رد: تجربتى مع نيسان صنى
 

الف مبروك و ربنا يديك خيرها و يكفيك شرها ان شاء الله.

رد: تجربتى مع نيسان صنى
 

-3-
الخامات المستخدمة فى صالونها بدرجة جيد جدا خاصة فى قماش المقاعد فرش الأبواب أما الأرضية فلا تزيد عن جيد !
الحقيبة الخلفية مدهشة بدرجة كبيرة لإتساعها الملحوظ مع إمكانية طى الكنبة الخلفية لتكون مساحة التخزين هائلة
الكنبة الخلفية تبدو ضيقة بعض الشىء عند إرجاع المقاعد الأمامية لكنها مقبولة
إرتفاع السيارة عن الأرض مناسب جدا ونادرا ما يعوقها مقب صناعى وهو بحق الأعلى فى فئتها عن سطح الأرض
من أول وهلة أجبرنى المحرك على إحترامها فالتجميع سريع جدا والإنطلاق مميز مع موتور 1300 سى سى أوتوماتيك !!!
لم أصدق وأنا أضغط على دواسة البنزين عند الإنطلاق فأجد العجلات الأمامية تدور بسرعة محدثة غبارا وكأنى قرصت على سيارة مانيوال موتورها لا يقل عن 1600
كنت أتذكر تجربتى مع اللانسر 1300 الأوتوماتيك وشتان ما بين جبروت محرك الصنى ومحرك اللانسر الغلبان!!
ومع أول رحلة وعند أول تخطى سريع لم تخذلنى كسالفتها فقد زودت السيارة بزر القيادة الرياضية وبكبسة صغيرة تجد الآر بى إم يرتفع وتزأر السيارة منطلقة بأقصى سرعة وعزم وأيضا يمكن تشغيل هذه الخاصية بالضغط القوى على دواسة البنزين دون هذا الزر وفى التخطى كانت المرآة الجانبية تكشف عن وجهها الجميل وكأنها شاشة عملاقة تصف الطريق بكل تفاصيله خلفك!
فى البداية كانت العفشة بها بعض النشوفية تعودت عليها لاحقا والسيارة تخوض غمار طرق غير ممهدة مليئة بالتجاعيد والحفر والمقبات والمقالب والمفاجآت لكنها صمدت وتعاملت معها بقوة وصرامة ولم تهتز لتثبت أن مكوناتها عالية الجودة معمرة جدا
كان الصوت مع زيادة السرعة يعلو ربما الكورولا واللانسر أهدأ لكن صوت الصنى مميز ومحبب وقد تنتظره فى حب أما على السرعات دون المائة فتكاد لا تسمع لها صوتا وأحيانا كنت أخال الموتور لا يعمل!
وجاءت بعد شهر تجربة فى عز الصيف وسرت مسافة 485 كيلو قطعتها فى ثلاثة ساعات و45 دقيقة تحديدا فى رحلة سير متواصل بدأت من العاشرة صباحا والحرارة لا تقل عن 40 درجة ومحرك السيارة لم يتوقف ولم تتوقف السيارة للراحة إلا بعد بلوغ المكان الذى أستهدفه وفى اليوم التالى عادت نفس المسافة وبنفس التوقيت وبذات الكيفية دون أن يتحرك مؤشر حرارتها عن الطبيعى ودون أن تفقد قطرة مياة واحدة ومنسوب المياة على حالة وللعلم قضت عاما كاملا دون التزود بقطرة ماء واحدة رغم أنها قطعت 24 ألف كيلو
كان إستهلاك البنزين 320 كيلو فى الصفيحة وكان رقما ممتازا جدا لم أشهده فى سيارة من قبل سوى السويفت

تتبع

رد: تجربتى مع نيسان صنى
 

-4-
بعد مرحلة الإقتناع والتى أجبرتنى عليها مع توالى الخدمة الشاقة فى سفر يومى وطرق من أسوأ ما يكون وفى ظروف تشغيل بها بعض القسوة أثبتت كفاءة عالية ولم تخذلنى كان لابد من عمل صيانة حتى لا تظهر أعطال وكعادتى فتحت فى التغيير
تيل الفرامل كانت به صافرة وبالكشف عليه تبيت أنه جديد ويابانى غيرته بنوع آخر صينى قالوا أنه الأفضل ولكن بعد تجربه لم أرتح له لأنه مبلط وسيلتهم الطنابير بلا شك وبعد البحث وجدت طلبى فى ماركة جولد الكورية وقد جربتها من قبل وكانت ممتازة !
طقم التيل الأمامى 80 جنيه والخلفى 75
قكت بتغيير زيت الفيتيس الأوتو بماركة إسو سعر اللتر على ما أتذكر 18 جنيه
فلتر زيت يابانى 25 جنيه
فلتر هواء كورى 30 جنيه
طقم جلب مقصات تايلاندى 65 جنيه ومازال يعمل بكفاءة منذ أكثر من عام
كرسى فيتيس أمامى تايلاندى 80 جنيه
تغيير لمبة ستوب خلفى
لمبة شبورة
وبالمرة طقم كاوتش ديستون تايلاندى مقاس 14/70/185
قمت بالكشف عليها عند صديق يمتلك جهاز كشف أعطال وكانت ممتازة فى كل شىء والنسب مطابقة للمعدلات القياسية خاصة توقيت الصبابات
وبعد هذه الصيانة البسيطة الضرورية إنطلقت السيارة بلا مشاكل والحمد لله

رد: تجربتى مع نيسان صنى
 

جزاك الله خيرا وبارك لك فى السياره وبعد نمتلك سياره صانى 2002 ونريد بيعها وشراء صانى 2009 سوبر صالون والسوال هل من اختلاف كبير فى الخامات ملحوظ نظرا للتقفيل المصري واريد معرفه الفرق بين اي اكس والصوبر صالون والسعر المناسب لكلاهما موديل 2009 واشكرك

رد: تجربتى مع نيسان صنى
 

رد: تجربتى مع نيسان صنى
 

رد: تجربتى مع نيسان صنى
 

انا معايا صني سوبر صالون 2009 عاملة 45000 كيلوا الشكل الجديد انا بحب اوضح حاجات مهمة جدا
اولا : نيسان في مصر بتصنع في مصنع نيسان المملوك بالكامل لنيسان اليابان مدير المصنع نفسة ياباني
ومعظم المهندسين يابانين يعني حجة التقفيل المصري اللي دايما يتكرر غير مبررة لان الناس دول ملتزمين وعمرهم ما هايضحوا بسمعتهم.

ثانيا: اكذوبة ان العربية غول بنزين انا باعمل 380-400 كيلو جوة البلد 30-33 لتر بنزين ولما باسافر اسكندرية رايح جاي 35 لتر من 450-480 كيلو. وعلسان توفر فى البنزين خليك على اقل من 3000 RPM.

العربية دي انا سعيد جدا بيها لها مميزات كثيرة منها انها اعتمادية جدا تستحمل السفر شنطة العربية واسعة جدا ودة اللي مخلي العربية ضيقة شوية فى الكرسى الخلفي التكييف تلاجة ولم يعطل مرة واحدة ولكن هناك بعض الاجراءات كلى تحافظ على التكييف فى فصل الشتاء لابد من تشغيل التكييف مرة واحدة علي الاقل لمدة 10 دقائق كل شهر غسل السربنتينة بالماء كل فترة كل 20000 الف راجع علي شحن الفريون فى التوكيل.

سحب العربية ممتاز لكنة بيتاثر جدا بحاجتين في الاول بالبطارية عشان كدة انا بنصح بتغيير البطارية السائلة ببطارية جافة بعد السنة الاولى. لما العربية تجي تشد وتجري بتتاثر جدا بفلتر الهوا علشان كدة انا كنت بغيرة كل15000 الف وبنضفة كل 2000 كيلو ببلور هواء علشان انتم عارفين مشكلة التراب فى مصر. وبعد كدة العربية بتبقى طلقة وبتجيب معايا 170-180 بسهولة. وحليت مشكلة الفلتر نهائيا انى جبت فلتر امريكى بيعقد مدى الحياة اسمة k&n من شركةTPS GRAGE فى الحرفيين وبتنضف كل 50000. الف كيلو وبيتزيت بمادة 120 جنية وهو تمنة 400-430 جنية.
العربية دى انا جبتها بعد دراسة كاملة فى السوق لمدة 4 شهور وفيها كل عوامل الامان. ABS,EBD,BA الخاص بالفرامل و كمان 2 air bags وكمان بارات صلب لزيادة ثبات العربية ولذلك ثبات العربية جميل جداوكمان نظام ضد السرقة nats العربية بتفصل كهربا لما تستخدم مفتاح احر مصطنع. كل دة 103000 الف جنية.
بصوا للسوق وشوفوا العربيات بالامكانت دى بكام اما البكانتو 2011 1300 cc
96000 جندى.
نصيحة علشان تحس ان العربية ناعمة والعفشة تبقى حلوة حط نيتروجين وظبطة على 30 ورا و32 قدام.
غيروالزيت واستخدموا valvoline او lquimoly انا فرق معايا جدا لما غيرت موبيل1*
وجبت فالفولين واستهلاك البنزين فرق معايا جدا.
واخيرا انا قرات معظم التعليقات عن النيسان صنى وللاسف معظمها عن طريق السمع وليس التجربة
واى استفسار انا فى الخدمة.