|
رد: ازاى اعرف لو المساعدين بتوعى فيهم مشكلة
مشكوررررررررررر
|
رد: ازاى اعرف لو المساعدين بتوعى فيهم مشكلة
المساعد لو بايظ العربية مش هتمتص أي مطب، بمعنى إنك هتلاقي العربية بتتنطط على المطبات، وصوت العجل هيبقى مسموع جدا، يعني تحس إنك راكب عربية كارو؛ الأني المساعد فايدته إنه يمتص الصدمة ويكتمها، فلما بيضرب زيت بيفقد الكبس بتاعه، وبالتالي ما بيمتصش الصدمات.
طبعا حضرتك لما بتضغط على مساعد فاسد بيفضل يطلع وينزل لأنه فقد الضغط بتاع الزيت إلا جواه، أما المساعد السليم فبينزل ببطء ويطلع بثبات. أرجو أكون أفدتك، وربنا يكفيك شر الصنايعية معدومي الضمير وإيانا يا رب. |
رد: ازاى اعرف لو المساعدين بتوعى فيهم مشكلة
بص الموضوع مش انك تضغط بالراحه
هو تضغط جامد كذا مره ورا بعض المفروض تحس بتقل و انت بتضغط و كمان العربيه و هي بترد تاني ترد بتقل و بعدين المساعد لما بيبوظ الاول بيجيب زيت و بيفضل لسه شغال و بعد كده بيخف و يطلع صوت هي العربيه موديل كام و عامله كام كيلو؟؟ |
رد: ازاى اعرف لو المساعدين بتوعى فيهم مشكلة
هو الكلام اللس اتقال كله صح وزي الفل
بالنسبه ل حازم باشا سؤال صغير مش ممكن برضو المساعد يبوظ من غير ما يعرق زيت من بره لان عتدي مساعد كان بايظ من الحشو الداخلي اللي وسط الزيت |
رد: ازاى اعرف لو المساعدين بتوعى فيهم مشكلة
العربية موديل 2000 وعاملة 120 الف كيلو والحالة العامة هايلة
|
رد: ازاى اعرف لو المساعدين بتوعى فيهم مشكلة
شوف يا كبير
احنا ممكن نحصر الكلام اللي فوق ده علي شان ما نتوهش 1- نجري اختبار الضغط علي المساعد 2- نجري اختبار عدم تعريق الزيت لو فيه تعريق يبقي بايظ لو مش موجود يبقي نكمل اختبارات 3- ملاحظه تزييق في المساعد ونخلي بالنا لوالصوت مش طالع منه 4- ناخد بالنا اذا فيه خبط بردوا يبقي بايظ 5- نلاحظ لو فيه مطبات في العجل زي اللي في الصوره اللي فوق والاهم اللي انت عملته انك سالت هنا علي شان فيه صنايعيه معندهمش ضمير و اللي بيكون كدا ممكن يلخلخ لك حاجه علي شان تبقي زبون عنده وزي ما بيقولا ياما دقت علي الروس طبول |
رد: ازاى اعرف لو المساعدين بتوعى فيهم مشكلة
يا بونتير باشا انت استاذ
|
| الساعة الآن 07:13 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017