رد: مساعدة من الخبرا العربية بتاكل بنزين جامد
 

شكرا ليكم
فعلا فية دخان من الشكمان اسود


mrastra
وفى كلتا الحالتين لازم تراجع على دورة البنزين من التنك مرورا بالمواسير الى حوض الموتور والفلتر ورجوعا من خرطوم الفايز الى التانك والمراجعة تكون بالعين فى وضح النهار حسبما يوجد اى تسريب للبنزين مع مراجعة دائرة الاشعال وتغيير التالف منها
دة اكشف علية عند الميكانيكي ولا بتاع الكربراتير
وسعر الكربراتيرالاستيراد كام
شكرا

رد: مساعدة من الخبرا العربية بتاكل بنزين جامد
 

السلام عليكم ممكن استفسر عن نفس الموضوع انا عندي 124 موديل 1974 موتور 1600 واستهلاكها 5 كيلو في اللتر وانا كنت فاكر ان دة الطبيعي اية رأيكو بس مفيش دخان خالص بس العربية صوتها عالي شوية والمكنيكي قالي مينفعش يوطي عن كدة لانها كامتين .....منتظر الرد

رد: مساعدة من الخبرا العربية بتاكل بنزين جامد
 

لا كده كتير اوى والاستهلاك ده مش طبيعى ...

طيب اخبار سحب العربية ايه ؟؟

رد: مساعدة من الخبرا العربية بتاكل بنزين جامد
 

السحب تقصد بية سرعة العربية هي بتوصل من 0 ل80 بسرعة يعني جربت مع دايو لانوس 2007 كنت قريب منها في التسارع حتي 80 بس هي جريت بعيد لاني مجبتش اكتر من 80 مش عارف لية رغم ان العداد متين خلينا في البنزين دلوقتي اعذرني لقلة خبرتي .....اه علي فكرة انا رحت للمكنيكي امبارح وقلي دة استهلاك كتير الطبيعي يبقي 160 وقلي عدي عليا بعدين نحل الكربيراتير ونشوف العيب فين وشكرا

رد: مساعدة من الخبرا العربية بتاكل بنزين جامد
 

موتور ال 24 الطبيعى بيبقى 1300 او 1200 سىسى وبينضرب بة المثل فى توفير البنزين يعنى اللتر فييها بيعمل حواى 15 كم او اكتر ، والموتور اللى عندك دة مش بتاعها اصلاً وانصحك تشتريلها موتور تانى استيراد يكون الأصلى بتاعها وهيكون تمنة اوفر من تكلفة استهلاك البنزين فى 4 او 5 شهور فقط الكلام دة من الآخر وما تلعبش فى الكربراتير لأن المكنة 2 كامة غول بنزين والمفروض تبقى غول سرعة مش يبقى أخرها 80 كم

رد: مساعدة من الخبرا العربية بتاكل بنزين جامد
 

طب تمام ..

انا سألتك على سحب العربية علشان كنت شاكك فى اسطوانة الدبرياج ..

ولما قلتلى السرعة مش بتزيد عن 80 بدأت اشك اكتر ...


قوللى بقى يا باشا ..

لما العربية بتتخنق معاك على 80 .. صوتها بيكون عالى ولا طبيعى ؟؟

يعنى بتحس ان العربية صوتها كانها بتسرع اكتر بس السرعة مش بتزيد ولا بتكون المكنة مخنوقة معاك ؟؟؟

رد: مساعدة من الخبرا العربية بتاكل بنزين جامد
 

اولا العربية 124 سبيشيال الموتور 1600cc بتاعها ثانيا الموتور اصلا صوتة عالي شوية لما ببقي ماشي علي 80 الصوت مببقاش عالي وكمان عداد اللفات بتاع الموتور ببقي يدوب جايب 3000 يعني تلته واصلا دواسة البنزين بيبقي فاضل فيها شوية صغيرين لما توصل للارض( ارجو تكون مفهومة) ولما بضغطها للاخر عداد اللفات مبيعلاش عن 3000 وهي بتكون ع الغيار الرابع (4 غيارات فقط ) مع العلم ان علي الغيار التاني او التالت عداد اللفات بيعدي 3000 بس طبعا الصوت بيعلا اكتر فبنقل علي الغيار اللي بعدة معلش طولت عليك .....
طيب بالنسبة للموتور الاستيراد تنصحني باية وسعرة كام واجيبة منين وانا من الشرقية ....