مصر موتورز مجتمع السيارات - محتاج حد بيفهم في البيجو الجديد

اقتباس:

المشاركة الأصلية كتبت بواسطة daaark (المشاركة 440722)

علي فكرة انا عايز اقولك علي حاجه انا لسه ماشترتش العربيه بس عايز احط كل احتياطاتي قبل ما اشتري علشان مالبسش بعد ما اشتري لو لقيت حته xt 307 قدامك ابقي قوللي بس تكون الخليجي اعلي فئه هاتشباك وده رقمي 0126262573 ومدام انت بردو بتدور علي عربيه يبقا ممكن نظبط ننزل مع بعض ندور كده لاني اصلا انا كده كده بانزل اتفرج في المعارض كده كده مش خسران حاجه فلوسي في جيبي وادور براحتي لحد ماتيجي اللي تدخل الدماغ حتي لسه كنت مع جاري كان بيدور علي عربيه بولو98 وفجأه لقينا نفسنا راجعين بسيفيا 2000 ,, فابقا قوللي لو كده ننزل يعني

على فكرة قابلت صاحبى النهاردة بخصوص الميكانيكى اللى شغال فى التوكيل بس مكنش معاه الرقم انما قاللى انه دلوقتى بيفتح الورشة من 6 المغرب بعد ما يرجع انا تقريبا فاكر مكانه لانه فى ضهر الشارع اللى انا ساكن فيه لو تحب تجيلى اى وقت اوديك مفيش مشاكل بس نرتب يوم اكون فاضى فيه علشان بالمرة اوديك للاثنين بتوع المندرة صحيح هوا حضرتك ساكن فين اصلا ؟
وبعدين حاجة تانية مهمة طالما عايز تتعامل برة التوكيل انك تنزل للمحلات وتسال على قطع الغيار على الطبيعة يعنى تروح لواحد تقوله عايز سعر الكبالن والمساعدين والتانى تقوله فانوسين واكصدام امامى لحد ما تجمع اسعار قطع غيارها كلها (انا عملت كده فى 15 موديل عربية !!! )
ومعلش سؤال طالما حضرتك لسة مشتريتش انت اصلا بتدور على موديل كام والعربية دى فى حدود كام ؟ وفعلا زى مانت قلت ممكن تشوف حاجة تانية ترتحلها بالصدفة حضرتك سالت على الميجان ؟؟ لان سعرها من 55 ل 70 فى احلى حالاتها وقطع غيارها رخيصة نسبيا وتوكيل محترم جدا
وبالنسبة ليا انا اصلا محتار بين البولونيز والشمامة واللادا والمازدا 323 بس اساسا المبلغ اللى كنت شايله صرفت منه جامد فاجلت موضوع الشراء شوية بس لحين ما تتوفق الظروف بحاول اجمع كل المعلومات عنهم بس معنديش مشكلة لو حضرتك احتجتنى معاك فى اى مشوار طالما بعد الشغل