|
رد: ابنه الشاذلى تكشف اسرار محاكمتة واضطهادة وايامة الاخيرة
الله عليك يا عم خالد بس كنت عايزك تعلق علي كلام بنته ايه رائيك فيه
|
رد: ابنه الشاذلى تكشف اسرار محاكمتة واضطهادة وايامة الاخيرة
كلام بنته مكمل لكلامى فى المقال او العكس......... بس هيا انكسفت تقول انه هرب الى الجزائر بجواز سفر مضروب بمساعدة سفارة عربية فى فرنسا تقريبا رغم انه كان سفيرنا فى البرتغال وقتها
ورغم انه هو حكى الحكاية دى فى كتابه وم انكسفش منها وهو مش عيب برضه لانه حاسس بمؤامرة وكان لازم يزوغ منها وانا احييى هذا الرجل على صدقه وشجاعته وطبعا لم يذكر اسم السفارة علشان م يعملش مشكلة بين الدولة دى ومصر وان كنت اظن انها سفارة الجزائر فى فرنسا لانه مشى من هناك على الجزائر وخصوصا ان العلاقة بين السادات وهوارى بومدين كانت سيئة من قبل الحرب وطبعا لن يحاول السادات ان يتصل بالجزائريين لانه عارف انهم هيرفضو تسليمه وهو كان اصلا يريده بعيدا عن مصر لكن السادات ورغم خلافه مع الشاذلى لم يحاول خنقه او التضييق عليه كما فعل الطاغية مبارك لانه كان يحاول دفن التاريخ غبى لايعلم ان التاريخ لايمكن دفنه والتهريجة بتاعة الضربة الجوية ولا كان له أى دور فيها .......الخطة اتحطت وراحت له ولم يعلم بميعاد الحرب الا قبلها ب3 ايام ولم يشارك فى خطة الحرب اصلا عرفت ليه بقى كتابه كان ممنوع دخوله مصر ؟؟؟؟؟؟؟ لان الناس هتعرف ان بطل الضربة الجوية اللى طلع فى التليفزيون يقول خططنا ونجحنا وهرش المخ ده لم يكن يعلم بموعد الحرب الا قبلها ب 3 ايام وقادة الوحدات لم يعلموا بموعد الحرب الا قبلها بيوم بالليل والجنود لم يعلموا الا قبل الضربة الجوية بنص ساعة يعنى الساعة1:30 الضهر ملحوظة (طبعا لانبخس مبارك حقه فى قيادته للقوات الجوية اثناء الحرب كقائد عسكرى وانه حارب مثل كل الأبطال الذين حاربو فى اكتوبر لكن الزيادة بتاعة الضربة الجوية والتخطيط ووجع القلب ده .......هيا أساس الخلاف معاه ثم حكمه كله طبعا) ونرجع لكلام الشاذلى هذا الكلام بناء على كلام الشاذلى نفسه فى كتابه العظيم (مذكرات حرب اكتوبر ) وانا اصدقه لانه كان عسكريا صرفا والاهم انه لم يكذب والا كان ظهر من خلال كلامه فى الكتاب وحلقات شاهد على العصر مع احمد منصور وحتى لما سافر بجواز مضروب قالها ولم يخفيها رغم ان احدا لم يسأله عليها وده احد ادلة صدقه |
رد: ابنه الشاذلى تكشف اسرار محاكمتة واضطهادة وايامة الاخيرة
وادي حسنى اخذ جزائه
|
رد: ابنه الشاذلى تكشف اسرار محاكمتة واضطهادة وايامة الاخيرة
الخالدون يبقون بأعمالهم الى يوم الدين........
|
رد: ابنه الشاذلى تكشف اسرار محاكمتة واضطهادة وايامة الاخيرة
بداية قبل التعليق على الكلام المذكور في الموضوع
احب اوجة تحية للفريق الشاذلي لانة بطل من ابطال حرب اكتوبر العظام بس برضة مانحاولش نرفع فية الى سابع سما عندا في مبارك اللي بنحاول نخسف بية لسابع ارض حاجة كمان احنا الشعب السبب في اي حاجة اتقالت عن حكامنا مهما كانو بمعنى لما توصل لمذيع تليفزيوني قديم وكبير رحمة الله انة يقول للرئيس السادات انه مفجر ثورة يوليو مثلا (المذيع دا احمد سمير ) او ان مبارك قائد النصر في اكتوبر او ...كذا....كذا وبرضة ماننكرش ان الخطة اللي حاربنا بيها في حرب اكتوبر نفذها الفريق الشاذلي ولكن الذي وضعها من الاصل كان الشهيد عبدالمنعم رياض رئيس الاركان اللي استشهد في ميدان المعركة لو فرضنا ان السادات كان اختار محمد على فهمى مثلا قائد قوات الدفاع الجوي في اكتوبر نائبا له بدلا من مبارك كنا برضة بدل من نغني اول طلعة جوية فتحت باب الحرية كنا حنقول يا حائط الصواريخ ياللي واقف في وش الريح كدا يعني بمعني احنا اللي بنكبر واحنا اللي بنصغر سؤال اخير...قادة حرب اكتوبر كلهم بما فيهم المشير احمد اسماعيل ولا محمد على فهمي او الجمصي كل دول ماقدروش يقولو للسادات بم وانه غلطان ليه اشمعني الشاذلي بس هو اللي عارض بمعني هل اللي عارض هو اللي صح ولية ماحدش حتى عارض زية ساعتها من القادة دول |
رد: ابنه الشاذلى تكشف اسرار محاكمتة واضطهادة وايامة الاخيرة
واضح ان كلامك من الذاكرة وفاهم اننا متحيزين ضد مبارك مع انى قايل فى كلامى اننا يجب الا نبخس مبارك حقه فى انه واحد من ابطال الحرب
لكن واضح انك لم تقرأ كلامى جيدا.......ولم تقرأ تاريخ الحرب وبداية نوضح ان الفريق عبد المنعم رياض توفاه الله عام 1969 ولم توضع خطة حرب اكتوبر الا قبل الحرب بعدة شهور وتحديدا فى مارس 1973 حين تم الاتفاق النهائى على ان يكون موعد الحرب خلال هذا العام ولكن لم يتم تحديد الموعد بدقة الا قبلها بشهر تقريبا ولم يعرف موعدها الا السادات والشاذلى والفريق احمد اسماعيل على والعماد / مصطفى طلاس وزير الدفاع السورى والرئيس السورى حافظ الأسد فـقط وأما جملة ان السادات مفجر ثورة يوليو والتى قالها المذيع احمد سمير فواضح انك جبت المعلومة دى من موسوعة ويكبيديا المليئة بالاخطاء لان أصغر طفل في مصر وقت ان كان احمد سمير حيا يرزق يعرف ان عبد الناصر هو صاحب ثورة يوليو رغم انه استولى عليها وهذا حديث أخر وبالتالى لايعقل ان يقولها مذيع فى قامة احمد سمير وطبعا واضح انك لاتعرف احمد سمير لكن انا شخصيا كنت انتظر نشرة اخبار الساعة 9 مساء لاسمع لغته العربية السليمة واحترامه للمشاهد وهذه السقطة لايقع فيها احمد سمير وهو راجل فاهم ومثـقـف وقارىء جيد والشاذلى عارض لانه كان رئيس الأركان وقت الحرب وكانت مسئوليته لان احمد اسماعيل كان يعتبر شبه تابع للسادات ويسمع كلامه فى كل شىء وهو شىء معروف وأما الجمسى فكان رئيس عمليات اثناء الحرب أى ان الشاذلى كان أعلى منه فى الرتبة ويرأسه وحين احتدم الخلاف بين السادات والشاذلى اتخذ هو موقف الحياد ولذلك فى المفاوضات على الثغرة من المفروض ان يذهب رئيس الأركان ولكن السادات اختار الجمسى رئيس العمليات وفى تكريم أبطال الحرب فى الجلسة الشهيرة بمجلس الشعب تم تكريم الكل ماعدا الشاذلى بسبب اعتراضه على الثغرة وهو لم يعترض بالمعنى اللى انت فاهمه والذى يدل عليه كلامك وانما اقترح خطة للقضاء على الثغرة ورفضها السادات لان الخطة كانت تعتمد على رجوع فرقة الحرس الجمهورى التى عبرت الى شرق القناة وعودتها مرة اخرى الى غرب القناة وهو مارفضه السادات لان العالم سيعتبره انسحابا والجنود معهم اجهزة راديو وتلتقط ارسال الاذاعات الاجنبية فى منطقة غرب القناة ويمكن التأثير عليهم وخصوصا ان كثيرا منهم خاض حرب 67 والتى لم يهزم مثلها اى جيش فى التاريخ بسبب الخيبة التقيلة لناصر وعامر سوا وهذا موضوع أخر وخاف السادات ان يسمع الجنود ان قوات من الجيش تنسحب فتؤثر على روحهم المعنوية بالأضافة الى الاستغلال السياسى لهذا الرجوع ولكن الشاذلى كان ينظر لها بنظرة عسكرية بحتة ملحوظة صغيرة لم تحدث الثغرة فى يوم وليلة بل استمر الجدل بين السادات والشاذلى لمدة 8 أيام وكان فى كل مرة يتم تنفيذ كلام السادات بصفته القائد الأعلى للقوات المسلحة وهى وظيفة اخترعها السادات للسيطرة على القوات المسلحة وجعلها فى يده عند اللزوم ثم اضطر الجميع للتفاوض مع اسرائيل بعد يوم 23 اكتوبر 73 وهو مادعا العالم يعتقد ان اسرائيل فازت فى الحرب لان اليهود عملو دعاية كبيرة على انهم هم المنتصرين والمصريين بيجرو....... وراهم وهو ماكان يخشاه الشاذلى وبسبب الحكاية دى واستغلال اليهود لها فى الدعاية لأنفسهم بينما نحن لانجيد فن الدعاية..........فتجد بعض الناس يسفه من قيمة نصر اكتوبر وأخرين يعتقدون اننا هزمنا وانا اعتقد ان الشاذلى كان على حق لان الله يقول فى كتابه العزيز (ومن يولهم يومئذ دبره ألا متحرفا لقتال أو متحيزا الى فئة فقد باء بغضب من الله ومأواه جهنم وبئس المصير ) صدق الله العظيم ومابين السياسة والحرب افترق الصديقان الشاذلى والسادات نرجو التثبت من المعلومات قبل ذكرها وخصوصا ان ويكبيديا مصدر لايعتمد عليه لانه مكتوب بأيدى الناس اى ناس ممكن متخصصين وممكن مش فاهمين ولاحاجة فحذارى من ويكبيديا |
رد: ابنه الشاذلى تكشف اسرار محاكمتة واضطهادة وايامة الاخيرة
[QUOTE=خالدخليفة;364482]واضح ان كلامك من الذاكرة وفاهم اننا متحيزين ضد مبارك مع انى قايل فى كلامى اننا يجب الا نبخس مبارك حقه فى انه واحد من ابطال الحرب
لكن واضح انك لم تقرأ كلامى جيدا.......ولم تقرأ تاريخ الحرب وبداية نوضح ان الفريق عبد المنعم رياض توفاه الله عام 1969 ولم توضع خطة حرب اكتوبر الا قبل الحرب بعدة شهور وتحديدا فى مارس 1973 حين تم الاتفاق النهائى على ان يكون موعد الحرب خلال هذا العام ولكن لم يتم تحديد الموعد بدقة الا قبلها بشهر تقريبا ولم يعرف موعدها الا السادات والشاذلى والفريق احمد اسماعيل على والعماد / مصطفى طلاس وزير الدفاع السورى والرئيس السورى حافظ الأسد فـقط عفوا كلامي ليس من الذاكرة ثانيا مع احترامي لكلامك انا ماقلتش موعد الحرب انا قلت الخطة الرئيسية للحرب ودي مش بتتحط في يوم وليلة يعني مش محطوطة في مارس زي ماحضرتك قولت الجيش عمل تدريب عليها اكتر من 20 تدريب طوال ال 6 سنين السابقة للحرب ودي كانت من خطة الخداع الاستراتيجية ان كل شوية يحصل تدريب فأسرائيل تقوم بالتعبئة لصد الهجوم المحتمل وفي الاخر يطلع تدريب فقط فكان محصلة دا خسارة اسرائيل مبالغ رهيبة نتيجة التعبئة الاونطة وتطلع على فشوش ودا اللي ماخلاهاش تلحق تستدعي الاحتياط الا بعد قيام الحرب كلامي معناة ان الخطة الاساسية وضعت بمعرفة الشهيد عبد المنعم رياض وأما جملة ان السادات مفجر ثورة يوليو والتى قالها المذيع احمد سمير فواضح انك جبت المعلومة دى من موسوعة ويكبيديا المليئة بالاخطاء لان أصغر طفل في مصر وقت ان كان احمد سمير حيا يرزق يعرف ان عبد الناصر هو صاحب ثورة يوليو رغم انه استولى عليها وهذا حديث أخر وبالتالى لايعقل ان يقولها مذيع فى قامة احمد سمير وطبعا واضح انك لاتعرف احمد سمير لكن انا شخصيا كنت انتظر نشرة اخبار الساعة 9 مساء لاسمع لغته العربية السليمة واحترامه للمشاهد وهذه السقطة لايقع فيها احمد سمير وهو راجل فاهم ومثـقـف وقارىء جيد لا والله يا اخي لا انا ماجبتش المعلومة من ويكيبديا ولكن سمعتها بام اذني من فمة شخصيا وكمان افكر سيادتك بانة هو اول من اطلق لفظ الزعيم على الرئيس السابق حسنى مبارك وانا اعرف واعي جيدا من هو احمد سمير واعرف زوجتة سهير شلبي المذيعة وكنت اشاهد نهاية الاسبوع يوم الجمعه اللي كان بيقدمة مش نشرة 9 بس والشاذلى عارض لانه كان رئيس الأركان وقت الحرب وكانت مسئوليته لان احمد اسماعيل كان يعتبر شبه تابع للسادات ويسمع كلامه فى كل شىء وهو شىء معروف !!!!!!!!!!!!!!!!!!!!!!!!! !!!!!!!!!!!!!!!!!!!!!!!!! !!!!!!!!!!!!!!! وأما الجمسى فكان رئيس عمليات اثناء الحرب أى ان الشاذلى كان أعلى منه فى الرتبة ويرأسه وحين احتدم الخلاف بين السادات والشاذلى اتخذ هو موقف الحياد ولذلك فى المفاوضات على الثغرة من المفروض ان يذهب رئيس الأركان ولكن السادات اختار الجمسى رئيس العمليات وفى تكريم أبطال الحرب فى الجلسة الشهيرة بمجلس الشعب تم تكريم الكل ماعدا الشاذلى بسبب اعتراضه على الثغرة وهو لم يعترض بالمعنى اللى انت فاهمه والذى يدل عليه كلامك وانما اقترح خطة للقضاء على الثغرة ورفضها السادات لان الخطة كانت تعتمد على رجوع فرقة الحرس الجمهورى التى عبرت الى شرق القناة وعودتها مرة اخرى الى غرب القناة وهو مارفضه السادات لان العالم سيعتبره انسحابا والجنود معهم اجهزة راديو وتلتقط ارسال الاذاعات الاجنبية فى منطقة غرب القناة ويمكن التأثير عليهم وخصوصا ان كثيرا منهم خاض حرب 67 والتى لم يهزم مثلها اى جيش فى التاريخ بسبب الخيبة التقيلة لناصر وعامر سوا وهذا موضوع أخر وخاف السادات ان يسمع الجنود ان قوات من الجيش تنسحب فتؤثر على روحهم المعنوية بالأضافة الى الاستغلال السياسى لهذا الرجوع ولكن الشاذلى كان ينظر لها بنظرة عسكرية بحتة بغض النظر عن صحة كلام حضرتك انا قولت ان الشاذلي من الممكن انه يخطأ كأي انسان اخر وبعدين انت بتقول السادات ماكرموش ازاي وبنتة قالت في الحديث ان السادات كرمة واعطي له نجمة سيناء واخذها منه مبارك ...يبقى ازاي ماكرموش...بدليل انة خلاة سفير في البرتغال ملحوظة صغيرة لم تحدث الثغرة فى يوم وليلة بل استمر الجدل بين السادات والشاذلى لمدة 8 أيام وكان فى كل مرة يتم تنفيذ كلام السادات بصفته القائد الأعلى للقوات المسلحة وهى وظيفة اخترعها السادات للسيطرة على القوات المسلحة وجعلها فى يده عند اللزوم على فكرة دي منصوص عليها في الدستور المصري بان الرئيس اي رئيس هو رئيس المجلس الاعلى للجيش وللشرطة وللقضاء.... ثم اضطر الجميع للتفاوض مع اسرائيل بعد يوم 23 اكتوبر 73 وهو مادعا العالم يعتقد ان اسرائيل فازت فى الحرب لان اليهود عملو دعاية كبيرة على انهم هم المنتصرين والمصريين بيجرو....... وراهم وهو ماكان يخشاه الشاذلى وبسبب الحكاية دى واستغلال اليهود لها فى الدعاية لأنفسهم بينما نحن لانجيد فن الدعاية..........فتجد بعض الناس يسفه من قيمة نصر اكتوبر وأخرين يعتقدون اننا هزمنا وانا اعتقد ان الشاذلى كان على حق رايك وانت حر فية سواء خطأ او صحيح لان الله يقول فى كتابه العزيز (ومن يولهم يومئذ دبره [COLOR=Red]ألا [COLOR=Black]متحرفا لقتال أو متحيزا الى فئة فقد باء بغضب من الله ومأواه جهنم وبئس المصير ) صدق الله العظيم ومابين السياسة والحرب افترق الصديقان الشاذلى والسادات نرجو التثبت من المعلومات قبل ذكرها وخصوصا ان ويكبيديا مصدر لايعتمد عليه لانه مكتوب بأيدى الناس اى ناس ممكن متخصصين وممكن مش فاهمين ولاحاجة فحذارى من ويكبيديا اشكرك على تحذيرك الغالي بس انا عارف ان ويكيبيديا ماهي الا موسوعه عالمية الناس اي ناس ممكن تكتب وتضيف عليها كمان يعني معلوماتها مش مؤكدة 100% ثق تماما اني اعتمد على معلومات اما عاصرتها او شوفتها او قريت عنها في مراجع ثقة |
| الساعة الآن 09:04 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017