رد: عندما يعتصم أغلبية من البلطجية والباعة الجائلين والمجرمين في التحرير بداية من 9 ابريل (أقول للجيش دوس وطهر الميدان بالقوة لو لزم الأمر)
 

سبحان الله ،، نفس الشهادة تقريبا من ناشط و مدون ،،

بس برؤية تانية ،،

الوضع في ميدان التحرير اليوم


حزين جدا أني لازم أنقل الوضع في التحرير للناس عن طريق المدونة، كان نفسي ناس أكثر تنزل و تشوف لكن الناس معتمده على تويتر والتليفيزيون.

المداخل مقفولة بالسلك الشائك و لكن الأرصفه مفتوحة للمشاه والدراجات العادية والبخارية. حوالين كل مدخل في بتاع 50 واحد أو أكثر داخلين في حوارات، ممكن الحوارات تسخن و يكون في زعيق أو زق. (ما شفتش زق غير على فيديو متصور امس).

الميدان مش مليان و مش فاضي. ممكن نقول أن عدد المتوجدين حوالي 2000 أو أكثر بقليل. منهم معتصمين، باعه جائلين، ناس بضان على موتسيكلات عاوزين يعدوا من الميدان ويطلعوا من الناحية التانية وملهومش دعوة بالأعتصام أو أن في مشاه في الطريق، ناس جيه تشوف الوضع، ناس جاية تقنع المعتصمين أنهم يمشوا و ناس جاية تساند وتدافع عن المعتصمين وصحفيين أجانب قليلين.

ما فيش إذاعة وناس ملمومة عليها زي زمان، الاذاعة الموجودة متكسرة، واحد من المعتصمين قال لي أن الجيش أستهدف تكسير السماعات بالقصد فجر السبت.

في عيادة صغيرة عبارة عن فرشة على الرصيف أمام كنتاكي لمجموعة من الدكاترة قاعدين على أسبتة خضار. كل شوية مجموعة كبيرة من الناس تجري عليهم شايلين شاب، كل اللي شفتهم عندهم أضطراب تحولي (من الآخر مغمى عليهم بسبب الضغط النفسي)

الضغط النفسي هو كل حاجة بيعانوا منها المعتصمين دلوقت، كل شوية يجروا على مدخل علشان في ناس عاوزة تشيل الاسلاك الشائكة أو المتاريس أو ناس عاوزة تضربهم. مانامش منهم حد في الكام يوم اللي فاتوا.

الحوارات الدايرة مع الناس اللي جاية عاوزة تمشيهم وقلة دعم من بقيت الناس والتيارات السياسة ليهم عامله لهم حرب نفسية. ناس تتهمهم أنهم مش شباب 25 يناير وناس تخونهم.

المعتصمين أغلبهم شباب صغير تحت ال30 في منهم في جامعة (و جامعات خاصة) وعمال، بس كتير منهم فقراء. وده سبب أن ناس كتيرة عماله تقول عليهم أشكال بلطجية وأتهامات من هذا القبيل. كأنهم خبراء في علم الفراسة يا خبيتكم.

شافوا الرعب فجر السبت وبالرغم من كدة عندهم من الشجاعة أنهم يكملوا أعتصامهم ويقفوا أمام كل الناس اللي قايمة بالواجب للمجلس العسكري ومطلعة عنيهم حوارات خايبانه، نصها مستفز وطبقي وناس قافله المنطق بتاعها علشان تمشيهم وخلاص، على حسب كلام واحد منهم في ناس بتتفهم وتقتنع وناس مش عاوزه تسمع أصلا.

من الساعة 2 الى 5 ما سمعتش ولا شفت حاجة عن الأجنبي الي التليفيزيون المصري بيقول طعن في أيده.

أعتقد أعتصامهم في الأيام القادمة هايكبر ويكون أكثر شعبية من دلوقت.

المصدر ،،

http://moftasa.net/node/2704

رد: عندما يعتصم أغلبية من البلطجية والباعة الجائلين والمجرمين في التحرير بداية من 9 ابريل (أقول للجيش دوس وطهر الميدان بالقوة لو لزم الأمر)
 

http://www.moheet.com/show_news.aspx?nid=460350
http://www.shorouknews.com/ContentData.aspx?id=429536

(بس كتير منهم فقراء. وده سبب أن ناس كتيرة عماله تقول عليهم أشكال بلطجية وأتهامات من هذا القبيل. كأنهم خبراء في علم الفراسة يا خبيتكم.)

رد: عندما يعتصم أغلبية من البلطجية والباعة الجائلين والمجرمين في التحرير بداية من 9 ابريل (أقول للجيش دوس وطهر الميدان بالقوة لو لزم الأمر)
 

احمد باشا ليه مردتشى عليا انتا شركت فى الثوره من البدايه وللا لسه نازل الميدان

اليومين دول وانتا قلت انك صورت بعض الصور

ممكن حضرتك تنزل لينا الصور

وانتا قلت فى موضوعك انك سعيد انك لم تجد احد من المعتصمين محترم

ورجعت قلت نسبه واحد فى الميه محترم

طيب ينفع واحد فى الميه محترم يعتصم مع شويه بلطجيه

وبياعين على الرصيف

طيب بياع الرصيف مش انسان ولا مش محترم

انا بصرحه مش فاهم حاجه من موضوعك كل اللى انا فهمه انك ضض الاعتصام

وبس وعلى فكره الناس اللى بتقول عليم بلطجيه دول وهم زى بتقول

اغلبهم من البيعين البيعين دول يبيعه على الرصيف ولا يقفه على نواصى

الشوارع ويبلضجه بجد ويسبته الناس ويخده منهم اللى معاهم

وبعدين لو الناس دى بلطجيه زى منتا قلت مكتش تلعط من الميدان سليم


نفس الكلام اللى كان بيتقال علينا لاما كنا معتصمين فى الميدان


كانت الناس بتقول ان احنا بناكل كنتاكى وناس تقول دحنا اسرئيلين

وبناخد فلوس وكلام كتير

فيريت للمره المليون حضرتك ترد عليا وتقول لى انتا شركت فى الثوره

واعتصمت كام يوم فى الميدان حتى تنحى حستى من الحكم

وطبعا بعد نجاح العمليه الجراحيه التى تمت لفصل حستى من الكرسى

ويريت تنزل الصور

وياريت متزعلشى منى ولك من كل الاحترام

وطبعا احنا اخوات ولايفسد فى الحوار قضيه

وطبعا انتا من الناس اللى انا بحترمه جدا GIFT4U

رد: عندما يعتصم أغلبية من البلطجية والباعة الجائلين والمجرمين في التحرير بداية من 9 ابريل (أقول للجيش دوس وطهر الميدان بالقوة لو لزم الأمر)
 

السلام عليكم ورحمة الله وبركاته

بصوا يا جماعة علي الرغم من اعتراضي الشخصي علي فكرة الاعتصام من الاساس لأن ده مش وقته
ولازم كلنا نتفق علي طرق التصعيد ويكون المطالب واضحة ومحددة
وده تقريبا اللي بيحصل في الجمع المليونية واللي متفق اصلا انه لايتبعها اعتصام

ولكن خلينا نقول ان في ناس عايزة تعتصم وشايفة ان ده حقها
مفيش مشكلة تعتصم
ولكن الاعتصام يكون له مكان محدد ميقفلش الميدان يعني
وله مطالب محدده ميكونش اعتصام للاعتصام
وميكونش فيه خارجين عن القانون
يعني مينفعش كام واحد يلبسوا ملابس عسكرية ويشتموا في الجيش وبعد كده نحميهم من غير ما نعرف هما مين ومين اللي وراهم
لو كانوا مش في الجيش او حتي مفصولين من الجيش
ميلبسوش ملابس عسكرية ولو لبسوها يتحاكموا علشان ده شئ القانون بيجرمه
طيب لو هما عسكريين فعلا بردوا يتحاكموا محاكمة عسكرية
وبعدين احنا كنا في الميدان لمدة اسبوعين ماشوفناش من العسكر غير اتنين اضامنوا معانا
واحد منهم معروف الرائد احمد شومان وده اتحاكم وخذ عفو
والتاني معرفش حصلوا ايه
دول طلعين دلوقتي ليه
وليه مش رجالة وعايزيين الناس تحميهم

انا بس عايز اقول لاخويا عماد احنا كنا في الميدان
لغاية يوم الاربعاء الدامي محدش فينا كان بيمنع حد من دخول الميدان ولا حطينا اسلاك شائكة
ولا كنا بنوقف حراسة وتفتيش لغاية اللي حصل يوم الاربعاء

وكلنا عايزيين مبارك يتحاكم لكن ده غير ان كلنا كنا عايزيين مبارك يغور
لكل حادث حديث ووسيلة للضغط
يعني منبهدلش كل حاجة علشان مجموعة الله اعلم ايه مطالبها

يعني ببساطة في استفتاء اتعمل لكن لسه مجموعة عايز تفرض مطالبها بالقوة وكأن الاستفتاء محصلش
وعايزيين مجلس رئاسي وتأجيل الانتخابات وغيره بعيدا عن نتيجة الاستفتاء ودول اللي بيقفوا ويأيدوا الاعتصام مش علشان مطالب الاعتصام الغير معروفه ولكن علشان يفرضوا حلول علي ارض الواقع

اسف علي الاطالة
ومعرفش قدرت اوصل فكرتي ولا لأ

رد: عندما يعتصم أغلبية من البلطجية والباعة الجائلين والمجرمين في التحرير بداية من 9 ابريل (أقول للجيش دوس وطهر الميدان بالقوة لو لزم الأمر)
 

انا مش مشارك في الاعتصام
بس و لاول مرة اقول ان اللي في التحرير حاليا ليست نفس الوجوه التي كانت موجودة سابقا
1- اختفت وجوه المثقفين
2- اختفى التنظيم و الابتسامة
3- اختفت المعاملة الحسنة
4- اختفى التأييد الشعبي
5- اختفى الفكر الهادف
6- 99% بيقولوا ان اي صدام مع الجيش خطأ دلوقتي

انا رايي ان مفيش مشاكل ندخل في صدام مع الجيش لان طنطاوي فاسد
و لكن ما هي العواقب؟؟؟؟؟؟؟؟؟؟؟؟؟؟؟؟؟؟ ؟؟؟
حد يرد عليا- اديني سيناريو للنتائج و يا ريت ميبقاش متفائل من بلاد الهلوسة

رد: عندما يعتصم أغلبية من البلطجية والباعة الجائلين والمجرمين في التحرير بداية من 9 ابريل (أقول للجيش دوس وطهر الميدان بالقوة لو لزم الأمر)
 

رد: عندما يعتصم أغلبية من البلطجية والباعة الجائلين والمجرمين في التحرير بداية من 9 ابريل (أقول للجيش دوس وطهر الميدان بالقوة لو لزم الأمر)
 

اولا اخى الكريم ابو سهيله ولله انا فاهم كلامك جدا وانا على فكره بروح كل جمعه

والحمد لله انا من اول المظاهعرات وانا والحمد لله مشارك فيها ولم اذهب الى بيتى الا

لما غار فى دهيه الحستى ده وان معاكم انى ضض الاعتصام ووقفل الطرق

لان كدا احنا بنوقف حال الناس والبلد بس المجلس الاعلى لم يتخز اى خطوه الا لما بيجد

الناس طلعت ووقفت من تانى

وان قلت فى كلامى ان مفيش حد يزعل منى لان احنا اخوات والمنتد ده بيتنا التانى

وياخى احمد انا مش مكدبك ولا حاجه بس انتا لما تنزل لو صوره وحده

هتقطع الشك باليقين من اللى ممكن يشككه فى كلامك

وانا والاخوه فى الميدان كل جمعه ينمشى على اخر اليوم

وصدمت من اللى انتا نقلته لان لو الوضع كده يبقى اللى احنا بنعمله بيضيع هدر

واحنا بنختار يوم الجمعه لان ده يوم اجازه يعنى مفيش حد بيغيب من عمله

ولم نعطل احد لان جميع المصالح الحكوميه اللى فى الميدان يوم الجمعه دة عطله

وانا بقول تانى ليكم احنا اخوات واوعه حد يزعل منى ولله العظيم انا بحترم الجميع

وانا من المعجبين بيك ياخى احمد ويارب يدوم الخير والود بنا GIFT4UGIFT4U