رد: البلد رايحة على فين؟؟؟ حد عنده اجابة؟
 

حل الائتلاف العام لضباط الشرطة وسط حالة غموض شديدة!! و المعلوم انهم شباب من صغار ضباط الشرطة ايدوا مبادئ الثورة و طالبوا بتطهير الداخلية من الداخل من القيادات الفاسدة

- اعلانهم قبلها ان هناك تعليمات من قيادات كبيرة في الداخلية لصغار الضباط بعدم النزول الى الشوارع او القيام بمهامهم!! بمعنى اخر السلبية التامة ضد المجرمين و تركهم يرتعوا و يسرقوا و ينهبوا و يحرقوا براحتهم!!! و تم ذكر اسماء! و لكن! لا مجيب

اخيرا بدأت تظهر اصوات تطالب بثورة جديدة الجمعة القادمة!!!!! و كلنا عارفين ان الثورة دي حتبقى في مواجهة الجيش المرة دي!!!

حد يقدر يقوللي البلد رايحة على فين؟ و بلاش مطالبات ملهاش معنى لان كلنا عايزين الداخلية تقوم بدورها و عايزين كل حاجة حلوة للبلد لكن محدش بيسمع
انا عايز حد يقدر يحلل الوضع القائم و يقوللي اي اللي حيحصل بكرة
البلد رايحة على فين؟؟؟؟؟؟؟؟؟؟؟؟؟؟؟؟

رد: البلد رايحة على فين؟؟؟ حد عنده اجابة؟
 

الجيش المصري دا هوا انا وانت واخويا واخوك ولا يمكن يبقي متواطئ او مشارك في خداع المصريين - لكن طبعا في اسس وقواعد عند الجيش دا بما لا يسمح لة المشاركة ايضا في اي شئ يزعزع السلطة في مصر والسلطة هي الدولة وان سقطت السلطة سقطت الدولة ولو انت فاهم سياسة كويس حتفهم كلامي زي بالظبط اللوغارتم الغريب اللي كل الناس دلوقت بتفكر فية هوا المفروض كانت الشرطة تعمل اية في المظاهرات تضرب وتسحل المتظاهرين ولا تسيب البلد وتمشي وان كان فية ناس ماتت من افراد الشرطة دول شهدا ولا لأ - دي ناس ماتت وهي بتدافع عن الدولة يعني وهي بتادي واجبها - ؟؟؟؟؟ - اه واجبها شغلتهم انهم يحموا الدولة - يدافعوا عنها ضد مين؟؟؟؟ - اي حد مهما كان طب دي الناس اللي عملت الثورة دول مصريين انا وانت حقنا ان احنا نثور وواجبهم انهم يقاومونا وفي الاخر للاسف لا يوجد فائز لان احنا حيروح منا ناس وهما كمان حيروح منهم ناس وهي دي الجيم يا مان - نفس الكلام دا البظبط كده يطبق علي الجيش بس الجيش طلع لعيب متدخلش في الظيطة دي فضل يتفرج علي الكلام من بره لا قتل ولا سحل - متشكرين يا عم الجيش انت كده عملت الواجب وزيادة وفي الاخر لما كفة الثوار طبت قالك انا معاكوا يلا يا عم مبارك كفاية عليك كده وهات الرموز القديمة ونتحاسب وانا السلطة دلوقت لغاية لما تشوفلكوا حد تاني - يعني فية سلطة؟؟ محنا قولنا لازم يبقي فية سلطة عشان يبقي فية دولة بس للاسف سلطة الجيش ضعيفة عشان مش عايز يزعل حد وهوا دا اللي بيحصلنا دلوقت عشان الناس معبية وبتضرب عاطل مع باطل السلطة مش عارفة تمسك البلد كويس واللي عايز يعمل حاجة بيعملها واللي في ايدة السلطة مش قادر يطبقها بحزافيرها عشان عايز الامور تهدي وعشان فية ناس زهقت من كتر الكبت وهوا مش عايز يزود الكبت عند الناس - فهمنا حاجة؟؟؟؟؟؟؟؟؟

عموما الموضوع دا محتاج كتب مش كلمتين في مشاركة واقعدوا بالعافية

I'M :110105~127::01FDAB~189:

رد: البلد رايحة على فين؟؟؟ حد عنده اجابة؟
 

كدة اظن نقدر نعلق:
اولا حضرتك اكيد تسمحلى اختلف معاك فى بعض او كل ما كتبته ثانيا ساجيب على السؤال اللى حضرتك طرحته فى النهاية و حسب استنتاجات شخصية
1: انا اتفق معاك ان الوضع الامنى مزرى للغاية و لكن من يتحمل نتيجة هذا هل هو الجيش ام الشرطة ام سلوكياتنا بعد الثورة التى وصلت للحضيض و كأننا قمنا بثورة ضد الاخلاق.
2: انا اتفق معك ان هناك مؤمرات كانت و مازات تحاك ضد الثورة و ضد مصر عامة و لكنى ارفض تحميل الجيش جزء منها فلو اراد الجيش التآمر على الشعب لكان هذا من اول لحظة و انا اعزو ما حدث فى بدايات الثورة من هرج و مرج وعدم كفائة الى قلة الخبرة فى مجال الحماية المدنية للجيش لان الجيش و حضرت ادرى بمهامه يعمل خارج المدن و فى ميادين اخرى و كا رأينا صور و افعال سلبية من الجيش فقد كان له اليد الطولى فى ضبط البلد بعد الانسحاب المشين للشرطة وتركها البلد نهبة لكل افاق
3: انا اتفق معك فى بطئ اجراءات التقاضى و لكنى ازعم و انا عندى خلفية قانونية واسعة انه عيب فى الاجراءات و نقص فى عدد المحققين الاكفاء حيث قضى النظام السابق على كل كفاءة و كان التعيينات على اساس صلة القرابة و وخفة الظل و لو حولنا الى هذه المحاكمات الى محاكمات لا اجرائية او عسكرية سنخسر اموالنا فى بنوك اوربا و امريكا حيث لا تعترف بالمحاكمات المنقوصة و العسكرية.
و اخيراً فنا رأييى الشخصى الذى لا افرضه على احد اننا نسير بخطى بطيئة و لكن فى الاتجاه الصحيح و هناك الكثر و الكثير من الفرعيات التى قد نختلف عليها و لكننا نتفق اجمالاٍ ان مصر لن تعود للوراء و العجلة تتحرك للامام..و شاكر لحضرتك اثارة الموضوع

رد: البلد رايحة على فين؟؟؟ حد عنده اجابة؟
 

ليه جميع القضايا المتعلقة برموز النظام السابق بيتم تأجيلها بالشهر ورا التاني؟ يا براءة يا حكم بالسجن!

رد: البلد رايحة على فين؟؟؟ حد عنده اجابة؟
 

انا كلامي واضح

- ترك الحرية الكاملة للبلطجية انهم يرهبوا و يقتلوا في عز الظهر و في اماكن عامة
و في نفس الوقت ما شاء الله مدرعات الامن المركزي و الجيش متكدسة امام سفارة اسراءيل و الكنائس و نقاط تفتيش الطرق المؤدية لسيناء!!
لماذا؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟
- ازمة السولار و البوتاجاز ملهاش حل؟

- المحليات بتلعب دور كبير في خلق الازمات

- لماذا اختيار اغلب المحافظين من اعضاء الحزب الوطني المنحل؟ و لماذا التمسك بهم بقوة و استماتة حتى مع رفض جموع سكان المحافظة له!!!
لماذا الاستعداد لفصل 19 طالب من اعلام و القضاء على مستقبلهم و احالة بعضهم للمحاكمات العسكرية من اجل الابقاء على منصب عميد لشخص اقل ما يوصف بذيل للنظام السابق ؟

رد: البلد رايحة على فين؟؟؟ حد عنده اجابة؟
 

مش عايز اقسملك ان ده العادى لاء ده اقل من العادى بكتير خاصة مع عدم انتظام الدوائر و الضغط النفسى على القضاة و انا متوقع و يا رت نفكر بعض بالكلام ده ان القضاة اللى هايحاكموا الكبار هيتنحوا عن نظر القضية لسبب بسيط و هو ان لو انا قاضى محترم مش هقبل انى اخد توجيهات من المتظاهرين و برامج التوك شو اشرفلى ابعد ... و القاعدة بتقول لان ينجو الف مجرم خير من ان يسجن بريئ واحد

رد: البلد رايحة على فين؟؟؟ حد عنده اجابة؟
 

ليه علاج مبارك و سوزان بالاف الجنيهات في مستشفى خاص دولي
و احضار علاج نفسي علشان معنويات البيه مش ولا بد بينما مصابي الثورة مرميين في الشوارع!!