|
رد: حجزت الجين تو 2011 من عز العرب..ياريت كله يقرا الموضوع؟
لطالما حلمت بهذه السياره الرياضيه الفخمه ذات الماتور الاقوى ونعرته الرياضيه
ربنا يوفقك يا معلم وتستلم احسن عربيه فيهم وفى اسرع وقت انا عن سواقتى للسياره بقول لحضرتك اختيارك موفق الى ابعد الحدود انا سوقت العربيه اكتر من مره لانها مش بتاعتى بس بجد تحس انك راكب فئه رياضيه وصوت الماتور فيه نعره رياضيه رهيبه ربنا يوفقك واسف على الاطاله |
رد: حجزت الجين تو 2011 من عز العرب..ياريت كله يقرا الموضوع؟
الف مبروك وربنا يكفيك شرها ان شاء اللهGIFT4U
|
رد: حجزت الجين تو 2011 من عز العرب..ياريت كله يقرا الموضوع؟
السلام عليكم...
أولاً: مشكلة عز العرب إنه بيعتبر البروتون هى البضاعة (الشعبى) اللى عنده يعنى المعرض اللى فى ذاكر حسين هتلاقيه حاطط فى البدروم موديلات ستروين و فى الدور الأول موديلات جيب و لأنه بيعتبر البروتون حاجة كده بيمشى بيها حاله فحاططها فى الجراج ثانياً: حكاية إن العربيات لسة ما أخدتش إفراج جمركى فالموضوع إن عز العرب حاطط رسالة بروتون الأخيرة فى ميناء الإسكندرية و بيدخل كل أسبوع اللى محتاجه بس و ده لأنه بيعتبر الميناء أأمن مكان فى الظروف اللى إحنا فيها والسبب التانى إنه مستنى علشان لو تقرر تخفيض جمارك السيارات فجأه مايلبسش جمرك الكمية اللى دخلها و يبقى فى موقف الضعف أمام المنافسين بالنسبة لإجراءات الترخيص: حضرتك هتاخد من عز العرب شهادة بيانات للسيارة (بحوالى 150 جنيه) و هى فى الحقيقة تقريباً ببلاش و لكن إعتبرها إكرامية بعد كده إطلع طوالى على المرور التابع ليك و إفحص و رخص و علق نمرك فى نفس اليوم و ما تنساش تفول بنزين أول ما تستلم لإنها بيبقى فيها عشرة لتر بس و بيكونوا تقريباً خلصوا و لو لقيت العربية عاملة ثمانين تسعين كيلو فده عادى و بصراحة أنا ما بحبش الفصال بس جرب تفاصل حتى فى مبلغ شهادة البيانات بس فى الغالب هما ما بينزلوش مليم أحمر مبروك مقدماً و ربنا يكفيك شرهاGIFT4U |
رد: حجزت الجين تو 2011 من عز العرب..ياريت كله يقرا الموضوع؟
ربنا يباركلكم كلكم يا رجاله ويرزقكم ببي امات الفئه السابعه جميعا":ff5a34af6efef0e643 e وشكرا يا استاذ m.elhasafy لشرحك الوافي و الجميل ويرزقك ب911 تربو يا رب:Wkiss5: وياريت يا رجاله اللي عندو معلومه يفيدني بيها ميبخلش بيها عليه...لاني زي مقولت اول مره:w6w200504112246446a وليكو عليا ان شاء الله لما ربنا يتمم علي خير اعمل تقرير بالصور عن الجين تو2011 للناس الجميله اللي هنا!!! وابقي بروتوناوي جيناوي ذو ولاء للمنتدي الغاليGIFT4U هههههههه |
رد: حجزت الجين تو 2011 من عز العرب..ياريت كله يقرا الموضوع؟
مبروووووووووووك ياباشا على العربيه وكمان بجد عرضك للموضوع هايل جدا جدا
اما عن نصايحى ليك : 1- استلم العربيه كويس ولف فوقيها وتحتيها وحواليها وكل جزء حته حته من جوه ومن بره ولو فيها حاجه لاقدر الله اوعى تستلمها بس خليك مركز ومخليش الفرحه تاخدك . 2- اطلع على المرور ورخص فى ساعتها لأنه بيبقى يوم ضايع ضايع فروح على المرور علطول . 3- وانت فى التليين متعديش ال80 بالعربيه وياريت متشغلش التكييف فى ال1000 كيلو الأولى 4- اخر حاجه ربنا يباركلك فيها ويديك خيرها ويكفيك شرها ومستنى تقريرك الجميل عن عربيه جميله لشخص اجمل . |
رد: حجزت الجين تو 2011 من عز العرب..ياريت كله يقرا الموضوع؟
شكرا يا BASSEM BESO علي ردك ومجاملتك الرقيقه....ربنا يكرمك يا ربGIFT4U وان شاء الله ربنا يتمم علي خير وهيبقي تقرير كامل متكامل A1 :THUMBS~220: بس كنت عايز رايكم في حاجه النهاردة بالصدفه لاقيت باحد المعارض في مصر الجديدة الجين تو بس موديل 2010 فيها اقل من 2011 اللي عند عز العرب حوالي6000 ج:09C207~188: ايه رايكم في الموضوع ده؟؟ هل تستاهل اني اجبها ولا اخليني في موديل السنه مع العلم اني مش ناوي ابيع ان شاء الله ويبقي انا اولي بال6 بلابل دول؟؟444546 |
رد: حجزت الجين تو 2011 من عز العرب..ياريت كله يقرا الموضوع؟
ربنآ يكفيك شرهآ ويطعمك خيرهآ آنآ بردو عآيز آجيب السيآرة دي بس كنت عايز اسآلك هيآ سعرهآ كآم ال 2011 |
| الساعة الآن 12:11 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017