رد: ما هو تقييمك لوكيل نيسان و مراكز الخدمه
 

رد: ما هو تقييمك لوكيل نيسان و مراكز الخدمه
 

أنا عندي نيسان صني موديل 2007 ، وبعمل الصيانة عند السبع في زهراء المعادي، هما مش بطالين من الناحية الفنية ومتعاونيين بس آخر مرة في صيانة 25000 كان زحمة وضربوا لخمة ووقفت يمكن أكثر من نصف ساعة (على الرغم من أني حاجزة ميعاد) لحد ما جاء واحد يستلم مني العربية.

رد: ما هو تقييمك لوكيل نيسان و مراكز الخدمه
 

اسوأ مما كنت أتصور وخاصة مركزى خدمة الهايكستب والسبع دول ياراجل مش عرفين يشدو سير الدينامو السيارة بتصفر منذ أكثر من 8 اشهر ولما استنجت بتوكيل السبع ذادت الطينة بلة واستمر الصوت اكثر واكثر يا ليتنى لم ابيع سيارتى الدايو ؟؟؟؟؟؟؟؟؟؟؟؟؟؟؟؟؟؟؟

رد: ما هو تقييمك لوكيل نيسان و مراكز الخدمه
 

السلام عليكم
واللة فكرتك عن تقسيم الوكلاء جيدة بس من خلال تجربتى للعوض و مودرن موتورز ال 2 اسوئ من بعض فى الاعطال الفية الغير متكررة يعنى حافظين مش فاهمين والدليل على كدة انى غيرت عند العوض ال4 مساعدين علشان صوت فى العفشة وتحلتش و مودرن غيروالمقص و ربطو العفشة و لسة الصوت
نفسي الاقى ميكانيكى عفشة شاطر
دلونى جزاكم اللة خير

رد: ما هو تقييمك لوكيل نيسان و مراكز الخدمه
 

والله أنا جربت خدمة مودرن موتورز اللى خلف مقار بشارع التحرير بالدقى وده كان فى غيار الزيت والفلتر بعد 1000 كيلو وكانت الخدمة جيدة بس مفروض الواحد يشوف مستوى الخدمة وهى بتتعمل للسيارة يعنى لو فيه مكان الواحد يقدر يتابع منه عملية الإصلاح أو الصيانة موش يكون أفضل لو الزبون يشوف أيه اللى بيتعمل فى عربيته وشكرا لو ياخدو بهذا الإقتراح .

رد: ما هو تقييمك لوكيل نيسان و مراكز الخدمه
 

انا صاحب اخويا معاه نيسان 2010 بيشكر في الوكيل بطريقه مذهله و كذا مره و احنا معاه بيتصله بيه و يطمنو علي العربيه و علي مستوي الخدمه و يخلو يعملهم تقييم يعني كل مره بيدهم اعلي تقييم و هوا شغال كل حاجه في العربيه في التوكيل

رد: ما هو تقييمك لوكيل نيسان و مراكز الخدمه
 

أنا عندى نيسان صنى 2009 و عدادها الان 40000 و مواظب جدا على الصيانات كل 5000 كيلو متر فى مرطز صيانة الحضرة بالاسكندرية
الحقيقة مركز نيسان الحضرة فى اسكندرية ممتاز جدا :
1- جدية شديدة فى التعامل مع العملاء و كل شكوى بتقولها عن السيارة يتم فحصها و انهائها
2- مواعيد تسليم السيارة بعد الصيانة ممتازة و مطابقة تماما لما يخبرك به مهندس الصيانة و هما كمان بيكلموك لو اتاخرت عن استلامها
3-استبدال قطع الغيار التى يشملها الضمان أو التى ظهر بها عيوب تصنيع بدون أى مناقشة
4-بعد الصيانة بيومين يقوم المركز بالاتصال للاطمئنان على ماتم من أعمال أثناء الصيانة
العيب الوحيد فى المركز اليافطة التى تنوه بوجود انترنت لاسلكى فى المركز و هو معطل من شهر 7-2009 حتى الان