رد: ماذا فعلت حين تعطلت بك السياره على الطريق ارجو الاجابه من اصحاب التجارب واصحاب الخبره
 

السلام عليكم ورحمه الله وبركاته اخوانى الاعزاء يشرفنى ان اكون عضو جديد بينكم . اما بخصوص عطل السياره فكانت معى سياره 127 وكنت ذاهب الى الاسكندريه مع اسرتى لقضاء اسبوع هناك المهم بعد صلاه الفجر مشينا وفوجئت بعطل فى مروحه التبريد وانا لم ا تحرك بعد فقلت للاولاد لن نستطيع القيام بهذه الرحله فرايت الزعل والغضب على وجوههم فقلت لهم سنذهب ولامر لله ومليت حوالى سته زجاجات ميه ومشينا على بركه الله وفوجئت بارتفاع فى درجه الحراره بعد ثلاث دقائق تقريبا فوقفت والقيت نظره على الريداتير فكان لا يوجد به قطره ماء واصبحت بمعدل كل ثلاث دقائق اقف وازود الريداتير حتى نفذت زجاجات المياه كلها التى كانت معى ووقفت على الطريق الصحراوى ونظرت عن بعد فوجد مبنى للمطافى فذهبت اليه وملئت كل الزجاجات التى كانت معنا ووصلت الاسكندريه فى حوالى سبع ساعات تقريبا وبعد ان قضينا الاسبوع رجعنا بنفس الطريقه ولكن فى الرجوع وقع منى الشكمان على الارض وكان صوته فظيع جدا حتى وصلت بالسلامه الى المنزل واسف على الاطاله .

رد: ماذا فعلت حين تعطلت بك السياره على الطريق ارجو الاجابه من اصحاب التجارب واصحاب الخبره
 

رد: ماذا فعلت حين تعطلت بك السياره على الطريق ارجو الاجابه من اصحاب التجارب واصحاب الخبره
 

فعلت ذلك فعلا وذهبت الى كهربائى سيارات وقال لى عندى مروحه مستعمله ب200 جنيه وانا لا احب الاستغلال وقلت بعدين واخذنى الوقت حتى فات الاسبوع وجاء وقت الرجوع وانا لم ابدى اى اهتمام لانى لم اخرج بالسياره فى الاسكندريه وهذه هى الحكايه .

رد: ماذا فعلت حين تعطلت بك السياره على الطريق ارجو الاجابه من اصحاب التجارب واصحاب الخبره
 

ابو زومل والله يا معلم فكرتني بالذي مضي انا بردك ايام الله يحرقها بجاز ال 128 طلعت عين اهلي ومن ضمن المرات العديدة وانا ماشي في امان الله لقية العربية حصل فيها فرقعه ووقفت مكانها في الجنب الشمال علي الدائري يعني مني للتريلات والعربيات الطيارة المهم بفتح الكابوت لقية الشاكوش بتاع مجموعة الكهربة فلت ودغدغ المجموعه كلها المهم طلع عين اهلي علي ما لقيت حد فاتح لان الكلام ده كان الساعه 9 الصبح يوم الجمعه المهم جيبت علبة جديدة والميكانيكي طلع معايا بعد عناء شديد وتحايل عليه للصبح وعملتها وخدت بعضي ومشيت

رد: ماذا فعلت حين تعطلت بك السياره على الطريق ارجو الاجابه من اصحاب التجارب واصحاب الخبره
 

راجع من فرح الساعة 12 باليل عربية اكسل ومعايا الاسرة بالكامل وسلك الدبرياج اتقطع .... الكلام دة كان فى اشارة روكسي دورت على ميكانيكى يغيرلى سلك الدبرياج ما فيش اضطريت انى امشي بيها كدة لغاية البيت والطريق حوالى 60 كيلو ....المشكلة مش انك تدور العربية وهى واخدة غيار وتدى بقية الغيارات وهى ماشية والطريق واقف لكن المشكلة ان الهونداى اكسيل فيها اوبشن انك لازم تدوس دبرياج عشان تدور ودى كان اصعب حاجة لانى بايد كنت بدوس على السنسور بتاع الدبرياج وانا مدى غيار وايد تانية بتدور من الكونتاكت والعربية تدور وتتحرك ولما اكون داخل على اشارة امور وهى ماشية وافضل سايب مسافة بينى وبين اللى ادامى واسايس امورى

رد: ماذا فعلت حين تعطلت بك السياره على الطريق ارجو الاجابه من اصحاب التجارب واصحاب الخبره
 

انا الحمدلله عندي واحد صاحبي كهربائي سيارات
كل ما بتعطل العربية مني في اي حته فيكي يا مصر اقوم اتصل بيه اشرحله الوضع يقوم هوا يستنتج المشكلة فين او يسأل ميكانيكي زميله و يعرف المشلكة - يقوم يشتري اي قطع غيار محتاجاها العربية قبل ما ييجي و ياخد اي عربية في الورشة او يخللي زبون او صاحبه يوصله لحد عندي و في الاخر ياخد بعضه و يمشي من غير ما يرضى ياخد فلوس حتى
و لو المشكلة محتاجة ميكانيكي ممكن يجيب ميكانيكي معاه
طبعا انا عندي دم - بدفع تمن المواصلات لو جه مواصلات و بدفع تمن الميكانيكي و قطع الغاير
و بردله الواجب 3 مرات في اي مناسبة - يعني انا برضه جدع معاه في حاجات تانية كتير
بس الحمدلله لانه فعلا بينقذني في مواقف بايخة قوي
و طبعا انا برضه عندي خلفية - يعني لو حاجة عطلت ساعات بعرف احلها بنفسي

رد: ماذا فعلت حين تعطلت بك السياره على الطريق ارجو الاجابه من اصحاب التجارب واصحاب الخبره