رد: انواع الفتيس؟؟؟؟
 

هناك ثلاثة انواع رئيسية من علب التروس, و تنقسم الى انواع اخرى فرعية,

المانيوال العادى و هو يعمل بواسطة اسطوانة دبرياج و علبة تروس يتم النقل فيها يدويا.

الاوتوماتيك و هو تكنولوجيا أمريكية و ميكانيزم يعمل عبر محول عزم ينقل الحركة بواسطة الزيت, و هو ينقسم الى نوعين :
الاوتوماتيك العادى التقليدى و هو المستخدم فى الاكسنت الموديل السابق.
الستيبترونيك تكنولوجيا من بورش الالمانية و هو يعمل عبر محول عزم ايضا لكن يمكن التحكم فى النسب عبر عتلة خاصة (+ و -) و يكون 6 او 7 نقلات و موجود فى المرسيدس, كيا سيراتو, و هو المستخدم فى الاكسنت الموديل الجديد.

السيكونشال أو نصف اوتوماتيك, قدمته فيات الايطالية فى 1999, و هو فتيس مانيوال عادى لكن يتم النقل عبر روافع هيدروليكية يحركها حاسوب الكترونى يأخذ اوامره من السائق (+ او -) او من خلال حسابات خاصة فى الحالة الألية, مثلها الفيات برافو, سيات ليون, اوبل فكترا, تويوتا كورولا الجديدة.

رد: انواع الفتيس؟؟؟؟
 

إضافة صغيرة على الماشى

الفتيس الأوتوماتيك ممكن يكون بتروس وده النوع الشائع

وممكن يكون ببكر أو cvt زى اللى فى الانسر

رد: انواع الفتيس؟؟؟؟
 

شكرا يا باشا على الاضافة الهامة ..

وميزة النوع ده انه مفهوش نقلات .. لان نظام البكرات او الـ CVT فيه عدد لا نهائى من النسب تتغير تلقائيا حسب سرعة العربية وضغطة البنزين ..

وعلى فكره النوع ده موجود فى اللانسر 1600 فقط .. اما الـ 1300 اتوماتيك عادى ...

رد: انواع الفتيس؟؟؟؟
 

شكرا على الرد بس فى الواقع انت بتأكد كلامى وانا لما قلت انه فتيس عادى بس فيه امكانية التحكم الالكترونى وده الى انت اكدته بكلامك كونه يتم التحكم فى السرعات عن طريق الريش الى بتكون خلف الديريكسيون والى موجود فى فيرارى والمبورجينى وده فى النهايه على شان يقدم للسائق راحة الاتوميتك وقوة العادى لانه من المعروف ان الفتيس العادى بيدى عزم اقوى من الاتو :14369D~149:

رد: انواع الفتيس؟؟؟؟
 

الف شكر يا جميل على التوضيح ..

لكن من الواضح ان حصل سوء تفاهم بسيط ..

انا كان ردى على الجملة دى بالذات

وطبعا مفيش فتيس مانيوال عادى فيه خاصيه تحوله الى اتوماتيك .. ولكن فى فتيس اتوماتيك ممكن يبقى نصف اتوماتيك (اللى هو نظام الستيبترونيك) ..

خير يا باشا .. والله الواحد فى الحر احيانا دماغه بتهنج هههههههههه

تحياتى يا باشا ..