رد: حان الوقت للاستفادة من آراء خبراء الصيانة فى المنتدى ....
 

مهو "صح" دى هى المشكلة ...

طب معلش يا باشمهندس سمير واحدة واحدة ...

بالنسبة للخطوة "1" :

انا دايما كل فتره بعمل غسيل لدورة الميه والريداتير وطبعا بغير الميه ..

بس مش عارف بصراحة اشيك على دورة تبريد الفتيس ازاى ؟؟؟؟

يعنى ايه الطريقة العملية يا هندسة بحيث اعملها بنفسى لو فيه امكانية .. مهو انا اصلى رافع شعار "لا للصنايعية" هههههههه ..


اما بالنسبة للنقطة "2" بالتاكيد هيكون صعب جدا اعملها لوحدى ...

ولكن انا عاوز اعرف يا هندسة طريقة تغيير زيت وفلتر الفتيس الصحيحة .. بحيث ينزل الزيت كله .. ولو فيه اى احتياطات هحتاج اخد بالى منها ساعتها ...


ويا ريت يا جماعة طريقة قياس زيت الفتيس الصحيحة ...

انا جربت اقيس زيت الفتيس والعربية سخنة .. جبت الفتيس على كل النقلات والعربية دايرة (ابتداء بـ P لغاية L بحيث اقف على كل نقلة فى حدود 5 ثوانى) .. وبعدين بطلت وقيست على طول .. لقيت ان الزيت اعلى من اقصى علامة بمسافة كبيرة جدا (اكتر من الضعف) !!!!!

ايه النظام بقى ؟؟ هل انا قيست غلط ولا انا عندى مشكلة ؟؟؟؟؟؟


ويا باشمهندس سمير بعد اذنك فلتر الفتيس يعمل فى حدود كام كده تقريبا ؟؟؟؟



والف الف شكر يا باشمهندسين على تشريف موضوعى برودودكم الغالية .....

GIFT4U

رد: حان الوقت للاستفادة من آراء خبراء الصيانة فى المنتدى ....
 

طيب

أخبار حرارة المكنه إيه

هل الحراره طبيعيه على المؤشر..................؟


راجع هذا الموضوع للتعرف على كيفية تغيير الفلتر والزيت

وكيفية تحديد مكان الفلتر

http://www.masrmotors.com/vb/showthread.php?t=45576

رد: حان الوقت للاستفادة من آراء خبراء الصيانة فى المنتدى ....
 

يا راجل يا طيب انتا جي تسئل تلاميذك في الكلام ده شكلك كدا قفلت القهوة واتفرغت للعربية

بس نصيحة طالما فكرت فيها يبقي تشدها بالكامل متسبش اي حاجه فيها يعني فورها من الاخر وبالنسبة للفتيس حاول تشيك علي الزيت والفلتر وبعدين في حد يبقي تحت رجله عربية اتوماتيك ويحولها لمنيول ما كفايا عليك اللوجن يا راجل يا طيب وديه خليها تريحك في المشاوير بتاعت الزحمة

رد: حان الوقت للاستفادة من آراء خبراء الصيانة فى المنتدى ....
 

اه .. الحمد لله الحرارة طبيعية ...



طب كده فيه مشكلة ...

انا قست زيت الفتيس والعربية سخنة ومبطلة .. ولقيت المستوى عالى جدا على علامة hot .. يعنى اعلى بمقدر الضعف تقريبا ؟؟!!!!

وعلشان كده انا حبيت اسأل على الطريقة الصحيحة لقياس زيت الفتيس ... لانى شكيت انى عملت حاجة غلط ...

هل دلوقتى ممكن يكون سبب المشكلة الزيت الكتير ؟؟

على فكرة العربية مش ماشية كتير .. يعنى دلوقتى داخلة على 90 الف بس ...

رد: حان الوقت للاستفادة من آراء خبراء الصيانة فى المنتدى ....
 

يا كورسير لا خاب من استشار ... وبعدين انا مجرد تلميذ فى مدرسة مصر موتورز وكل يوم بتعلم حاجات جديدة وبستفاد من منتدانا الغالى واعضاؤه المميزين ...

والله انا فعلا ناوى اشدها بالكامل اول ما اخلص باذن الله .. ده طبعا لو الحالة المادية سمحت ...

وبالتالى عاوز ابقى داخل ع الحرفيين بقلب جامد هههههههههه

الاتوماتيك مريح طبعا بس انا مش بفضله .. وبدأت اتخنق منه اكتر بسبب المشكلة بتاعتى دى .. وانا من زمان وانا بفكر فى موضوع انى اقلبها مانيوال ده .. بس المشكلة ان التكلفة هتبقى عالية .. الا لو حالفنى الحظ وعرفت ادخل القطع اللى عندى بالجديدة باسعار كويسة ..

عموما ربنا يسهل ويعيننى على صيانتها ....


منورنى يا كورسير والله ...

رد: حان الوقت للاستفادة من آراء خبراء الصيانة فى المنتدى ....
 

المفروض و العربية سخنه و على ارض مستوية و تبطل و تطلع المقياس و تمسحه كويس و تدخله تانى و تطلعه تلاقى الزيت على ال hot
لو زيادة غلط بس هل ده الى عامل المشكلة ؟ وارد

رد: حان الوقت للاستفادة من آراء خبراء الصيانة فى المنتدى ....
 

فعلا هو ده اللى انا عملته بالظبط وطلع المقاس زايد كتير اوى ..