المشاركة الأصلية كتبت بواسطة sam ram (المشاركة 350840)

الليه ينور عليك يا ابو حميد ...
على فكره انا متابع قناه الجزيره
ومش باخد باي كلام يقولوه ... بشوف و بفكر
وبيني وبينك ... الصوره خير معبر ... وخير دليل .. ومش محتاجه تعليق
يعني كفايه ان الواد يقفل الصوت و يتفرج و يشغل دماغه

بعكس الصوره اللي بينقلها التليفزيون المصري للاسف اللي كلها فبركه و نفاق
دول كانو جايبين صوره لكوبري قصر النيل و بيقولك الدنيا فاضيه و ابص على اي قناه تانيه الاقي التحرير مليان على اخره

وبرضو بتفرج عليها ...علشان اقارن واشغل عقلي

ابسط مثال ...
المظاهرات المعارضه بقالها اسبوع سلميه
ومظاهره التأييد في التحرير كلها بلطجيه و مولوتوف و هجامه ونازلين ضرب بقالهم 3 ايام و سايبينهم
مع ان مهزله التأييد ادام التليفزين كان الجيش محاوطها


الا من رجل رشيد

دا عمار الشريعي الضرير ... شاف بقلبه وفهم .... حسبي الله و نعم الوكيل

المشاركة الأصلية كتبت بواسطة corsair (المشاركة 350869)

كلامك مظبوط يا ابو صلاح وانا معاك في كل كلمة قولتها بس لو عندك قناة بتراعي ربنا بتنقل الاحداث بما يرضي الله بدون نفاق ما كنا ولعنا في الجزيرة والقنوات اللي زيها لكن لما تفتح الجزيرة وتلاقي الدنيا مولعه والصوره مباشرة من ميدان التحرير ويطلع التلفزيون المصري يقول علي الشباب الجميل اللي رفع رسنا انهم قلة مندسة


قولي انتا بالله عليك اعمل ايه

المشاركة الأصلية كتبت بواسطة corsair (المشاركة 350872)

الله ينور عليك يا سموحه وهو ده قصدي انا علي فكرة مبسمعش لاي كلمة قناة الجزيرة بتقولها لكن بشوف الفيديوهات بتاعتها بس

ولو كان عندنا خيار اخر كان زمانا شفرنا بنفسنا قناة الجزيرة

المشاركة الأصلية كتبت بواسطة sad-bird (المشاركة 350874)

لا يا احمد انا مش معاك في الموضوع ده
محدش ينكر التقصير اللي كان موجود في التلفزيون المصري والقنوات المحلية في الاول
لكن بعد كده وخصوصا من اول يوم الجمعة التغطية بقت 24 ساعة على التلفزيون المصري بالاشافة لحوالي 7 ساعات كل يوم على الحياة ودريم والمحور
ده غير التحليلات الموجوده والتقارير اللي بتكون في اخر اليوم
وبعدين لو التلفزيون المصري بيجيب ناس وبيفبرك على كلامك زي ما بتقول
ليه مش تكون الجزيرة كمان بتفبرك هيا كمان والا الجزيرة دي أله وكلامه قرآن ( حاش لله طبعا )

المشاركة الأصلية كتبت بواسطة corsair (المشاركة 350881)

12:59 قراصنة يخترقون موقع الجزيرة ويضعون إعلانا مسيئا يحمل عنوان "معا لإسقاط مصر" في محاولة لتشويه تغطية شبكة الجزيرة للأحداث الجارية في مصر


ايه رائيك يا معلم علشان بس تعرف ان الحكومه بتضللنا

وعلي فكرة موقع ويكليكس منشرش حاجه بخصوص موضوع قطر والجزيرة ومصر والدليل ان مفيش حد عارف يدخل علي الموقع من مصر

وعلي فكرة كمان دلوقتي التلفزيون المصري وافتح واسمع بيتحايل علي اي متظاهر انه يجي يتكلم للتلفزيون المصري ومحدش راضي يتكلم لانه تلفزيون منافق للحكومه

انا مش عارف ليه مبقتش مرتحلك يا محمد يا علي

وريني بطاقتك يا جدع انتا