|
رد: بشرى لكل المعتصمين واهداء خاص لحركة 13 ابريل العزيزة
اقتباس:
انا معاك في كلامك طالما كلامك محترم وحضرتك بالتأكيد محترم جدا عكس ناس تانية بترد باسلوب الواحد يعف نفسة عن الرد علية الل مضايقني من 6 ابريل اللي عملوة دا ايه لازمة ترووحو من ميدان التحرير بمظاهرة الى وزارة الدفاع لزمتها ايه فرد عضلات مثلا اصل المشكلة دلوقتي بقت كل فصيل في الثورة بيتحدي انه اكبر من التاني وبقة موضوع مليونيات التحرير دي بقت معمولة عشان نعرف مين اكتر ومين اقل مين كلامه مسموع ومين ملوش لازمة خلاص بقت مليونيات التحرير كدا المشكلة انه لسة فية بلطجية سارحة في الشوارع النظام السابق كان فية وراة مش حاقول مئات...بل الالاف مستفيدة من البلطجة مدفوعه الاجر كل دول بين يوم وليلة لقم نفسهم في الشارع وبعدين كانو بياخدو مبالغ رهيبة وكان ليهم تصنيفات وفئات محددة بالسعر يعني تاجير انتخابات تفرق بين تخويف وصياعه كله بتمنه المهم انت عارف ان البلد فيها قلق وان الممكن ان لو الجيش سمح بوصول المظاهرات ادام وزارة الدفاع هل تضمن عدم اندساس عدد لا بأس منه من البلطجية وممكن يضربو الوزارة وبعدين دا امن قومي يعني مبنى وزارة الدفاع مستهدف طبعا ..يبقى ايه الوضع ساعتها برضة وهما في الطريق ماكنوش عاملين حساب اندساس بلطجية توقع بينهم وبين الجيش الفكرة نفسها مش غلط لأ غبية ملهاش لازمة واهو فعلا اللي كنا خايفين منه لقيناة انا اصلا ساكن في العباسية وكنت امبارح عند الحاجة بازورها اللي حصل ودا عرفتة من صحابي في الميدان نفسة ان المتظاهرين هاجمو الجيش بعد لما لاقوة مش عايز يخليهم يعدو يروحو وزارة الدفاع بعد شوية اللجان الشعبية بتاعه المنطقة ودي من اهالي المنطقة دخلت ساعدت وفصلت بين المتظاهرين والشرطة العسكرية وبصراحة لما مالقوش فايدة من المتظاهرين ضربوهم ومشوهم بالعافية اللي حصل النهاردة ان المتظاهرين جم تاني ومعاهم سلاح وسنج ومطاوي وعايزين برضة يهاجمو بقى اللجان الشعبية اللي ضربتهم امبارح يعني وضع غبي مش صح ومالوش لازمة مانت في التحرير بتشتم الجيش والمشير (سواء بقى الكلام دا صح ولا خطأ كل واحد بيعمل اللي هوا عايزة) ايه بقى لازمة اروح وزارة الدفاع....والمنطقة الخطيرة دي... عرفت لية بقى انا بهاجم 6 ابريل عشان بقم شوية اغبياء والله اعلم بعد ماكنت متاكد من انها حركة للحرية والتحرير بقت هي كمان بتدور على نصيبها من تورتة الثورة...لما لقت ان الاخوان اخدو نصيب الاسد منها... اللهم ارحمنا من الفردية والانانية وكل واحد يحط مصلحة الناس قبل مصلحتة الشخصية عمرنا ماكنا حنلاقي الوضع الغبي اللي احنا فية دلوقتي |
رد: بشرى لكل المعتصمين واهداء خاص لحركة 13 ابريل العزيزة
اى كلام فى اى حته والمهم تفتيت الثورة والمنادين بمطالبها
بصراحة شغل على مية بيضة زى الفل ... الاخوان اتراملهم عضمة المقاعد النيابية ومسكوه فيها خلاص ولسه ياعالم يمكن ياخدو حقيبة ولا اتنين ائتلافات الثورة كلها اتلهت فى تشكيل احزاب وحلم المقاعد النيابية برضو ويا عالم برضو حركة كفاية بالسلامة برضو وجورج اسحاق مش فاضى هو كمان كلنا خالد سعيد فقدت من رصيدها بما ناله التشوية من شخصيات مؤسسيها ولوجود قضايا اضخم واعم منها التيارات السلفية تقوقعت مرة تانية حول اسلامية الدولة والدولة الاسلامية والحركة القبطية بالتبعية اتلهت بعبع الاخوان والتيارات السلفية وما بين مساندة احزاب تتبنى الاجندة الخاصة بيها وبين السعى على تمثيل لائق فى لعبة الكراسى الموسيقية القائمة فاضل مين يا اولاد صوتة عالى ومبيدورش على مناصب ولا مراكز ولا مصالح فاضل شوية شباب مؤمنين ان اللى بيحصل كذب وتضليل وسياسة فرق تسد قلقانين ومش متطمنين وواثقين ومتأكدين ان النية مش خير وان الثورة ترجع الى الخلف ومن حقهم زى كل الناس يستخدمو كل اساليب الاعتراض المشروعة للتعبير عن رفضهم لان هما مش عايزين مناصب ولا حاجة لنفسهم غير الحق ده دول 6 ابريل اللى جه عليهم الدور |
رد: بشرى لكل المعتصمين واهداء خاص لحركة 13 ابريل العزيزة
|
رد: بشرى لكل المعتصمين واهداء خاص لحركة 13 ابريل العزيزة
|
رد: بشرى لكل المعتصمين واهداء خاص لحركة 13 ابريل العزيزة
عندما يتم الاعتداء علي وحدة تصوير التليفزيون المصري والاعتداء علي مراسلة الجزيرة والاعتذار لها تحت مسمي اصلنا افتكرناها من القناة الاولي ثم الشكوي من تغطية التليفزيون لفاعليات الثورة. عندما يتم التوعد للقوات المسلحة بانهم سيجعلون من 23 يوليو يوما لا ينساه الجيش مثلما فعلوا في 25 يناير مع الشرطة، عندما يتبرا الجميع علي من المسيرة المتجهة للمجلس العسكري ويقولوا مانعرفش دوول مش بتوعنا علي الرغم من خروجها في ثلاثة الاف شخص من قلب ميدان التحرير عندما يعلن الجميع انهم سيعتصمون ويحاصرون المجلس العسكري ووزارة الدفاع ثم يقال احنا كنا حنوصل كلمتنا ونرجع عندما يعلم الجميع ان سكان غمرة والعباسية والوايلي مستحلفين لهم ومستنينهم ومع ذلك تتقدم المسيرة بالرغم التحذيرات من مغبة وقوع الشعب مع بعضه عندما يقال ان من في التحرير ليس بينهم بلطجية ده الشعب الاصيل مش ذنبه ان شكله كده وعندما يتهجم هذا الشعب علي من يعتقد انه يحاول هدم الحائط الاخير لهم كدولة يقال عنهم بلطجية....... عندما يتم تجهيل وتخوين كل شخص ذو راي مخالف عفوا انتم السبب في انصراف المصريين الغلابة من حولكم انتم من تسببتم في عودتكم دون الباقوون انظروا خلفكم فان لم تجدوا نفس الجموع التي كانت يوما تساندكم وتتحدثون باسمها فاعرفوا انه خطاكم لا خطائهم.....
دا تعليق اعجبني عن انحراف 6 ابريل عن الخط المشرف اللي كانو علية زمان...منقوووووول |
رد: بشرى لكل المعتصمين واهداء خاص لحركة 13 ابريل العزيزة
http://a2.sphotos.ak.fbcdn.net/hphot..._7371183_n.jpg
السؤال 1: المواطن عاري المنتصف الأعلى، رافع سنجة ولا رافع علم مصر؟ السؤال 2: اللي شايلين صناديق دول، الصناديق بتاعتهم فيها بيبسي ولا فيها إيه؟ السؤال 3: الأمن المركزي واقف جنبهم ولا هم اللي وقفوا جنبه؟ تعليق اجبنى ايضاً |
رد: بشرى لكل المعتصمين واهداء خاص لحركة 13 ابريل العزيزة
خبر اعجبنى ايضاً
أمن الدولة تطلق البلطجية لمهاجمة اعتصام الإسكندرية لتهريب الضابط المقبوض عليه الإسكندرية ـ أحمد صبري أطلقت عصابات امن الدولة عشرات البلطجية لمهاجمة المعتصمين بميدان سعد زغلول بالإسكندرية بتحرير ضابط بالجهاز الذي كان قد تم القاء القبض عليه منذ نحو ساعة وتعرف عليه النشطاء بانه كان يقود بالأمس عمليات التعدي على مقر قيادة المنطقة الشمالية العسكرية بالطوب والحجارة. وقد هاجم العشرات من البلطجية المسلحين بالأسلحة البيضاء المعتصمين من الاتجاه القبلي فيما قام نحو 30 شخصا يبدو انهم من المندثين فى الاعتصام بغرض سحب الضابط المقبوض عليه والجري به نحو البوابة الواقعة في الاتجاه المعاكس في اتجاه البحر وقاموا بتهريبه في عملية بوليسية لا يقوم بها إلا محترفون تابعون لأجهزة أمنية عالية التدريب. استمر هجوم البلطجية على المعتصمين وسط سخر أهالي الشهداء الذين اتهموا من قاموا بتهريب الضابط المقبوض عليه بأنهم خونة وعملاء لأمن الدولة مطالبين بطرد هؤلاء خارج الاعتصام. كان معتصمو الإسكندرية قد وجهوا لطمة جديدة لجهاز أمن الدولة المنحل بعدما تم إلقاء القبض على أحد عملاء الجهاز المندسين وسط المعتصمين، وذلك للمرة الثانية خلال أقل من 24 ساعة، فيما أكد عديد من النشطاء السياسيين بالإسكندرية أن المقبوض عليه ضابط برتبة مقدم بالجهاز المنحل. واستشهدوا بصور قديمة ظهر فيها ذات الشخص في الوقفات الإحتجاجية قبل الثورة إلى جوار رجال الأمن جنبا إلى جنب، حيث كان يقوم بالاعتداء معهم على النشطاء. وكان الناشط السياسي عبد الرحمن الجوهري، منسق حركة كفاية بالإسكندرية وعدد من النشطاء منهم محمد طارق، ويوسف شعبان وحسن مصطفى وأخرون قد تعرفوا على ضابط أمن الدولة، الذي كان يقوم بالاعتداء عليهم أثناء المظاهرات مع زملائه من الضباط من الأمن الجنائي ومباحث أمن الدولة. كما أكد عديد من النشطاء أن ذات الشخص كان يتزعم أمس أحداث العنف التي وقعت أمام المنطقة الشمالية وكان يقوم بإلقاء الحجارة على جنود وضباط من الجيش ، كما قام ومعه عدد من البلطجية أمس بمحاولة قطع طريق السير "ترام الإسكندرية" بمنطقة سيدي جابر بالقرب من المنطقة العسكرية، وكان يتعمد سب وقذف ضباط الجيش واستفزازهم، وكذلك تحريض المتظاهرين على الاشتباك معهم. وقد أكد النشطاء أن هناك العديد من الكتابات التي تم تسجيلها أمس لهذا الشخص أثناء أحداث الاشتباكات أمام المنطقة العسكرية لدوره التحريضي على إشعالها فيما اضطلعت "بوابة الأهرام" على صور قديمة كان قد تم التقاطها للمقبوض عليه أثناء وقوفه جنبا إلى جنب مع ضباط أمن الدولة والمباحث الجنائية المعروفين للنشطاء. وقد عثر المعتصمون على بطاقة رقم قومي باسم حسن أحمد حسن رحيم، تم استخراجها حديثا للمقبوض عليه، ودون بها أنه من مركز رشيد بمحافظة البحيرة. نقلاً عن جريدة الاهرام http://gate.ahram.org.eg/UI/Front/In...ontentID=97646 |
| الساعة الآن 07:38 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017