|
رد: هل توجد علاقة بين شخصيتك وسيارتك؟
اقتباس:
يعني مثلا أنا معايا 35 ألف ممكن أجيب شاهين أو لانوس مثلا القرار مش حيعتمد على الشخصية قد ما هيعتمد على قدرتي على الصرف على العربية يعني أكيد أي حد هيشتري الشاهين هيبقى نفسه يركب لانوس لكن مايقدرش يصرف عليها سواء قطع الغيار أو البنزين 90 وكذلك اللي بيشتري فرنا وما بيرضاش يجيب الاسبرانزا مع انه حيموت عليها علشان الأوبشنز اللي فيها لكن خايف على فلوسه من قطع الغيار وانخفاض سعر اعادة بيع العربية من الآخر الموضوع كله مرتبط بالفلوس و برأي الناس اللي حواليك اللي هو بيحركك ويجرأك انك تاخد قرار معين |
رد: هل توجد علاقة بين شخصيتك وسيارتك؟
وطبعا فيه واحد معاه 7 آلاف وغصب عته لازم يجيب سيات
أو كيه لكن لو معاك 90 ألف هتفكر إزاى؟ المبلغ الموحد طبعا مقصود بيه مبلغ فيه اختيارات مش مبلغ يجبرك على عربية أو اتنين غصب عنك وحنى اختيارك فى ال 35 ألف برضه يعتمد على تفكيرك اللى هو جزء من شخصيتك |
رد: هل توجد علاقة بين شخصيتك وسيارتك؟
اقتباس:
|
رد: هل توجد علاقة بين شخصيتك وسيارتك؟
اعتقد ان نوع العربيه بيحدده في المقام الاول الاحتياج و طبيعه الاستخدام
يعني مثلا الطالب او حديث التخرج حيختار عربيه غير المتزوج حديثا اللي حيختار عربيه غير اللي معاه اطفال كمان طبيعه الشغل بتفرق .. يعني اللي بيضطر يتحرك كتير بالعربيه و يروح اماكن مختلفه او بعيده او يسافر غير اللي من الشغل للبيت و من البيت للشغل ... او اللي المظهر مهم في شغله و بالتالي شكل العربيه مهم اختيار مهندس الموقع غير اختيار الطبيب غير اختيار مندوب المبيعات ..... طبيعه الشخصيه ممكن تكون عنصر من العناصر المؤثره على قرار اختيار العربيه .. وده في حاله لما يكون الواحد بيفاضل بين عربيتين لكن في عناصر كتيييييير تؤثر على قرار الشراء السعر تكلفه التشغيل سعر اعاده البيع نوع الاستخدام طبيعه الاحتياج السن عدد الافراد ( عربيه عائليه ام شخصيه ) طبيعه العمل وطبعا الميول الشخصيه ( العملانيه ام الشكل - التوفير ام المظهر - .... ) لكن صعب نربط بين شخصيه واحد و عربيته ... والا اللي عنده عربيتين يبقى عنده انفصام في الشخضيه ..... ptmnlo123per1147 |
رد: هل توجد علاقة بين شخصيتك وسيارتك؟
اقتباس:
|
رد: هل توجد علاقة بين شخصيتك وسيارتك؟
بالظبط يا سامح الله ينور عليك
طبيعة الشخصية من العوامل لكن عمرها ماكانت عامل اساسى او مؤثر بشكل مباشر على الاختيار هى بتبقى ليها دور بالاضافة لحاجات تانية انا مثلا كنت بفاضل بين ( لادا 2017 ولادا كالينا - وفيرنا ولانوس ) احتياجاتى واستخدامى كان محتاج له عربية عملية لاقصى الحدود ومش مكلفة فى صيانة او قطع غيار ومكونش محتاج للتوكيل ايا كان فكنت ميال جدا للادا بس الكالينا كانت لسه جديدة ومش معروف هنتشر ولا لاء فخفت منها والادا 2107 كانت حاسس انى هبقى اشتريت عدة (مفك - شاكوش ) بس مش عربية عدة جامدة ومنجزة اه بس مش هحس بمتعة العربية (وجه نظر شخصية) فبالتالى مكنتش هبقى مبسوط بيها اوى بس كنت هشتريها فعلا وكنت شايف ان الفرق فى الفيرنا والانوس كتير والشاهين سعرها مبالغ فيه جدا فكنت اميل اقتصاديا للادا برضو بس لما روحت اقارن فى معرض الامل بين المصرى والروسى لقيت البرايد ولقيت انها حققت توازن افضل للمعادلة بين السعر وتكاليف التشغيل والتطور فكان قرارى بانى اشتريها بعد دراسة اكتر من شهرين وبحث فى على الانترنت وفى كل حتة ده بالاضافة لانى مالك للنسخة الكورى منها مثال تانى البرايد الكورى قبل ما نجيبها كان معانا دوجان واول مشتريناها مكنتش قابلها خالص وكنت مستغرب ان والدى يجيب عربية زى ديه وبالحجم ده اصلاً وهو بيحب الايطالى والعربيات القوية والدوجان كانت جميلة بصراحة اول مانزلت والبرايد كانت حاجة كده زى الصينى اول ما نزل والناس كانت مستغرباها ومستقلاها جدا وكانت ارخص عربيات فى مصر بس بالاستخدام والعشرة (زى ما بيقولوا) حبيتها واقتنعت بيها جداً فالشاهد ان التفضيل بناء على الصفات الشخصية له دور فى الاختيار لكن مش كل حاجة |
رد: هل توجد علاقة بين شخصيتك وسيارتك؟
شكرا لآرائكم جميعا
******************** |
| الساعة الآن 07:08 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017