مصر موتورز مجتمع السيارات - فعلاً ماشوفتش عربية اجمل من كدة

مصر موتورز مجتمع السيارات (https://www.masrmotors.com/vb/index.php)

- Accent Verna RB اكسنت فيرنا (https://www.masrmotors.com/vb/forumdisplay.php?f=237)

- - فعلاً ماشوفتش عربية اجمل من كدة (https://www.masrmotors.com/vb/showthread.php?t=59428)

رد: فعلاً ماشوفتش عربية اجمل من كدة

مع احترامى لحضرتك وللفيرنا الجميله اللى انا شخصيا املكها
بس اظاهر ان حضرتك مركبتش لانسر 1600 او تويوتا ... هتحس ان الفيرنا 128
ههههههههههههههههههههههههه

رد: فعلاً ماشوفتش عربية اجمل من كدة

ربنا يباركلك فيها
هي فعلا سيارة رائعة لا خلاف في ذلك و بالمناسبة العربية دي خدت احسن عربية صغيرة في امريكا سنتين متتاليتين تقريبا 2001و2002 مش فاكر بالضبط
بس المشكلة الوحيده اللي احذرك منها هي قوة الموتور + وزن العربية الخفيف
اللي بيخلي سحبها مغري جدا ويشجع علي الجري ولكن فراملها ليست بهذه القوة وحتي لو فرملت جامد العربية بتزحف كتير و كان لازم يكون فيها abs علي الاقل
فياريت تاخد بالك وبلاش السرعات العالية اوي
واتمني لك كل خير

رد: فعلاً ماشوفتش عربية اجمل من كدة

اقتباس:

المشاركة الأصلية كتبت بواسطة بحر الحياه (المشاركة 448555)

لأ عادي ركبنا تويوتا و اوكتافيا و سيفيك و بي ام... و عارفين ان الفيرنا كده عشان هي عربية رخيصة!!

اقتباس:

علي فكره الفيرنا 2011 اوسع من اي فيرنا سابقه لانهم عدلوا الكراسي بحيث تدي مساحه اكير

جديدة عليا دي بصراحة

عدلوها ازاي ؟ الكابينة اصلاً صغيرة جدا !!

رد: فعلاً ماشوفتش عربية اجمل من كدة

نورتو الموضوع يا رجالة و الف شكر علي الردود الجميلة دي

اقتباس:

المشاركة الأصلية كتبت بواسطة akerima (المشاركة 448385)

اشيك يمكن دا موضوع اذواق - لكن اوسع مستحيل اللوجان الاوسع في فئتها بدون منازع - وانا والله معنديش اي اعتراض علي اي نوع

وانا بشتري الفيرنا ركبت اللوجان لأني كنت هشتريها بس منعني ان مفيهاش اوتو وانا كنت عايز اوتو

اللوجان عربية واسعة جدا فعلا من ورا و من قدام و الشنطة ما شاء الله عليها كبيرة جدا

ربنا يباركلك فيها عربية محترمة

رد: فعلاً ماشوفتش عربية اجمل من كدة

اقتباس:

المشاركة الأصلية كتبت بواسطة corsair (المشاركة 448447)

كلام كله 10/10 فعلا الفيرنا من اجمل العربيات اللي سوقتها في الفئة تحت ال 100000 بدون مبالغه لسهولة سواقتها وسحبها وابعادها وقعدتها بالذات كرسي السائق

انا اعلي سرعة جيبتها كانت 195 بس بدون غرز والعربية كانت ممتازة الصراحه

تسلم ايدك يا غالي علي الموضوع الجميل ده

فعلا يا باشا بتحس انك حاسس بالعربية اوي و تحس انها بتناديك خصوصا سحب موتورها غير السرعات العالية العزم وانا طالع من الجراج لأن الطلعة حادة جدا مش بسمع صوت الموتور بيزعق زي عربيات كتير بتحسه بيعلي بس بتسحب بسهولة
نورت الموضوع يا جميل

اقتباس:

المشاركة الأصلية كتبت بواسطة بحر الحياه (المشاركة 448555)

والله يا باشا كنت راكب قبلها فولكس فاجن باراتي

و حسيت بقيمة الفيرنا اكتر بسبب العربية دي

عارف يعني اية تبقي مرعوب لو حصل فيها حاجة لمجرد انك مش هتلاقي و عارف انك مش هتلاقي قطعة الغيار

والله انا كنت جايبها زيرو و حتي التوكيل ماكنش عنده قطع غيارها اول مانزلت طب اجيبها منين
روحت كل مكان تتخيله بس عربية نحس فعلا

بس في حاجات تانية حلوة زي الثبات بس مش اكتر لكن العفشة كانت ناشفة جدا و دة عشان ثبات العربية اكيد بس كنت بحس اني راكب طوبة ... اذواق طبعا

اقتباس:

المشاركة الأصلية كتبت بواسطة dr tamer naguib (المشاركة 448728)

فعلا العربية تستحق لأني عملية جدا خصوصا في مصر عشان انتشار قطع الغيار دة رقم واحد
فرامل العربية فعلا وحشة بس مرة كان في حادثة عالمحور و عربية معرضة قدامي فرملت جامد بس لحقت نفسي العربية دي لو كلها تنزل بجنوط 14 او 15 و اي بي اس محدش هيشتري عربيات تانية
شكرورا لمرورك يا باشا

رد: فعلاً ماشوفتش عربية اجمل من كدة

كام سؤال للاخ صاحب الموضوع

بالنسبه للفرامل معاك ايه اخبار الاداء بتاعها و بالذات فى السرعات العاليه

بالنسبه للاوتو و السحب

استهلاك البنزين اخباره ايه

هو صحيح اللى معاك 2010 ولا 2011