رد: في رأيك هل يمكن إصلاح جهاز الشرطة بقيادته الحالية
 

بس انا حاقولك رائى بصفتى للاسف موظف مدنى بالجوازات
وانا باقول للاسف لانى الموظف المدنى فى الداخليه بيعامل كانه درجه تانيه وحيفضل طول عمره درجه تانيه وانا بقصد بالتعامل هنا هو التعامل مع القيادات العليا اللى فوق اوى يعنى على سبيل المثال
مستحيل انهم يسبيوا قسم الجوازات عندنا من غير ظابط حتى لوكان ملازم اول كأن الظباط ملايكه واحنا شياطين بنستغل اى فرصه للرشوه والفساد
كان ليا مشكله اوطلب عندهم مكنتشى عارف ادخل المكتب حتى علشان اعرض مشكلتى ومحدشى راضى يقابلنى لدرجة انهم كرهونى فى نفسى والعيشه اللى عايشها وفكرت استقيل واغور من وشهم
من النهايه بيعتبروا نفسهم حاجه تانيه غير البشر اللى احنا نعرفها
ده بالنسبه للناس اللى فوق منهم فى المناصب القياديه
اما رئيسك المباشر فالوضع هنا مختلف تماما يعنى بصراحه فى مكتبنا وفى معظم المكاتب وليس كلها يوجد ظباط محترمين بجد وعايشين عيشة اهلهم على راى المثل ولا عنطظه ولا اى استفزاز منهم وبتتعامل معاهم الند بالند خصوصا ان انا اول لما دخلت الشغل عملت حاجز بينى وبينهم والتزمت باقصى درجه ودية اصلا طبيعه فيا علشان ماديش لحد فرصه انه يغلط فيا لاى سبب لانى عصبى ومش حاقدر استحمله وممكن اعمل مصيبه معاه ودية حصلت بالفعل مع نقيب كان منتدب عندنا وحب يرسم الدور وكانت حتحصل كارثه بينى وبينه لولا انهم لحقونا وسلكونا من بعض بالعافيه
الخلاصه ان انا اول لما اتعينت كنت مفكر ان الظباط دول كلهم ولاد تيت لكن بالامانه قابلت ناس فيهم بمنتهى الاخلاق والامانه والشرف وبيموتوا فى شغلهم وبيعاملوا الناس بطريقه كويسه جدا جدا رغم ان عندنا ناس كتير بتيجى المكتب والشغل بيبقى زحمه ومعظمهم من الارياف وبصراحه التعامل معاهم متعب جدا لانهم من غير تعليم وعقليتهم محدوده جدا
ونفس الكلام ينطبق على الامناء والافراد برده قابلت ناس منهم فى منتهى الاخلاق وطبعا فيه ناس برده فاسده
فكل مكان فيه الكويس والوحش ومش كل الشرطه او معظمها فاسد زى ما انتوا فاكرين وبدليل الظباط والامناء اللى ماتوا وهما بيحاولوا يمنعوا المساجين من الهرب فى بعض السجون وضحوا بحياتهم علشان خاطر يحموا البلد

لازم نبقى متفائلين ونتعاون مع بعض لان العيشه من غير شرطه وامن ونظام مستحيل تنفع
الشرطه نتاج من المجتمع بتاعنا مش حاجه جايه من الفضاء الخارجى

وانا شايف انهم يغيروا اللبس بتاعهم لان بصراحه الناس كرهته ويعملولهم اعداد نفسى وتدريب لطريقه تعامل لائقه بالمواطن ودية مش كل الشرطه محتاجاها ولكن البعض والموضوع ده المفروض يبدا اساسا من الكليه مش بعد التخرج وده لان فيه ناس منهم مابتعرفشى تميز بين التعامل مع البلطجى والمواطن الشريف وكله عندها واحد وهى دية المشكله
ويجعله عامر :fun_36_3_3[1]:

رد: في رأيك هل يمكن إصلاح جهاز الشرطة بقيادته الحالية
 

رد: في رأيك هل يمكن إصلاح جهاز الشرطة بقيادته الحالية
 

والله يا أستاذ مصطفي كلامك جميل وفيه شي من العملية والإيجابية .... هاقولك إيه إللي عجبني في كلامك

- أولا للقادة الموجدين حاليا أو الرتب الأدني إللي ليها إتصال بالجمهور يعاد تأهليها بطريقة ما لفن التعامل مع الشعب ... طبعا إحنا بنتكلم عن الفئة إللي عندها قابلية لذلك

- ثانيا البداية تبدأ من كلية الشرطة وطبيعة ونوعية المواد التي تدرس لهؤلاء الطلبة قبل أن يصيرو ضباطا (بشرط ما يكنوش داخلينها بالكوسة عشان ولاد أكابر )

ثالثا تغيير الزي الرسمي الحالي للشرطة لإنه إرتبط بسوء معاملتهم للشعب من كل لون

يعني تغيير المظهر والمفاهيم وإسلوب التربية العسكرية بدء من طلبة كلية الشرطة حتي لما بعد التعين

علي أي حال محاولة جيده للتفاؤل...شكرا ليك 444546

رد: في رأيك هل يمكن إصلاح جهاز الشرطة بقيادته الحالية
 

العفو يا استاذ خالد موضوعك فعلا مفيد ومحتاج نقاش
بس اكبر مشكله بتقابل الشرطه حاليا هى انه السيد حبيب العادلى اللى جمع 8 مليار جنيه فى 13 عام من دمنا ودم الشعب وكان لما يديى مكافاه للموظف فى العيد يديله اتنين جنيه الا ربع (ايوه ومش عاوزك تستغرب ) الكلام ده حصل مره مش فاكر فى اى مناسبه بالضبط وده طبعا علشان يعرف يلم المليار السادس والسابع وهكذا دمر تقريبا كل القيادات الشريفه فى الشرطه وطلعهم معاش وابقى علفى الفاسدين من رجالته فقط اللى بيتحاكموا معاه الان واكيد فى العديد منهم متدارى ومحدش حيوصله
ده غير ان الظابط اللى طلع يجرى من الناس والناس مسكته وضربته مستحيل حترجعله الهيبه تانى او انه حتى يحاول يرجع تانى لو حتديله فلوس الدنيا فلازم الوزير يغير كل الاماكن ويعمل حركة تنقلات واسعه علشان يغير الوجوه
وسمعت ان العديد منهم عاوز يقدم استقالته وميرجعشى تانى
يعنى بصراحه الوزير ده امامه مهمه صعبه جدا وربنا يكون فى عونه لان الشرطه امام مفترق تاريخى فى حياتها ولازم ترجعلها الهيبه تانى علشان الناس تعيش فى امان من البلطجيه والصيع

رد: في رأيك هل يمكن إصلاح جهاز الشرطة بقيادته الحالية
 

مش عارف ليه والله يا أبو حميد أنا شايف نفس رأي الضابط المستقيل ده .... لما المرض ينتشر في النخل بيتقطع لأنه لايثمر وبيعدي غيره ... ولما الصدأ ياكل الحديد ما ينفعش تعمله سلم يشيلك
وده جهاز تاريخه زفت في عمر جميع حكام الشعب المصري من أيام الملك والثورة والبوليس السياسي حتي عهد حسني الطاغية مع تغيير المسمي فقط إلي مباحث أمن الدولة ... والحقيقة أن هذا الجهاز ما كان يوما للحفاظ علي أمن الشعب بل للمحافظة علي أمن كراسي الحكام وقهر المعارضين ثم توحشوا حتي أصبح هدفهم قهر الشعب وإزلاله..... جهاز تاريخه زفت ...إغتيالات وتلفيقات وإعدامات وتجارة مخدرات ونهب ثروات الشعب .... فكان لابد من يميزهم الحكام الفسده عن سائر فئات الشعب حتي يضمنوا ولائهم ففي الوقت الذي لا يجد الفقير فيه مستشفي تعالجه بمهنية وتكلفة بسيطه كانت مستشفيات وأندية الشرطه لأولاد الأكابر كأنهم فئة وطينة أخري غير الشعب المصري
أما إقتراح تسريح كل الجهاز فهذا إقتراح له مخاطره علي المجتمع فهؤلاء شابهوا عتاة المجرمين في قساوة القلب والإستعداد للإنحراف إلا ما رحمه الله منهم وعنده وازع من دينه

ياريت تقولنا الإقتراحات الأخري والأفكار التي تملكها حتي نتبادل الثقافة والمعرفة ونعرف بماذا نطالب لصالح مصر :fun_36_3_3[1]:

رد: في رأيك هل يمكن إصلاح جهاز الشرطة بقيادته الحالية
 

والله عندك حق ضيعوا كرامة الشعب وأزلوه فأطاح الشعب بكرامتهم وأزلهم .... تم كسر وتحطيم كبر وجبروت وتوحش هذا الجهاز الفاشل .... وأعتقد إللي ها يستقيل فيهم ده الشريف لأن الحقير والوضيع من الناس بيبيع دوره القذر للي يدفع ... والزمن القادم بعد ثورتنا مظنش ها نسمح حد يدفع لهؤلاء البلطجية:w6w2005041122363 76d:w6w200504112236376d

الله يكون في عون الشعب ده .... (إن الطاغية لا ينزل من السماء علي الناس بل صنعه المنافقين والمداهنين واللصوص ... )

رد: في رأيك هل يمكن إصلاح جهاز الشرطة بقيادته الحالية
 

والله حاسس ان هما عاملين مظاهرات دلوقت و بيطالبوا بزيادة المرتبات علشان حاسين ان الفترة الجاية موش هيعرفوا يلموا اتاوات ولا رشاوي و الكل هيف لهم بالمرصاد و رأيي إنشاء جهاز رقابي يكون متخصص في مراقبة و استقبال الشكاوي و اتخاذ اجراءات صارمة ضد اي مخالفة و لو عايزين عقاب صارم يبقي اي ضابط هيعمل مخالفة اللي هيتحاكم وزير الداخلية
العقاب ده هيخلي كل قيادات الشرطة مرعوبة و مراقبة اللي تحتها كويس جدااااااا