|
رد: قطاع الطرق
للاسف اصبحت ظاهره فى مدن كثيره ، ولابد من التصدى لها بحزم....لانها لوتركت لاستفحلت اكثر من ذلك ...ولكن اللى انا مستعجب له سلبيةالناس وعدم وقوفهم مع المعتدى عليه ضد البلطجى أواللص ...اين الروح التى كانت موجوده ايام الثوره عندما توحد الشعب ضد البلطجيه ونزل الناس للدفاع عن الممتلكات.
|
رد: قطاع الطرق
الاستاذ الي كاتب الموضوع بشكرو علي لفت نظر الناس لحاجه زي دي
بس لعلم حضرتك انا لسا جاي دلوقتي ( الوقت الي انا بكتب فيه الرد ) من بلقاس منصوره من الطريق الدولي الساحلي الي جاي من دمياط عشان انزل زراعي وادخل علي بنها .. بصراحه مكنش فيه اي قلق علي الطريق ووصلت تقريبا في ساعه ونص بس العيب الوحيد اني من اول مخرجت من بلقاس لحد دخله المنصوره والبتحديد اول كوبري سندوب وكاني ماشي في صحرا مفيش عمود واحد منور .. او قلبها بشويه عند مفارق طنطا برجاء تصعيد الموضوع لاعي المستويات . المنطقه دي حرام حرام فيها مصايب ومفيش حد حاسس بيه وياريتو طريق لمكان واحد دا ماسك دمياط وجمصه ومركز بلقاس وشربين والبلاد دي عليها حركه كتير وبرضو مفيش اهتمام وربنا يسترها علينا وعليكو وعلي الناس اجمعين ][ يارب العالمين ][ |
رد: قطاع الطرق
اقتباس:
وان امكن القبض على اللصوص والبلطجية وربنا يسترها مع الجميع |
رد: قطاع الطرق
اقتباس:
وانت كقائد سيارة هتميز ازاى بين اللجان الشعبيه والبلطجيه !!!!! انت من بعيد شايف ناس واقفه بسنج وبمطاوى وبشوم هتروح تسألهم انت لجنه شعبيه ولا بلطجيه اللجان الشعبيه كانت مرعبه على الطرق بالنسبة للناس اللى بتقول الطرق امان ومفيش حاجه الطريق بيمشى عليه آلاف السيارات يوميا الحراميه وقطاع الطرق مش معقولة هيلموا العربيات كلها بيصطادوا عربيه ولا اتنين من على الطريق وبيختفوا تانى وبيظهروا على طريق تانى فى وقت تانى وهكذا اللى حظه زفت هوه اللى بيطلعوله ويثبتوه وربنا يرحمنا برحمته |
رد: قطاع الطرق
اقتباس:
انا قصدى ان الناس مايكونش عندها سلبيه وتتصرف بايجابيه فى هذه الحاله البلطجى حيفكر مية مره قبل مايعمل عملته.... يعنى انا اقصد الشهامه بتاعة اولاد البلد فى نجدة الملهوف واللى فى موقف صعب ...انما الناس بتبص وتقول انا مالى وطبعاً البلطجى بيستغل الرعب النفسى اللى بتبقى الناس فيه لكن لو اتكاتروا عليه اوعليهم حيعمل ايه........ مثلاًالحادث بتاع البلطجى اللى الاهالى لمازهقوا من افعاله هجموا عليه وقطعوه ولوانى مش عاجبنى اللى عملوه لان دى همجيه .....لكن العكس تماماً يبقى سلبيه. |
رد: قطاع الطرق
ربنا يسترها علينا وعليكم....
|
رد: قطاع الطرق
اقتباس:
للاسف سلبيتنا ودتنا فى داهيه |
| الساعة الآن 12:51 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017