رد: ممكن اعرف سبب استهلاك البنزين بمعدل 145 كم فى الصفيحة
 

ان شاء الله حروح للميكانيكى النهاردة وحقوله على موضوع باب السلانسيه اللى موجود تحت العمه مباشرة بيفتح صح
كاملا وبيكون على سيفه بعد المكنه ما بتسخن ولا بيفضل معلق ومقفول وبرده ححاول اغير فلتر الهواء

وربنا يستر

رد: ممكن اعرف سبب استهلاك البنزين بمعدل 145 كم فى الصفيحة
 

شوف الاول لو في دخنه سوده يبقي كربراتير عشان لو في دخنه سودا يبقي في استهلاك بنزين والبوجيهات هدخن اسود ومش هدتي شراره مضبوطه لدوارت العربيه وتقطع كمان وممكن اتسأل اي حد كمان

رد: ممكن اعرف سبب استهلاك البنزين بمعدل 145 كم فى الصفيحة
 

الحمد لله مفيش اى دخنة من الشكمان غير اول ما ادور العربية الصبح بيطلع دخنة بيضة بسيطة ( شبه بخار المياه ) مع وجود رزاز مياه على حافة الشكمان

انا روحت للميكانيكى امبارح وقالى لسه حنشوف البوجيهات بس عدى عليا بكرة الصبح
المهم النهاردة روحت لميكانيكى تانى وقولته على المشاكل اللى عندى وبص على العربية ولقى انى الكربراتير الوش بتاعه مفتوح شوية ( مفقع على حد تعبيره ) ونصحنى انى اروح لواحد بتاع كربراتير فى الزاوية خلف مخزن بيبسى تقريبا سيقوم باصلاح الوش او تغييره مع تضبيط الكربراتير
وكمان قالى على ان كل المشاكل اللى عندى سواء النتشة الصبح او تاخر الدوارة او استهلاك البنزين راجع ان وش الكربراتير مفتوح وبيدخل هواء
وكمان كنت سألته على موضوع انى عندى رجة فى عصا الفتيس قالى دى عايزة حشو

برجاء افادتى هل كلام الميكانيكى منطقى ولا غير منطقى لانى للاسف معلوماتى تكاد تكون منعدمة
فى انتظار نصائحكم

رد: ممكن اعرف سبب استهلاك البنزين بمعدل 145 كم فى الصفيحة
 

كلامه منطقى فعلا

خليك وراء نصائح الراجل ده

رد: ممكن اعرف سبب استهلاك البنزين بمعدل 145 كم فى الصفيحة
 

الله يطمنك
جزاك الله كل خير
تعبك معايا يا باشمهندس سمير

بس انا كان ليا سؤال
متوسط استهلاك البنزين فى الصفيحة بالنسبة للعربية كام ( المعقول يعنى )
معلش عشان ما شغلش دماغى كتير بالموضوع ده ويجيلى هسس

رد: ممكن اعرف سبب استهلاك البنزين بمعدل 145 كم فى الصفيحة
 

موضوع أستهلاك البنزين بالضبط

متخليهوش مسيطر على تفكيرك

المهم توصل لأستهلاك ولو بصوره منطقيه ويقبلها العقل

ظبط جوانات الكاربوراتير كلها وخصوصا ( مكان تركيب الكربوراتير على مجمع الهواء )

وغير بوجيهات كمان أو أكشف عليها

وجرب عربيتك بعد القصص دى

لقيت الوضع معقول فى أستهلاك البنزين

يبقى كده رضا أوى

بالنسبه لل128

حقيقى معنديش رينج أستهلاك بصوره دقيقه

فممكن تسأل ناس معاها ال 128

ودايما متحطش فى دماغك

أن فيه عربيه زى التانيه فى أستهلاك البنزين

ولكن فيه حدود منطقيه مش أكتر

_________________________ __________

وكمثال

يعنى مش ألاقى نفسى بأعمل 100 كم فى الصفيحه

وغيرى بيعمل 200 مثلا ( ومعاه نفس العربيه بالضبط )

وأقول أنا كده كويس

لا طبعا ( فأكيد عندى حاجه غلط فى العربيه )

_________________________

أما لوكنت مثلا بأعمل بين 160 وال 180

يبقى ماشى الحال

لأن كل عربيه وليها ظروفها الفنيه

رد: ممكن اعرف سبب استهلاك البنزين بمعدل 145 كم فى الصفيحة
 

انا كان معايا 128 1300 بتعمل 200 كم في الصفيحة بمعدل اللتر يمشي 10 كم ! و يتتفاوت من 9 - 11 ! لا تقل او تزيد