|
رد: افضل السيارات اعتمادية لعام 2009 - jdpower vehicle dependability
اقتباس:
و إلا كيف تحتل جاكوار و بويك المركزين الثاني و الاول و ليس لهما سياره واحده متربعه على اعلى الاعتماديه لكل فئه في الجدول الثاني و الثالث فمن المعروف ان الجدول الثان و الثالث بحسابهم يتكون لنا الجدول الاول فنجد ان بويك لا يوجد لديها إلا 3 موديلات في قائمه احسن 3 إلا buick lucerne و ترتيبه الثان فالفئه العائليه الكبيره و buick lacrosse في الفئه المتوسطه و buick rainer في فئه MAVالمتوسطه من اصل 6 موديلات جعلوها الاول كيف و جاكوار على الجانب الاخر لا يوجد لها و لو موديل واحد على قائمه احسن 3 لكل فئه فكيف حدث هذا ايضا الله اعلم و على الجانب الاخر ستجد تقريبا كل موديلات تويوتا و لكزس و منهم العديد متربع على القمه فكيف حدث هذا الله اعلم ايضا |
رد: افضل السيارات اعتمادية لعام 2009 - jdpower vehicle dependability
اقتباس:
عندهم احدث التكنولوجيا في يومنا هذا و بأقل الاعطال و بمواصفات امان خمس نجوم او اربعه على الاقل في ايامنا هذه |
رد: افضل السيارات اعتمادية لعام 2009 - jdpower vehicle dependability
اقتباس:
مش معنى كلامي اني بقول انهم متأخرين تقنيا او بشكك في معاملات الامان .... لكن بعتبر ان العربيات الياباني كمجمل عربيات يعتمد عليها وبفضل التقنيه الاوروبيه ... خصوصا الالماني زي ما بفضل التصميمات الايطاليه بأختصار ( ودي وجهه نظري الشخصيه ) سبب الاقبال على العربيات الياباني هو اعتماديتها و سمعتها في جوده التصنيع ... بالاضافه الي السلاسه و النعومه او بمعنى ادق ... دي الاسباب اللي تخليني افكر اشتري عربيه تويوتا او هوندا |
رد: افضل السيارات اعتمادية لعام 2009 - jdpower vehicle dependability
انتو بتتكلموا عن اليابانى و كأنو قمة الاعتمادية,
بعيدا عن هذا الجدول الملعوب فيه, فان الاعتمادية لها اسم واحد فى نظرى مرسيدس ثم بيجو, و موقعها فى الجدول يثير الشك و الريبة, اقتباس:
ازاى؟ عندك مثلا الهايبريد, الشعب الأمريكى دلوقتى فيه اتجاهات قوية جدا بتقول الأتى : - يجب أن نقلل من استهلاك البنزين لأنه يأتى من العرب, و تذهب نقوده الى بن لادن! - هناك أصوات عالية لمحبى البيئة من الهيبز و الخنافس, هؤلاء يملأون الدنيا صراخا على البيئة الغلبانة المغلوبة على أمرها, و حاليا يقودهم المرشح الفاشل أل جور الذى وجد نفسه فى الحديث عن قضية لا يعلم عنها شيئا, و هى الاحتباس الحرارى. - أدى ذلك الى وصف من يمتلك الهامر بأنه وغد أنانى ملوث للبيئة, أما مالك البريوس فهو شخص مثالى متحضر! و لهذا السبب فقط انخفضت مبيعات الهامر, رغم أنها سيارة رائعة فى فئتها. أعتقد أن تقنية الهايبريد لا مستقبل حقيقى لها, فالتربو ديزل يطاردها دوما, و هى تقنية أكثر كفاءة, و هذه السنة سوف تنتج فيات أول محرك بدون كامات بتقنية MultiAir (سوف أفرد موضوعا عن هذا), هذه التقنية سوف تجعل الهايبريد بلا معنى حقيقى. اقتباس:
أعتقد أن مرسيدس موقعها فى أعلى الجدول, فهى تستخدم أفضل المواد الخام و أجودها, كما أن دقة التصنيع بها مرتفعة للغاية, و لهذا هى النجمة التى تقود الجميع. اقتباس:
و عموما لو بتفكر فى الاعتمادية فعندك مرسيدس و بيجو و حاليا فورد أيضا, موضوع الاعتمادية ليس مقتصرا على اليابانيين فقط. |
رد: افضل السيارات اعتمادية لعام 2009 - jdpower vehicle dependability
مهندس فادي ...
مساء الخير اولا ... اقتباس:
اقتباس:
اقتباس:
ال جور مهتم بقضيه الاحتباس الحراري من قبل ما يكون نائب ... و شيء طبيعي بعد ابتعاده عن الصراع السياسي انه يرجع لاهتماماته الاولى ... وياريت ال جور الفاشل كان جه مكان بوش الناجح ptmnlo123per195 بس ايه علاقه ده باعتماديه العربيات ؟؟!! ptmnlo123per178 اقتباس:
التويوتا FJ .... احلا منها ptmnlo123per1130 اقتباس:
للأسف مرسيدس اليوم مش هي مرسيدس التمانينات ... وابسط مثال ان المرسيدس المصري غير مرسيدس الالماني ... حتى في اللون و الخامات لكن بالرغم من كده ... وان ضاقت المسافه بينها و بين المنافسين ... مرسيدس ليها مكانه خاصه اقتباس:
البي ام اكتر عربيه بتستخدم تقنيه ... و اكتر عربيه بتحتاج تظبيط سوفت وير .. و حساسيتها عاليه جدا ... وبالرغم من كده بي ام بتقدم تقنيه يعتمد عليها وشركات كتير لما بتنزل موديل جديد بيكون فيه مشاكل او بجز .. وبيتم تداركها في الموديلات الاحقه او طلب العربيه للمصنع .. و للأسف في كتير بيقدمو تقنيه بدون القدر الكافي من الاختبار و الدراسه واديت مثال بالميجان .. اظن التقنيه اللي نزلت بيها بالنسبه لسوقنا المحلي كانت مثار اعجاب الجميع ... لكن للأسف مشاكلها كتيره ... استفدت ايه تقنيه بدون كفاءه = زيرو ... ptmnlo123per160 وبرضو مقلتش ان الاعتماديه مقتصره على اليابانيين ... بس بلاش فورد ... اي حاجه تانيه اقولكم رأيي من الاخر ... محمد مقتنع تماما بالياباني .... وفادي بيكره يسمع سيرته .... وفي النهايه ... حيفضل النقاش سجال ... و السرعه لا تزيد عن صفر الياباني مش قمه العربيات اللي في الدنيا ... و برضو مش في الدرك الاسفل .. يا ريت نتعايش ptmnlo123per122 |
رد: افضل السيارات اعتمادية لعام 2009 - jdpower vehicle dependability
مساء النور يا باشا,
اقتباس:
الكثير من الاعلانات, عندك فى مصر سيارة اسمها اسبيرانزا, مجهولة الهوية, و هى السيارة الوحيدة التى سوف تجبرك على تجنب منجزات البنية التحتية من كبارى و غير ذلك, و سوف تشعرك بأن اى مقب بسيط هو عقبة يصعب تجاوزها, المفاجأة أن هذه السيارة تباع بأعداد كبيرة فى مصر, و أن سعرها ليس رخيصا للدرجة التى تبرر عملية شرائها! تفتكر الاسبيرانزا بتتباع ليه؟! اقتباس:
اقتباس:
كان مأساة, لكن فى الوقت نفسه كان تطور عظيم بالنسبة الى الدوس, انا شغلته قبل كده على كمبيوتر قديم, و كان بيلخبط الدنيا. و مع ان الدوس كان اعتمادى للغاية, يعنى لا عمرك سمعت عن حد "ستب" دوس, و لا عن دوس بيهنج, لكن فى النهاية الويندوز انتصر, رغم انو كان يفتقد للاعتمادية تماما, لحد ما اتضبط اخيرا مع ويندوز اكس بى. كان من المستحيل تقديم نظام اعتمادى للمرة الأولى, و لو كانت الناس فضلت الدوس باعتباره أكثر اعتمادية, لما كنا نستطيع اليوم استخدام المتصفح بهذه السهولة و الولوج الى المنتدى فى ثوان معدودة! وصلت؟ اقتباس:
النقاش يثرى المنتدى و يحقق المتعة للأطراف المتناقشة و للقارىء معا. |
رد: افضل السيارات اعتمادية لعام 2009 - jdpower vehicle dependability
اقتباس:
اولا احييك ... و ارفعلك القبعه ... اعتقد ان الاسبيرانزا بتتباع لأنها بتقدم اوبشنز كتيره اوي موجوده في عربيات عاليه (تكييف اوتوماتيك و ايرباج و اي بي اس ....) ولأن شكلها و حجمها مميز شويه عن المنافسين وتصميم يعتبر احدث منهم وسعر منافس (بأعتبار ان كل العربيات بتتباع اغلا من سعرها الحقيقي )... ده طبعا غير سمعه ابو الفتوح من ايام البي ام عن نفسي معتقدش اني ممكن افكر فيها عموما السمعه اقوى بكتير من اي اعلانات او مواصفات ... واحنا في مصر دايما بنجري ورا الاسم ... زي الناس ما جريت على الماهيندرا سكوربيو .. ويقولك دي توكيل بي ام ... وهي عربيه هندي اساسا ... وشكلها يخلي الواحد عايز يرجع ... فاكر جاك و السيتروين الصغيره AX ... كانت نازله بسعر خيالي متهيألي اقل من 40 الف واعلانات وحمله قويه ... لكن حصل تشكيك في الوكيل و الدنيا بااااظت اكيد في تطور بيحصل ... واكيد مرسيدس النهارده احسن من مرسيدس امبارح ... لكن الفجوه بين مرسيدس النهارده و المنافسين .. بقت اقل ... مرسيدس اتطورت .. لكن المنافسين بيتطوروا بقوه ... وابسط مثال اودي ... النهارده الالمان نفسهم بيفضلوها عن مرسيدس و بي ام الويندوز اول ما نزل ما كانتش كل البرامج بتشتغل عليه ... كنت بشتغل ببرنامج اسمه 3D studio وكان لازم يشتغل Under Dos ... يبقى ساعتها استقدت ايه من الويندوز ... صفر لكن لما نزل ال 3D MAX اندر ويندوز ... قلب الموازين ... بس برضو دايما نفس المشكله .. سوفت وير قوي ومحتاج هارد وير غاااااالي ولو معايا هارد وير قديم او ضعيف شويه ... ممكن انام جنبه وده قصدي .. ان التقنيه تكون متكامله ومعتمد عليها .. مختبره ومدروسه ... منظمومه متكامله وعموما الويندوز لما بتحصل فيه مشكله بستبه تاني ... لكن لما عربيه تكون فيها مشكله (خصوصا في مصر ) لا حينفع تستب و لا ترجع مصنع و لا وكيل يغير .. ابسط حاجه حيقولك هيا كده و انت مش فاهم حاجه ... شوف مثلا الفيتيس ال MMT بتاع الكورولا ... اغلب الناس مخنوقه منه و منزلش الا في الجنوب افريقي .. بيختبروه علينا .... يقدرو يجربو فتيس زي ده في اوروبا او امريكا ... اشك انا مش ضد التقنيه ... لكن ضد التسرع و نزول منتج تجاري به مشاكل غير مدروسه وصلت ؟ وربنا يديم المعروف ... ويثري المشاركات كمان وكمان لكن اعتقد ان كده ممكن القراء يزهقو مننا ptmnlo123per1127 |
| الساعة الآن 03:43 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017