|
رد: فريق تويوتا للفورميولا واحد: الفوز أو الانسحاب
ايوه يا فادي معاك
بس ما تنساش ان مايكل شوماخر طلع بعربيه فيراري لما كانت دون المستوي الي ترتيببات اعلي و خصوصا في اعوام 96 و 97 معاك ان العربيه عليها عامل كبير بس سائق زي شوماخر كده برضه عنده موهبه فذه يعني لا ننكر ان كل 10 سنين او اكتر يطلع علينا سائق موهوب بحق زي ايرتون سينا و مايكل شوماخر كده حتي الناس دي لو راحت لفريق تعبان زي تويوتا (ههههه حلوه تعبان دي و الاحلي ان مافيش حد من عشاق الياباني حيدخل يتناقش فيها هههههه) حتلاقيهم بيطلعوا في مراكز معقوله مش حيبقوا متذيلين القائمه زي دلوقتي |
رد: فريق تويوتا للفورميولا واحد: الفوز أو الانسحاب
فينك يا mtema99 تيجي تشوف البهدله إللي بتتدبهدلها تويوتا هنا من غير ماحد عارف يدافع عنها ptmnlo123per1116
|
رد: فريق تويوتا للفورميولا واحد: الفوز أو الانسحاب
صدقني يا احمد باشا
محدش حيعرف يدافع عنها لان ببساطه الاسيوين و تويوتا تحديدا جات للاوربين و فيراري و مجموعه فيات تحديدا في عقر دارهم الفورمولا واحد فعلا هيا المقياس الحقيقي لتقدم الشركات في التقنيات و المحركات و اساليب ادراه الفرق حيث الجزء من الثانيه يصبح له قيمه !!!! تحيه الي الفريق الاحمر التي لم تغيب شمسه عن البطوله منذ اطلاقها و حتي الان مستمره بتفوق انه الشغف و الاصرار علي الفوز الدافع للتقدم حيث لا مجال للاخطاء |
رد: فريق تويوتا للفورميولا واحد: الفوز أو الانسحاب
الشركه الياباني الوحيده اللي كان ليها انجازات في الفورميلا وان كانت هوندا في التمانينات ( ماكلارين هوندا )
ولما بقى ليها فريق خاص في الالفيه نتايجها بقت ضعيفه جدا ... وانسحبت هو مهندس فادي عنده حق فعلا ... ونسبه كبيره من تفوق الفورميلا وان يعود الفضل فيه اولا للعربيه بتقنيتها في المقام الاول ... و بعدين السائق اللي اصبح زي المكنه او الروبوت ... و طبعا طبعا الدعم الفني و الصيانه لكن كلام حازم باشا مظبوط ... فيه سائقين استثنائيين ... زي سيينا و شوماخر و هاميلتون بس احب اضيف حاجه صغيره ... السائق الماهر او صاحب الموهبه الفذه .... مع سياره ضعيفه حيحسن نتيجتها ... لكن في نقطه مهمه جدا .. الاستراتيجي تشوف مثلا انجاز فرناندو الونسو و نيلسون ييكيه جونيور مع رينو .. مع ان معاهم نفس العربيه لكن مهاره و خبره الونسو فرقت كتير 61 نقطه مقابل 19 نقطه لبيكيه .. و قدر بعربيه اقل من الفيراري و الماكلارين يتفوق عليهم في سباقات و يوصل بوديوم 3 مرات منهم مرتين اول ... وده نتيجه استراتيجيته + موهبته + الخبره ...بالرغم من ضعف العربيه فده سائق فوق العاده و لا يجري عليه مفهوم الغلبه للسياره .. بالعكس هو اللي قدر بمهارته انه يحقق انجاز للعربيه |
رد: فريق تويوتا للفورميولا واحد: الفوز أو الانسحاب
طيب ما تويوتا تشترى سواق كويس وخلاص ptmnlo123per1127
|
رد: فريق تويوتا للفورميولا واحد: الفوز أو الانسحاب
ماهو احنا بنقول يا مصطفي باشا اهو
ان السواق مهما كان كويس حيقدر يحسن النتائج لكن انه يوصل يبقي رقم 1 مستحيل خبره تويوتا في الفورمولا 1 بسيطه و لا ترقي لخبرات فرق كبيره زي فيراري و مكلارين و رينو لسه قدامهم كتير اوي لكن هما ماعندهمش صبر كانوا واخدين الموضوع الاول بغرض الدعايه و فاكرين انهم حينجحوا فيه لكن زي ما انا قولت الفورمولا 1هيا التحدي الحقيقي و مش اي شركه تقدر تثبت نفسها فيه هما فالحين بس يعملوا عربيات ناعمه و ماتحسش بالمطبات زي الكورولا و كده انما سيارات رياضيه بحته انسىىىىىىىىىىىىىى |
رد: فريق تويوتا للفورميولا واحد: الفوز أو الانسحاب
اقتباس:
وسائقين الفورميلا وان هم احسن وافضل سائقين العالم زي ما يقال Creme de la creme ... او بالبلدي وش القفص وابسط دليل انهم بيتدرجو من الكارت للفورميلا 3 لحد ما يوصلو ليها ولما يعتزلو ..ممكن يروحو يتسلو في الناس كار او الراليات فالسواق الكويس من منظور الفورميلا وان يتعدو على صوابع شخصيه كارتونيه زي ميكي او بطوط ( 3 صوابع بالكتير ) رأيي الشخصي ان افضل السائقين المميزين حاليا 1- فرناندو الونسو - ( وده كل الفرق عايزاه و يوم ما حيسيب رينو على فيراري حدف ) 2- لويس هاميلتون ( شويه خبره كمان و حتشوف وحش كاسر ) 3- سيباستيان فيتيل ( لسه شاب صغير و مع الخبره حيظهر مدى تفوقه ) اما الباقي ( مع اعجابي الشديد لفيليبي ماسا ) زي ما مهندس فادي قال ... العربيه هي الاساس |
| الساعة الآن 09:31 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017