رد: القول الفاصل في موضوع لمبة التشيك ..... خصوصا العضو oceanboy425
 

السلام عليكم
يا جماعه انا معايا نيو اكسنت 2006 والعدادات فجأه اتحرقت ، قالولي روح لواحد في الدقي تخصص عدادات قالي ده جالو سكته قلبيه ، طيب دي من ايه يا عم قالي محدش يعرف السبب ده عطل مفاجئ، المهم رحت لاقيت واحد استيراد بس كان من عربيه نيو اكسنت خليجي ، بصراحة العداد الجديد فوق الوصف لاقيت لمبه التشيك شغاله فيه زي السكين في الحلاوه ، مش كده وبس لاقيت فيه امبير للحراره يوضع درجه حراره الموتور مش لمبه زي اللي كانت في التابوه القديم، بس في مشكله واحده بس في الموضوع ده ، هوا ان قرايه العداد بالميل مش بالكيلومتر ، اينعم هي مش بتمثل مشكلة كبيرة بس ياريت لو حد عنده حل يقولي .
وشكرا

هشام

رد: القول الفاصل في موضوع لمبة التشيك ..... خصوصا العضو oceanboy425
 

السلام عليكم

كطبعا كان عندي نفس الحوار
بس يوم السبت اللي فات فكيت العداد بطريقه سهلة جدي
هتعمل الاتي هتفك مسمارين فوق في الاول و بعدين تسحب الوش وتشيل فيشة زرار عداد الرحلات وهتلاقي اربع مسامير بعدها اسحب العداد بالراحه و هتلاقي 3 فيش واحده يمين و2 جنب بعض شمال كدا العداد حر طلعه بره ومن ورا هتلاقي حوالي 6 مسامير نجمه فكهم واسحب الفبره دي هتلاقي لمبة التشيك مقفولة بلزقه شيل اللزقه بالراحه وفك اللمبه اللي جنبها علي طول اللي هي بتاعة الايرباج وحطها في التشيك واقفل التانية باللزقه اللي فكيتها وبعد كدا الخطوات العكسيه ومبروك عليك اللمبه

رد: القول الفاصل في موضوع لمبة التشيك ..... خصوصا العضو oceanboy425
 

جامدة الحركة ديى
طيب هما ولاد اللاذينة مدارينها ليه طالما موجودة ؟ !!!!