشبكة وإزالة كل الرواسب ممكن استخدام مادة منظفة للريدياتير تزيل الصدأ وكل الرواسب وبعدها غسلها جيدا بمياه عادية وبعد ذلك يفضل ملأ الشبكة بمياه خضراء ذات تركيز عالى
3-فى حالة عدم انتظام عمل المروحة او لا تؤدى دورها فى عملية التبريد أوتبدأ عملها فى السرعة الأولى على درجة حرارة عالية يتم تغيير الثرموستات لتعمل على درجة أقل ولا يفضل أن تعمل المروحة على السرعة العالية دايما
انشالله الحرارة تظبط معاك بعد كده وتبقى من 80 الى 85

رد: اوبل 95 بتوصل 100 حرارة
 

وعلى فكرة ممكن تركب الثرموستات بتاع الفيات 80/90 هيظبط معاك، انا كان عندى مشكلة فى المروحة وركبته فيكترا 97

رد: اوبل 95 بتوصل 100 حرارة
 

أنا كمان من أسيوط على فكرة وعندى فيكترا موديل 2000لسا جيبها من 3 شهور كدا،أنت بتروح لمين ميكانيكى؟؟

رد: اوبل 95 بتوصل 100 حرارة
 

باشا الكلام دا مش محدد يعني مثلا العربيه بتسخن مع التكييف من غير التكييف
لو من غير التكييف تحرى الأتي:
1 تأكد من عدم نقصان الميه في القربه
2 تأكد من عدم وجود ثقب أو شرخ في القربه أو احد الخراطيم لآن جزء من عمل الدايره هو وجود ضغط البخار
3 تأكد من أن الغطا بتاع القربه سليم أو مربوط بأحكام
4 الرادييتور اللي بينزل مصر حديد للـ 95 فا ياريت لو يُستبدل بواحد ألومينيوم هندي الصنع
5 تأكد من عمل كتاوت لقط الأشاره بتاعت المراوح الأخضر و الأزرق (الواطيه - العاليه)
6 تأكد من عمل مروحه التبريد و مروحة التكييف(الرسبنتينه)
7 تأكد من عدم تأخر كلا من السويتشات العالي و الواطي و عملهم بكفاءه
8 تأكد من تأدية الدينامو للشحن الدايره الكهربيه و عدم تأثير الكابلات سواء الأرضي او الكهربا على فقد جزء من الطاقه على هيئة مقاومه (بالبلدي ممكن يكون الكابلات عيزا تتغير )
لو مع التكييف تحرى الأتي:
1 كل ما سبق
2 التاكد من ان العربيه فيها فريون و الشحنه كامله (نقص الشحنه يؤدي إلى سخونة العربيه )
3 التأكد من ان سويتش الضغط بتاع التكييف يعمل بكفاءه و مش مهيس سواء شغال علطول أو فاصل علطول

أتأكد من الحاجات دي الأول ... و أي حاجه انا تحت أمرك م /احمد حمادROSE4U