رد: خبراتكم ياشباب , اشتريت سيراتو اليوم والحمدلله
 

مبروك يا باشا و ربنا يوفقك معاها و تفهموا بعض الايام الجاية
:D GIFT4UGIFT4U

*حاول توقفها ف جراج او ف حتة امنة
*اظبط الكاوتش عن حد بيفهم و هو لوحده هيظطه منغير ما تقوله
*هاتلك كام اكسسوار حلو كده .. فرش تابلوه .. واحدة شجرة ( معطر ) .. راشيتين خوص للكرسيين الاماميين .. دواسات حلوة كبيرة .. طبعا يفضل قدام شوية تعمل كسوة جلد ارض و كراسى للحماية ..
*بلاش تحط الكفرات النيكل على الفوانيس الامامية والخلفية .. ولا المرايات ... ممكن تجيب كفرات نيكل للاوكر بس كلمسة جمالية ...
*طبعا بلاش جرى و شد و حرق و فرك اول 1000 .. و ماتعديش ال 100 و بلاش تكييف .....
*تجيب كفر حلو كده للتارة و الحزام ..
حافظ عليها ( اكيد مش محتاج توصية .. ) و صونها من اول يوم عشان متعزبكش قدام .... و بأكد على نقطة التامين ... وقفها على جنب خاااالص و اقفل مراياتك و ممكن تغطيها او تبقى تجيب غطى ... و حاول توقفها ف جراج و يا سلام لو جراج خاص .. و ما تسيبش باب مش مسوجر حتى لو ف جراج و متسيبش المفتاح ف الجراج ( لو جراج عام ) عشان لو اقتحموا الجراج هياخدوا المفاتيح و يدوس على زرار الفتح و يروح على العربية اللى هتعمل صوت و ياخدها و يشد

ربنا يسترها اليومين دول .... مبروك كمان مرة GIFT4UGIFT4UGIFT4UGIFT4UG IFT4U

رد: خبراتكم ياشباب , اشتريت سيراتو اليوم والحمدلله
 

تسلم كيمو على نصائحك

انا بركنها فى جراج خاص والحمدلله مأمن جدا والله يسترها بردو

احتاج اجابه على الاسئله التاليه ياكيمو وياشباب


صيانة 1000 كيلو عباره عن ايه بظبط ؟

والسياره خليجي أى توكيل يقبلها ؟ او فين اعمل صيانة 1000 كيلو ؟

والجانط اظبطه على كام ؟ 35 او 37 ؟ عشان فى ناس بتوع كوتش بتزود وخلاص

شكرا مقدما

رد: خبراتكم ياشباب , اشتريت سيراتو اليوم والحمدلله
 

الف مبرووك ياباشا وربنا يديك خيرها ويكفيك شرها بإذن الله..
بالنسبه لصيانه ال1000 كيلو فعلى حسب علمى لغايه رجاله المنتدى الكبار يقللولك بتبقى فى التوكيل..وهناك بيغيروا الزيت ويربطوا على العفشه ولو فيه اى مشاكل تقولهم عليها ...حاجات بسيطه يعنى متقلقش...والف مبروووووووك مره تانيه

رد: خبراتكم ياشباب , اشتريت سيراتو اليوم والحمدلله
 

الله يبارك فيك xabi

وتسلم على مرورك

عربيتي خليجي ملهاش توكيل مش عارف فين توكيل ممكن يقبلها ومش عارف ايه هي صيانة 1000 كيلو يعني هعمل ايه فى العربيه بظبط

ومحتاج الاجابه على اسئلتى جدا عشان مش عاوز امشى بيها وانا مش متأكد

وشكرا جميعا

رد: خبراتكم ياشباب , اشتريت سيراتو اليوم والحمدلله
 

الف مبروك عليك والله يعطيك خيرها ويكفيك شرها .. اخي كنت اود ان ابدى رأي ولك ان تأخذ به او لا فأنا ايضا مثلك استلمت اول امس سيارتى كيا سيراتو من الوكيل مباشرة ( هنا بالسعوديه ) وبالتالى فانا على درايه متواضعه باهم الاجراءات التى يجب ان اعمل بها وطبعا التعليمات من المنبع رأسا وقد كان كلامهم كالتالى :
مبروك السياره نراك بعد 5000 كيلو في الصيانه الدوريه اى انه لا يوجد زياره فى 1000 ولا غيره وممكن تتأكد من كتيب السياره / لا تقود اكثر من 70 الى 80 خلال اول 1000 كيلومتر / من المفضل عدم استخدام التكيف خلال هذه الفترة وقد قمت بالاتصال بهم بعد قراءة موضوعك للاستفسار عن حجم الهواء بالاطار فقالو لى يختلف تبعا لحجم الطار نفسه ( 15 /16 /17 ) كذا يختلف حسب حاله الجو ( حار / بارد ) وكان التقيم لاطارى ( 17 انش ) هو 35 .. وانا تحت امرك في اي استفسار وخليك من الفتايين ( الفتايين بيشجعو كيا واحنا معاهم )

رد: خبراتكم ياشباب , اشتريت سيراتو اليوم والحمدلله
 

الف مبروك الله يعطيك خيرها ويكفيك شرها ويباركلك فيها
ليا استفسار سعرها كام كاش وقسط كام وشكراGIFT4U

رد: خبراتكم ياشباب , اشتريت سيراتو اليوم والحمدلله
 

صيانه الالف تغيير زيت وفلتر وتربيط العفشه ولو فيه حاجه مش عاجباك ومضايقاك تقولهم غليها
والخليجى لو مش فى التكيل الصيانه مراكز الخدمه بره كتير جدا وكلها او اغلبها ممتاز وبه كل الامكانيات ومتقلقش