|
رد: حكايتى مع العذاب (اقصد مع الفيرنا)
بجد كلام جديد أول مرة أسمعه
أنا معايا الفيرنا من سنتين و ما شاء الله ولا أي مشكلة ولله الحمد التقييم العام لها بالنسبة لي ممتازة ( يمكن عشان أنا من المتحيزين لها ؟؟ ... مش عارف) |
رد: حكايتى مع العذاب (اقصد مع الفيرنا)
السلام عليكم ورحمة الله وبركاته
انا مستلمه عربيتى من شهر ونص من غبور نفسه والحمد لله شهر وكانت عجله من العجل اللى ورا الكاوتش مفتح فيها والحمدلله كنت رايحه اظبط العجل الراجل شافها وقاللى دى لو مشيتى بيها شويه هتتخرم وشالها عملها وركب الاستبن تخيلوا عجله مخرومه ومركبه الاستبن والعربيه مكملتش 500 كيلو والعجل بيدبدب تحتيا بطريقه مقرفه صراحه الصنايعى قاللى العجل وحش جدا وانى المفروض اروح غبور اوريهلهم واشتكيلهم وكده لان طبعا حرام اكون جايباها من شهر ونص وادفع الف ونص ولا الفين عشان اغير طقم العجل ايه رايكو؟ |
رد: حكايتى مع العذاب (اقصد مع الفيرنا)
الكاوتش مشمول في الضمان ،،
و من حقك تغييره انا غيرت الكاوتش بتاع عربيتي فيرنا برده علي حساب الضمان بس لفه و غلبه و في الاخر برده هيغيروهولك بلاسا او نسر الافضل تغييره من اولها عشان بتاع الكاوتش ياخده منك بفرق مناسب و تجيبي نوع نضيف |
رد: حكايتى مع العذاب (اقصد مع الفيرنا)
السلام عليكم ورحمة الله وبركاته
شكرا على سرعة الرد :) يعنى انا لو وديت العربيه كده كده مفروض يغيرولى كاوتش مادام فى ضمان؟ انا اول مره اعرف كده انا كنت فاكراه بره ضمان وفى ناس قالتلى هيقولولك ملناش دعوه وانتى مستلمه العربيه سليمه وكده بس صحيح ليه لف وغلبه؟؟ بس هم لو فعلا هيغيروه اروح اغيره واخد طقم جديد سليم على الاقل لو فكرت ابيعه و اجيب غيره ابيع 5 سلام وجداد احسن ما ابيع 5 متبهدلين ومنهم واحده متصلحه بس هو انا لو جبت طقم جديد ده كده ميخرجنيش من ضمان؟ |
رد: حكايتى مع العذاب (اقصد مع الفيرنا)
بصي حضرتك انا غيرت الكاوتش تحت تهديد ميلات لهيونداي - كوريا بس انا فاكر و مش متأكد ان حد قالي ان في كتيب الضمان مكتوب ان الضمان لا يشمل القطع المستهلكه و منها الكاوتش فحضرك اقريه و اتاكدي لف و غلبه لأنهم بعتوني لتوكيل الكاوتش كان ساعتها توكيل لاسا تبع غبور في الزمالك بتاع الكاوتش قالي الكاوتش سليم ، احنا مالناش فيه رجعت ابو رواش ، اتخانقت معاهم ، و قلتلهم دي مش ليلتي بقه اتصرفوا انتم قام مدير المركز قاللي خلاص احنا هنبعت نجيبهولك و نغيرهولك عندنا و لما يوصل هنكلمك و ده اللي حصل بس طبعا ضيعتلي بتاع اربع مشاوير و عموما هابعتلك رسالة خاصة فيها تليفون مدير خدمة العملاء في غبور و هوا راجل محترم و متعاون ، كلميه و هوا هيساعدك ان شاء الله |
رد: حكايتى مع العذاب (اقصد مع الفيرنا)
ارجوا من العضو مراجعه قواعد المنتدى(مشرف القسم )
|
| الساعة الآن 05:06 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017