رد: فيات تمارس هوايتها ( إعادة كتابة التاريخ )
 

و البورش و الفيراري موتور خلفي ;l)
و قوتها اكبر من كده
بس يبقي شكلها مضحك اوي لو عملت زي ما بتقول يا سامح باشا ههههههه

رد: فيات تمارس هوايتها ( إعادة كتابة التاريخ )
 

طبعا هتبقى منافس قوى للسمارت تحديداً

http://www.policehumor.com/wp-conten...07/02/0413.jpg


لكن لو قدرت فيات توفرها بسعر قليل زى ما اعلنت قبل كده انها هتتشارك مع تاتا فى نموزج النانو ساعتها انا حاسس انها ممكن تغزو العالم بعربيات رخيصة صغيرة انيقة وعملية (ومهم اوى موضوع العملية ده )
زى ما قدرت الهيونداى i10 تقلل من نجاح السمارت مع الفارق طبعا

انا شخصياً لو عربية زى ديه بسعر من 30 - 50 الف (ده بالمقاييس الاسعار الحالية) اشتريها طبعاً بس لازم اللى يشتريها يكون عندة عربية تانية

رد: فيات تمارس هوايتها ( إعادة كتابة التاريخ )
 

باشا مش العربيات دي اللي هتنزل ب 30 و 50 الف ،،

شوف سعر الميني كوبر و الفيات 500

رد: فيات تمارس هوايتها ( إعادة كتابة التاريخ )
 

المحرك الخلفى ميزته فى الملفات,
لكن عيبه على الطرق السريعة بيقلل من ثبات العربية لأن الوزن مش متركز على العجل الأمامى المواجه للهواء.
و لكن هذه السيارة مدنية و لا داعى للتركيز على ثباتها فى السرعات العالية.
فيرارى مش محرك خلفى,
فيرارى محرك وسطى باستثناء موديلها الابتدائى كاليفورنيا, بمعنى انو المحرك مكان الكنبة الخلفية و موضوع ادام المحور الخلفى مباشرة و ليس بعده, و ده بيدى توزيع وزن مثالى, و منذ ان قدمتها مازيراتى و سيارتها بورا, أصبحت الوضعية الوسطية قياسية بالنسبة لأى سيارة رياضية حقيقية.
بورش فقط هى التى ما تزال تحتفظ بوضعية المحرك الخلفية.

رد: فيات تمارس هوايتها ( إعادة كتابة التاريخ )
 

طيب لما هي مدنيه او سيتي كار ... يعملوها 115 حصان ليه !!!

خصوصا مع صغر حجمها و خفه الوزن ... حتكون نسبه القوه للوزن مرتفعه و بالتالي اداء شبه رياضي !!!!

رد: فيات تمارس هوايتها ( إعادة كتابة التاريخ )
 

ال115 حصان مع الوزن الخفيف هيخلوا السيارة ممتعة للغاية,
الوزن الخفيف بيخلى السيارة رشيقة فى المنحنيات على عكس الشائع, كما أن التحكم بها يصبح أسهل و قيادتها أكثر متعة, و بالترافق مع محرك قوى, هتبقى السيارة مميزة جدا فى قطاع السيارات الصغيرة, و ليست مجرد سيارة صغيرة و موفرة.
معظم الشركات تصنع السيارة الصغيرة وفق مبادىء ثابتة لا تتغير, أداء ضعيف, حجم صغير, انخفاض استهلاك الوقود و تكلفة التشغيل, و ينطبق هذا على سيارات مثل تويوتا اى كيو و شفروليه سبارك و سيتروين سى1 و السمارت,
فيات و مينى كسروا هذه القاعدة مع المينى كوبر و الفيات 500, و غيروا مفاهيم انتاج السيارة الصغيرة, فهى قد تكون صغيرة حجما, و لكنها يجب أن تكون كبيرة فى الأداء.

رد: فيات تمارس هوايتها ( إعادة كتابة التاريخ )
 

مفيش اخبار جديده عنها يا احمد باشا ؟؟