|
رد: نقاش حول اﻹنتخابات القادمة
أنا شايف النقاش الأساسي حول نقطة انتخابات مبكرة و لا فترة إنتقالية طويلة ،،، أعتقد دي فعلا أهم نقطة حاليا |
رد: نقاش حول اﻹنتخابات القادمة
1. اتفق معاكم تماماً بان محور الخلافات كلها فى الجدول الزمنى واليه إدارة المرحلة الانتقالية
2. النقاط المثارة حالياً كلها تقريباً وزى ما لخصها ا. حازم فى سبعه نقاط هى تقريباً النقاط اللى وقعنا عليها من سنة فى بيان التغيير وانا بالرغم من عدم موافقتى للبرادعى فى بعض المواقف وعدم اقتناعى بيه كرئيس شعبى توافقى لكن مقتنع تماماً بانه فيلسوف الثورة الحالية واطروحاته لها الاثر الاكبر فى تغيير الواقع السياسى السابق فانا هبداء ببنود البيان القديم اولاً إنهاء حالة الطوارئ ممكن ناس تعتبر ان ده خارج السياق لكن القانون ده وغيرة من القوانين والممارسات اللى قضت على الحريات بعتبرها ضمانه اساسية لاى عمل سياسى فى الفترة الجاية مين يضمن ان متحصلش تصفيه لرموز او تيارات معينة تحت مظلة القوانين ديه قبل الانتخابات ؟؟ تمكين القضاء المصرى من الاشراف الكامل على العملية الانتخابية برمتها. ديه من الاولويات اللى مفيهاش تهريج وايا كانت المعوقات لاتمامها لازم تذلل والا يبقى معملناش حاجة الرقابة على الانتخابات من قبل منظمات المجتمع المدنى المحلى والدولى. ده مكمل للبند السابق وحل لمشاكل كتير زى عدم توفر قضاء كافيين فالمفروض منظمات المجتمع المدنى تساعد فى التنظيم والمراقبة وتكون تحت السلطة والتوجيه القضائى والمفروض نستفيد من المنظمات الدولية كاستشارى لنضمن سير العملية التنظمية بناء على ما انتهى اليه الاخرين وده كله هيساعد الامن فى دورة فى حماية العملية الانتخابية والغاء اى لجان تظهر فيها مخالفات وتاجيلها للاعادة بدل ما نخش فى الطعون ومشاكلها وتراكمتها وبالتالى فانا شايف ان اجتماع اليات عمل السلطة القضائية ورقابة المجتمع المدنى والمنظمات الدولية مع وجود الامن هتضمن تناغم وتكامل مهم جداً واساسى لاكتمال العملية الانتخابيه ككل واى تجنيب لواحدة من الجهات ديه هيسبب خلل فى المنظومة ككل توفير فرص متكافئة في وسائل الإعلام لجميع المرشحين وخاصة في الانتخابات الرئاسية. مش محتاج اقول ان ديه من اهم الضمانات لان كل البنود مهمة لكن عايز اقول ان القوانين الخاصة بانشاء وسائل الاعلام من صحف واذاعات وغيرها مهم نبداء بيه لضمان وجود الفرص المتكافئه المنشودة ومش معقول نقعد ننادى بان المرشحين يبقى ليهم فرص متكافئه عن طريق برنامج مصر النهارده مثلاً لازم تلغى اى قيود على العمل الاعلامى بكل وسائله وبعدها كل مرشح هيعرف من نفسه ازاى يستخدم ويوظف الوسائل بتاعته لكن التفسير والتطبيق القديم (زى ما حصل فى انتخابات 2005) وما بعدها ابعد ما يكون عن المطلوب فى البند ده تمكين المصريين في الخارج من ممارسة حقهم في التصويت بالسفارات والقنصليات المصرية. برضو مهم جداً خاصة ان المصريين فى الخارج اغلبهم بيمثلو الطبقة الوسطى وصفوة المتعلمين والمثقفين فى مصر واعتقد ان السماح ليهم ببمارسة حقهم فى التصويت هيقلل من مخاطر القبليه واستخدام المال اللى تاثيرها هيكون فى الداخل طبعاً فيه ناس هتتخوف او هتعمل فزاعة اقباط المهجر او غيرهم ممن يمكن السيطرة عليهم فى الخارج عن طريق اجندات دولية من بتاعة عمر سليمان بس ديه كلها حجج سخيفه مش المفروض تأخذ فى الحسبان لانها فى مجملها تخوين لكل المصريين فى الخارج كفالة حق الترشح في الانتخابات الرئاسية دون قيود تعسفية اتساقاً مع التزامات مصر طبقاً للاتفاقية الدولية للحقوق السياسية والمدنية، وقصر حق الترشح للرئاسة على فترتين. الانتخابات عن طريق الرقم القومي. ويستلزم تحقيق بعض تلك الإجراءات والضمانات تعديل المواد 76 و77 و88 من الدستور في أقرب وقت ممكن. طبعا فيه اركان هامة من البنود ديه (6 -7) جارى اقرارها حسب تعهدات المؤسسة العسكرية لكن لحد دلوقتى مفيش رؤيه واضحة للقيود اللى هتتحط على ترشح المستقلين خاصة مع ضعف شعبيه الاحزاب وكونها مخترقة بالفعل من النظام السابق وانا على عكس ناس كتير شاغله نفسها بنظرية مكان العربة من الحصان والاختلاف حول اولوية الانتخابات الرئاسية او النيابيه والتشريعيه ليه بقى ؟ لان المحددات الخاصة بترشيح المستقلين و صلاحيات مؤسسة الرئاسة هى الفيصل فى تحديد معالم النظام الجديد فلو كانت القيود على المستقلين كبيرة هيبقى التركيز كله على الانتخابات النيابيه والتشريعية لانها هتبقى الممر الرئيسى لكرسى الرئاسة وعلى الجانب الاخر تحديد صلاحيات الرئيس لو هيوصل لدرجة اقامة نظام برلمانى بالمعنى الكامل هتبقى فيه خطورة نشوف رئيس مستقل وسلطة نيابيه لا تدعمة بالشكل الكامل او ما يعرف بالبطة العرجاء فى النظام الامريكى فاحنا لازم نركز فى الدائرة ديه قيود الترشيح وسلطات منصب الرئاسة وده هيوضح بعد التعديلات القائمة حالياً النظام الانتخابى ومقاعد العمال والفلاحين وافتكاسات كوتة المرأه كلها لن تحسم الا مع التعديلات الدستورية القائمة والتعديلات ديه برضو هتستلزم تعديلات تانية فى بعض القوانين اللى بتمثل اليه تطبيق بنود الدستور وكل ده يخلينى اقول ان المعركة الفاصلة والاهم حالياً هى معركة تشريعية فى الاساس ولازم نشحذ طاقتنا ونجهز الراى العام لمناقشة التعديلات اللى هتتم واللى هترسم المرحلة الجاية مرة تانية بعتبر ان ترتيب الانتخابات الرئاسية | النيابيه | التشرعيه | المحليات مش هو الاهم دلوقتى لان الاهم هو النظم والقوانين اللى هتحدد كل ده بس موضوع ان الرئيس يحلف اليمين قدام المجلس النيابى ده بصراحة مستفز اوى لانه شرط شكلى جداً جداً ويا ما رؤساء اقسمو قدام مجلس الشعب وضربو بالشعب ورغباتة عرض الحائط ولو عايزين حاجة شكليه اوضح من حيث المضمون والقيمة يبقى الرئيس يقسم الولاء قدام الشعب نفسه من غير من ينوب عنه خاصة ان الشعب غير النظام من غير من ينوب عنه يبقى يحلف القسم قدامنا كلنا ومش هتفرق اذا كان قدامنا فى ميدان التحرير او حتى من خلال التليفزيون والراديو هتفرق ايه يعنى ؟ بصراحة تمسك المجلس العسكرى بالهيافات ديه هو اللى مخوفنى على مستقبل المرحلة الجاية وسلملى على الفراغ الدستورى اللى كان هيحصل لو كان تنحى الرئيس زى ما كان بيتقال |
رد: نقاش حول اﻹنتخابات القادمة
1. اتفق معاكم تماماً بان محور الخلافات كلها فى الجدول الزمنى واليه إدارة المرحلة الانتقالية
2. النقاط المثارة حالياً كلها تقريباً وزى ما لخصها ا. حازم فى سبعه نقاط هى تقريباً النقاط اللى وقعنا عليها من سنة فى بيان التغيير وانا بالرغم من عدم موافقتى للبرادعى فى بعض المواقف وعدم اقتناعى بيه كرئيس شعبى توافقى لكن مقتنع تماماً بانه فيلسوف الثورة الحالية واطروحاته لها الاثر الاكبر فى تغيير الواقع السياسى السابق فانا هبداء ببنود البيان القديم اولاً إنهاء حالة الطوارئ ممكن ناس تعتبر ان ده خارج السياق لكن القانون ده وغيرة من القوانين والممارسات اللى قضت على الحريات بعتبرها ضمانه اساسية لاى عمل سياسى فى الفترة الجاية مين يضمن ان متحصلش تصفيه لرموز او تيارات معينة تحت مظلة القوانين ديه قبل الانتخابات ؟؟ تمكين القضاء المصرى من الاشراف الكامل على العملية الانتخابية برمتها. ديه من الاولويات اللى مفيهاش تهريج وايا كانت المعوقات لاتمامها لازم تذلل والا يبقى معملناش حاجة الرقابة على الانتخابات من قبل منظمات المجتمع المدنى المحلى والدولى. ده مكمل للبند السابق وحل لمشاكل كتير زى عدم توفر قضاء كافيين فالمفروض منظمات المجتمع المدنى تساعد فى التنظيم والمراقبة وتكون تحت السلطة والتوجيه القضائى والمفروض نستفيد من المنظمات الدولية كاستشارى لنضمن سير العملية التنظمية بناء على ما انتهى اليه الاخرين وده كله هيساعد الامن فى دورة فى حماية العملية الانتخابية والغاء اى لجان تظهر فيها مخالفات وتاجيلها للاعادة بدل ما نخش فى الطعون ومشاكلها وتراكمتها وبالتالى فانا شايف ان اجتماع اليات عمل السلطة القضائية ورقابة المجتمع المدنى والمنظمات الدولية مع وجود الامن هتضمن تناغم وتكامل مهم جداً واساسى لاكتمال العملية الانتخابيه ككل واى تجنيب لواحدة من الجهات ديه هيسبب خلل فى المنظومة ككل توفير فرص متكافئة في وسائل الإعلام لجميع المرشحين وخاصة في الانتخابات الرئاسية. مش محتاج اقول ان ديه من اهم الضمانات لان كل البنود مهمة لكن عايز اقول ان القوانين الخاصة بانشاء وسائل الاعلام من صحف واذاعات وغيرها مهم نبداء بيه لضمان وجود الفرص المتكافئه المنشودة ومش معقول نقعد ننادى بان المرشحين يبقى ليهم فرص متكافئه عن طريق برنامج مصر النهارده مثلاً لازم تلغى اى قيود على العمل الاعلامى بكل وسائله وبعدها كل مرشح هيعرف من نفسه ازاى يستخدم ويوظف الوسائل بتاعته لكن التفسير والتطبيق القديم (زى ما حصل فى انتخابات 2005) وما بعدها ابعد ما يكون عن المطلوب فى البند ده تمكين المصريين في الخارج من ممارسة حقهم في التصويت بالسفارات والقنصليات المصرية. برضو مهم جداً خاصة ان المصريين فى الخارج اغلبهم بيمثلو الطبقة الوسطى وصفوة المتعلمين والمثقفين فى مصر واعتقد ان السماح ليهم ببمارسة حقهم فى التصويت هيقلل من مخاطر القبليه واستخدام المال اللى تاثيرها هيكون فى الداخل طبعاً فيه ناس هتتخوف او هتعمل فزاعة اقباط المهجر او غيرهم ممن يمكن السيطرة عليهم فى الخارج عن طريق اجندات دولية من بتاعة عمر سليمان بس ديه كلها حجج سخيفه مش المفروض تأخذ فى الحسبان لانها فى مجملها تخوين لكل المصريين فى الخارج كفالة حق الترشح في الانتخابات الرئاسية دون قيود تعسفية اتساقاً مع التزامات مصر طبقاً للاتفاقية الدولية للحقوق السياسية والمدنية، وقصر حق الترشح للرئاسة على فترتين. الانتخابات عن طريق الرقم القومي. ويستلزم تحقيق بعض تلك الإجراءات والضمانات تعديل المواد 76 و77 و88 من الدستور في أقرب وقت ممكن. طبعا فيه اركان هامة من البنود ديه (6 -7) جارى اقرارها حسب تعهدات المؤسسة العسكرية لكن لحد دلوقتى مفيش رؤيه واضحة للقيود اللى هتتحط على ترشح المستقلين خاصة مع ضعف شعبيه الاحزاب وكونها مخترقة بالفعل من النظام السابق وانا على عكس ناس كتير شاغله نفسها بنظرية مكان العربة من الحصان والاختلاف حول اولوية الانتخابات الرئاسية او النيابيه والتشريعيه ليه بقى ؟ لان المحددات الخاصة بترشيح المستقلين و صلاحيات مؤسسة الرئاسة هى الفيصل فى تحديد معالم النظام الجديد فلو كانت القيود على المستقلين كبيرة هيبقى التركيز كله على الانتخابات النيابيه والتشريعية لانها هتبقى الممر الرئيسى لكرسى الرئاسة وعلى الجانب الاخر تحديد صلاحيات الرئيس لو هيوصل لدرجة اقامة نظام برلمانى بالمعنى الكامل هتبقى فيه خطورة نشوف رئيس مستقل وسلطة نيابيه لا تدعمة بالشكل الكامل او ما يعرف بالبطة العرجاء فى النظام الامريكى فاحنا لازم نركز فى الدائرة ديه قيود الترشيح وسلطات منصب الرئاسة وده هيوضح بعد التعديلات القائمة حالياً النظام الانتخابى ومقاعد العمال والفلاحين وافتكاسات كوتة المرأه كلها لن تحسم الا مع التعديلات الدستورية القائمة والتعديلات ديه برضو هتستلزم تعديلات تانية فى بعض القوانين اللى بتمثل اليه تطبيق بنود الدستور وكل ده يخلينى اقول ان المعركة الفاصلة والاهم حالياً هى معركة تشريعية فى الاساس ولازم نشحذ طاقتنا ونجهز الراى العام لمناقشة التعديلات اللى هتتم واللى هترسم المرحلة الجاية مرة تانية بعتبر ان ترتيب الانتخابات الرئاسية | النيابيه | التشرعيه | المحليات مش هو الاهم دلوقتى لان الاهم هو النظم والقوانين اللى هتحدد كل ده بس موضوع ان الرئيس يحلف اليمين قدام المجلس النيابى ده بصراحة مستفز اوى لانه شرط شكلى جداً جداً ويا ما رؤساء اقسمو قدام مجلس الشعب وضربو بالشعب ورغباتة عرض الحائط ولو عايزين حاجة شكليه اوضح من حيث المضمون والقيمة يبقى الرئيس يقسم الولاء قدام الشعب نفسه من غير من ينوب عنه خاصة ان الشعب غير النظام من غير من ينوب عنه يبقى يحلف القسم قدامنا كلنا ومش هتفرق اذا كان قدامنا فى ميدان التحرير او حتى من خلال التليفزيون والراديو هتفرق ايه يعنى ؟ بصراحة تمسك المجلس العسكرى بالهيافات ديه هو اللى مخوفنى على مستقبل المرحلة الجاية وسلملى على الفراغ الدستورى اللى كان هيحصل لو كان تنحى الرئيس زى ما كان بيتقال |
رد: نقاش حول اﻹنتخابات القادمة
انا ميال اكتر للفتره الانتقاليه ...
ولو الجيش عليه ضغوط لتسريع العمليه ممكن تكون من خلال لجنه رئاسيه او لجنه حكماء او بالتعاون مع المجلس الاعلا للقوات المسلحه .. او حتى فرد لا يتم اعاده ترشيحه من احد الرموز اللي ليهم شعبيه من خلال المفاضله بينهم ( عمرو موسى - احمد زويل - الجنزوري- البرادعي - ... ) وبرغم ان المجلس الاعلى كل يوم بيثبت انهم على درايه كامله بكل الامور ... ومعدل التغيير متوازن ... وبالتالي ممكن خلال شهور نلاقي الامور مناسبه تشريعيا وتنظيميا للانتخابات لكن المشكله الاكبر اننا محتاجين وقت وقت علشان تظهر فيه احزاب ليها برامج و توجهات و الناس تتعرف عليها وقت علشان نقضي على رؤوس و ذيول و ارجل و اعين الفساد .. للاسف الفساد مستشري رأسيا و افقيا ... لو قضينا على القيادات الفاسده فقط .. حتطلع رؤوس جديده ... لازم اباده تامه ودي حتاخد وقت شئنا ام ابينا ووقت لينا احنا علشان نبتدي نستوعب و ندرك الامور ... احنا بقالنا سنين مغيبين سياسيا و فكريا .... دا اللي بيصوم يوم لو اكل الاكل كله مره واحده يتعب ... لازم ناخد فرصتنا لننضج فكريا ... في ناس كتير على وعي وادراك ... لكن بتكلم عن عموم الناس اللي حتروح تنتخب بالرقم القومي انا شخصيا عمري ما انتخبت قبل كده ... و لا حتى انتخابات النادي ... التجربه نفسها جديده عليا وطبعا محتاجين وقت للناس اللي لسه مش مستوعبه الثوره و مرتبطه عاطفيا بالرئيس السابق الرمز الكبير ... و مقتنعين اننا عايشين في فوضى و خربنا على نفسنا ... لأنهم بالمنطق ده مع اول انتخابات حيدوروا على شخصيه الزعيم الديكتاتور الرمز الكبير هما مش كتير ... لكن احنا محتاجين وقت علشان نندمج في نقاط طبعا لا خلاف فيها ... الاشراف القضائي - الغاء البطاقات الانتخابيه - الغاء نسب العمال و الفلاحين الغاء حاله الطوارئ في اقرب وقت ممكن الرقابه الدوليه مش عيب و لا حرام ... دا اذا كنا بنجيب حكام اجانب لماتشات الكوره !!!! لكن طبعا النظام السابق مكنش عايز حد من بره يجي يفضح التزوير و التلاعب عيني عينك موضوع البرلمان الاول و لا الرئيس .. يحلف اليمين و لا يحلف بالطلاق .. مجرد شكليات متفرقش معايا ... احنا دلوقتي في شرعيه ثوريه ... انا بس نفسي يكون في دستور كامل وحقيقي قبل اجراء انتخابات الرئاسه ... علشان منرجعش بعد دوره و لا اتنين نقول تعديلات دستوريه و واستفتاء وكأنك يا ابوزيد ما غزيت في حاجه نفسي فيها غريبه شويه ... وضع وزاره الداخليه تحت الاشراف العام للقوات المسلحه ... او وزاره العدل ... لفتره من الزمن الظاهر ان اللي بيدخل كليه شرطه فاكر نفسه بجد بيتخرج باشا !!! فواضح كده ان الباشوات لسه مش مستوعبين معنى تغيير الشعار من الشرطه في خدمه النظام الي الشرطه في خدمه الشعب وعندهم حاله انفصام ممكن يبقوا يطلعوا طلبه اكاديميه الشرطه بعثه للكليه الحربيه او يدوهم قرص مكثف عن دور الشرطه الحقيقي يمسحوا بيه غسيل المخ اللي حصلهم في كليتهم لكن في النهايه انا واثق في المجلس الاعلا للقوات المسلحه .. كل يوم بيثبتوا انهم فعلا على قدر المسئوليه و الحكمه و الاستيعاب الكامل للرغبات المشروعه للشعب المصري |
رد: نقاش حول اﻹنتخابات القادمة
انا مش مع ان انتخابات رئاسية او برلمانية فى الوقت القريب
يا جماعة الثورة دلوقتى زى المولود فى مراحله الاولى يجب ان يتم رعايته بالدرجة الاولى قبل ما نفكر هيروح مدرسة ايه اوهيطلع ايه لما يكبر وبالتالى انا مع فترة انتقالية كافية حتى يشتد عود الثورة وانا كمان متفق مع راى الدكتور كمال فى ان أى انتخابات برلمانية قادمة هينط عليها فلول النظام السابق ( واللى هيدعوا انهم مع الثورة) وبالتالى بدل ما كان عندنا كفار ( عفوا فى اللفظ ) عارفينهم وشايفينهم سيبصح عندنا المنافقين ودول أسخم واضل سبيل لازم قبل اى شيء ان يتم تغيير مواد الدستور بالكامل وعمل دستور جديد للبلاد على رأى الدكتور علاء الأسوانى احنا مش بنعمل ثورة كل يوم واحب اعلق على بعض النقاط اللى ذكرها الأستاذ حازم : ما هو النظام اﻹنتخابى الذى ستجرى على أساسه اﻹنتخابات؟ رغم انى بفضل النظام الفردى الا ان نظام القائمة هو الأفضل فى المرحلة الحالية والسنوات القادمة ....ليه ؟ لأن الاختيار سيكون من خلال برامج واضحة للأحزاب والنخب السياسية وسيجنبنا مشكلة التكتل العائلى والعشائرية والنفوذ المالى للمرشح والذى يلقى بشبهات حول نزاهة الانتخابات اﻹشراف القضائى طبعا انا مع الاشراف القضائى الكامل والشامل بمعنى الإشراف الكامل والشامل بدون اى مشاركة من اطراف اخرى سواء حكومية او اهلية حتى لو يتم عمل الانتخابات على سبعة مراحل مش تلاته بس الجداول اﻹنتخابية فعلا بطاقة الرقم القومى كافية جدا وبدل ما نتعب انفسنا فى عمل جداول جديدة او تنقية القديمة الحل جاهز وبسيط فى الانتخاب بالرقم القومى ضعف اﻷحزاب الوضع الحالى للأحزاب لا يسر عدو ولا حبيب لكن مع مدة انتقالية كافية كل حزب ممكن يعيد ترتيب اوراقه وتجهيز نفسه بجد للحياة السياسية كمان نعطى فرصة للأحزاب الجديدة التى سيتم انشائها ان تأخذ فرصتها فى تقديم نفسها للشعب نسبة العمال و الفلاحين دى المفروض تتلغى من قاموس الحياة السياسية وانا بقترح فى انتخابات برلمانية مستقبلية ان يتم وضع شرط حصول المرشح لعضوية مجلس الشعب على دورة تدريبية برلمانية حتى يصبح العضو قادر على مناقشة الكثير من امور الدولة والا بالله عليكوا ازاى اجيب واحد عامل او فلاح وكل اللى يعرفه عن مجلس الشعب ان يمضى اوراق وقرارات من الوزراء لأهل دايرته ولا يعلم ازاى يناقش الموازنه العامة او مناقشة طرح القوانين ....من الآخر ازى اجيب واحد جاهل يقنن للشعب اموره الرقابة الدولية يا سلام لو فيه رقابة دولية تنقل بصدق العملية الإنتخابية برمتها للعالم اجمع سيكون هذا اكبر مكسب للثورة على المستوى الدولى انا شايف لا يوجد اى مانع من رقابة دولية سواء من هيئات حكومية , منظمات خاصة او حتى افراد معروفين بمصداقيتهم دوليا ونقطة ان دى بتمس الأمن القومى دى حجة كان يرددها المسئولين فى النظام القديم لإخفاء التزوير وبالبلدى كده ما دمت بتعمل كل حاجة فى النور هتخاف من ايه |
رد: نقاش حول اﻹنتخابات القادمة
انا متفق معاك يا استاذ سام رام وبصراحة فى الوقت الحالى الخيش ماشى تمام جدا وبيحاول يرضى الناس على قد ميقدر وربنا يكرمنا بحاكم كويس يحكم بما يرضى ربنا
|
رد: نقاش حول اﻹنتخابات القادمة
إحنا محتاجين فعلا
لناس نفوسها نقيه سواء رئيس أو مجالس شعبيه أسأل الله أن يوفقنا لإختيار الأنقياء وكفايه علينا أوى ماحدث فى الأعوام الباليه السابقه _____________________ طبعا لازم كمان من توافر حاكم عنده ضمير ويتقى الله فينا ومحكوم ( أى نحن ) نتقى الله فى كل أعمالنا فلكى تنجح مصر فى المرحله القادمه فلابد من توافر سياسه جديده سواء فى أعمال الحاكم أو المحكوم |
| الساعة الآن 01:34 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017