رد: تشطيب الشقة و الديكور
اقتباس:
اولا انا فعلا كنت رسمة الحمام زى ما حضرتك رسمت بس السخان فوق الكمبونيشن عشان المدخنة ثانيا من فضلك البانيو انا اخترت البانيو السيرف 160 فى 90 ايديال بس خايفة من التركيب هل الدفن احسن او التركيب بعد السراميك انو افضل واحسن طريقة تركيب مع وانا مش فى امكانى اشترى الغطاء الجانبى بس لو هو افضل احسن ممكن تقول لى ثالثا انا نوية احط الحوض المانتا ايديال استاندر بعد انتهاء فتحة الباب والكمينيشن تحت الشبال بس شمال شوية انا مش حعمل بيدة اية احسن نوع سيراميك الكليوباترا احسن والرويال فرز اول والجوهرة فرز تانى ممكن تقولى اخر شى من فضلك مصنعية السباكةفى حمام زى دة مع عمل صرف غالسة كمان فية ممكن اعرف احسن نوع خامات داخلية مع عمل صرف خارجى للحمام خاص بى ياخد تكلقة خامات ادة اية وشكرا جزيلا ربنا يجزيك كل خير:14369D~149: |
رد: تشطيب الشقة و الديكور
2 مرفق
أختيار ممتازللبانيو السيرف
بس المشكله أن عند التركيب قبل السيراميك لازم الصنيعى يكبس البانيو كويس من الخارج برمل ناعم مهزوز وذلك لضمان عدم وجود فراغات تؤدى لكسر البانيو لاقدر الله عند الاستخدام ولازم الدوران يتبنى كويس مع عمل حساب السيراميك عشان صنيعى السيراميك يعرف يشطب واجهت البانيو كويس ويجب أختبار طابق البانيو كويس قبل التقفيل عليه بالطوب ومن أحس الانواع للطابق ألاتوماتيك الالمانى وسعره تقريبا 250 لاكن طبعا ميزة التركيب الخارجى بعد السيراميك مش محتاج خبره لأن لاقدر الله أى حاجه تحصل حلها ملوش علاقه بالسيراميك والتكسير مره أخرى بالنسبه لانواع السيراميك فهى أزواق ولايوجد أختلاف فى الخامه |
رد: تشطيب الشقة و الديكور
3 مرفق
بالنسبه للمصنعيات فهى تختلف
الصنيعى مصنعيته تقدر بخبرته وليس بحجم الشغل لأن الواحد عندما يعمل فى أى مكان يبداء بأخراج أحسن ما لديه من خبره فى مجال العمل والعائد على العميل هو أن يحصل على أفضل شىء فى منزله وهذا مجرد رائى عن نفسى مصنعية الشقه حمام ومطبخ من 2500الى3000 وعلى فكره من رائى تعملى الشباك للحمام قلاب مثل الصور |
رد: تشطيب الشقة و الديكور
5 مرفق
من أفضل أنواع الخامات الداخليه الخاصه بالمياه
مواسير ولوازم 1- أكواثيرم (المانى الصنع)غالى الثمن 2- باننجر(مصرى المانى) سعر معقول 3-الشريف الامل (مصرى) سعر معقول الثلاثه طريقة تركيبهم واحده وهى اللحام باماكينه التسخين كما موضح بالصور المرفقه ويجب مراعات مسافة تركيب اللحام وزمن التسخين ويجب على الصنيعى عند تثبيت المواسير بالحائط بالمونه عدم تغطية اللحمات للاتصال بالشركه لاختبار المواسير والحامات وأعطاء العميل شهادة ضمان على الشغل لمدة 10سنوات ومراعات قياس ووزن مخارج الخلاطات والمصادرالمغذيه لاعمال المطلوبه مثل مخارج السخان ومخارج الخلاطات ومخرج الشطاف الساخن والبارد بالميزان الخاص بذلك كما هو مرفق بالصور |
رد: تشطيب الشقة و الديكور
3 مرفق
تابع الصور
|
رد: تشطيب الشقة و الديكور
4 مرفق
بالنسبه للصرف الخارجى حضرتك فى الدور رقم ؟؟؟
يوجد نوعان من الصرف الخارجى الاول نطلق عليه بلدى وذلك لعمل مداد واحد قطر 4بوصه ويتم به تجميع صرف التواليت والبيبه وحوض المطبخ الثانى يطلق عليه افرنجى وذلك لعمل اثنين مداد الاول قطر 4بوصه للتواليت فقط والثانى قطر 3بوصه للبيبه (البالوعه) وحوض المطبخ وفى تلك الاحوال افضل انواع مواسير الصرف واللوازم الشريف الامل والاصق 914 امريكى حار وقفيز التثبيت GMايطالى كما هو مرفق بالصور ارجو حددى طلب حضرتك وان شاء الله هقولك على التكلفه |
رد: أعرف كل شئ عن السباكة
2 مرفق
الصور توضح المداد3بوصه خاص بالبالوعات الداخليه
والمداد 4 بوصه خاص بالتواليت |
الساعة الآن 07:09 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017