|
رد: أفيدونى أشترى أوبل استرا 2000 ولا لانوس ولا لانسر
الاوبل استره عربيه ممتازه وبتوفر في البنزين موديل 2000 لما تكون بحلتها
|
رد: أفيدونى أشترى أوبل استرا 2000 ولا لانوس ولا لانسر
على حد علمى موتور اللانوس هو موتور الاوبل
انا ارجح لك اللانوس وهى معى سيارة قوية وممتازة بالنسبة لسعرها وقطع غيارها بالاضافة انك هتجيب موديل احدث بينما الاوبل هتكون موديل اقل بنفس المبلغ |
رد: أفيدونى أشترى أوبل استرا 2000 ولا لانوس ولا لانسر
كرستالة وانت مغمض فعلا حتتعب على بال متلاقى واحدة نظيفة بس بامانة اى لانسر من اى نوع ممتازة واصبر شوية يمكن الاسعار تقل شوية الايام الى جاية وربنا يوفقك |
رد: أفيدونى أشترى أوبل استرا 2000 ولا لانوس ولا لانسر
ثوانى بس يا جماعه احنا كده دوخنا الراجل اكثر ما هو اصلا محتار كل واحد فينا برأى ومن غير حتى ما يقول ليه هو اختار العربية دى لو تسمحولى اقول راىى فى الثلاث عربيات وهو اللى يختار اولا انت يا استاذى بتختار بين ثلاث مدارس مختلفه فى السيارات الالمانى واليابانى والكورى وطبعا انا لو هختار طبعا الالمانى يكسب ثانيا حضرتك لو هتختار على اسعار قطع الغيار فطبعا قطع الغيار فى الالمانى نار ولكن طبعا هتاخد كفائه وجوده عظيمه يليها نزولا اليابانى وبعد كده الكورى ثالثا حضرتك بتتكلم فى المستعمل يعنى احتكاكك بالصنايعيه هيكون فى وقت اقرب من الجديد فصنايعيه الالمانى اللى بجد معدودين على الصوابع وبرضه مصنعيتهم اغلى من باقى اختياراتك ويليها نزولا برضه اللانسر وفى الاخر هتلاقى اللانوس اى حد ممكن يشتغلك فيها حتى لو بتاع بنس وفلايات رابعا لو هتتكلم على ثبات برضه هيجى فى الاول الالمانى واليابانى متعادلين وفى الاخر الكورى ويكفى انى اقولك ان كل اللى معاهم لانوس بيقولوا لازم تجنط وتهبط علشان تقدر تجديب معاك 140 وده اخرك خامسا لو هنتكلم فى استهلاك البنزين هتبقى الايه بالعكس طبعا الكورى والاسترا اقل استهلاك وبعد كده اليابانى سادسا سعة الموتور فى الاسترا 1200 سى سى وبعد كده اللانوس 1500 سى سى وفى الاخر اللانسر 1600 سى سى بس مش معنى كده ان الاسترا سحبها وحش لان مقارنه سعتها بحجمها بيديك اداء كويس سابعا اعادة البيع ( لا قدر الله ) ايسرهم فى البيع اللانوس واللانسر لو هى لقطه ومش متهانه وفى الاخر الاسترا بصراحه انا مش هديك رايي لسببين اولهم ان كل اللى ردوا عليك ادوك اراء مختلفه وانا مش عايز ازيدك حيره ثانيا لان مختار بين 3 مدارس مختلفه تماما من السيارات واللى يعتبر مافيش بينهم اى اوجه شبه ارجوا انك تكون استفدت بشىء وتقولنا رسيت على ايه فى الاخر |
رد: أفيدونى أشترى أوبل استرا 2000 ولا لانوس ولا لانسر
الأسترا قطع غيارها نار اللانسر واطية جداً اللانوس ما إلا أسترا بس البودى مختلف نفس الموتور والعفشة وقطع غيارها متوفرة |
رد: أفيدونى أشترى أوبل استرا 2000 ولا لانوس ولا لانسر
خليك في اللانسر و ابعد عن الاوبل و اللانوس
|
رد: أفيدونى أشترى أوبل استرا 2000 ولا لانوس ولا لانسر
انا هقولك فى اللى انا عارفه ، انا عندى اوبل استرا موديل 2000 ، عربية رائعة ، تقيلة ، وثابتة ، بس عيبها الموتور 1200 سى سى ، انا عن نفسى غيرته بموتور 1800 سى سى . ومن الاخوة اللى ردو عليك عجبنى تعليق ميدو سبايسى ، ارجو ان تستفيد منه وواضح انه دارس كويس :)
|
| الساعة الآن 07:44 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017