|
رد: نداء عاجل لوجه الله تعالى لتفريج كربى
اولا لا تحزن انا اخوك ايمن من السويس انا فعلا معايا الساجا وحصل للزجاج الخلفي سرطان بس كنت معلق نمر العربية ومرخصها رحت بيها من السويس لحد التوكيل في ابو رواش وركبولى الزجاج الخلفي بتاعها الحمد لله وطول الطريق وانا رايح محدش رخم عليا لانه شى واضح انه اتكسر وانا ماشى المرور مش هيعلق معاك عشان ده الزجاج الخلفي مش امامى . انا رأى روح التوكيل بتاع ابو رواش وركب نمر تجارية على عربيتك وتوكل على الله حل تانى روح توكيل ابو رواش واشترى منهم الزجاج الخلفي وخده على اسكندرية يركبوه هناك او عند اى حد بتاع زجاج يركبهولك وده اسلمهم بس نصيحه ر كب نمر تجارية وروح ابو رواش ومتخفش من المرور وتوكل على الله اعمل حسابك انشاء الله لما تروح تركبه هتستلم عربيتك الساعة 6 بالليل وتمشى براحه اوووى وبعيد عن المطبات عشان لسة الزجاج بيكون لين وتقفل ازاز عربيتك كله او تسبها في التوكيل لتانى يوم وده يكون افضل والسلام عليكم 0105636645 لاى استفسار |
رد: نداء عاجل لوجه الله تعالى لتفريج كربى
اقتباس:
أنا مع هذا الرأي 100% نمرتين تجاري و تشتري دماغك و همه يبقوا مسئولين عنه بدل ما تجيبه علي عربية ثانية و يتكسر منك لا قدر الله و تبقي العملية اسوأ و طالما ان الموضوع ده شائع في الموديل ده اعتقد انك المفروض تغيره في الضمان (طالما العيب سرطان و حصل كمان مع سيارات اخري ) و عموما ربنا يعوض عليك يا استاذ محمد و المؤمن مصاب وأهي حاجات بتفدي حاجات و الحمد لله علي كل شئ |
رد: نداء عاجل لوجه الله تعالى لتفريج كربى
لا تحزن
قدر الله وماشاء فعل |
رد: نداء عاجل لوجه الله تعالى لتفريج كربى
أخى محمد
إن المؤمن مصاب و هذا إبتلاء من الله ليرى مدى صبرك عند الشده ولله الحمد أن الله هون عليك و جعل مصيبتك فى مالك و هو بالتأكيد أهون عليك من أى شئ أخر أنعم الله به عليك قد ذكرته و هو الأن بخير و الحمد لله يا أخى عليك بالدعاء: الحمد لله ... اللهم أجرنى فى مصيبتى و أخلفنى خيراً منها و عليك بصلاة الإستخارة بخصوص موضوع الزجاج و ستجد الحل السليم يطرح نفسة من تلقاء نفسه ... و عموماً أنا أرى أن تتصل ب م/ أمر الكوافى مدير فرع أبو رواش مرة أخرى ليرسل هو الزجاج إلى الإسكندرية و ياريت يا جماعة لوحد فيكم له كلام مع م/ أمر الكوافى يكلمه علشان أخوكم محمد و مرة تانيه الحمد لله أن بيتك و أولادك بخير ... وقدر الله و ماشاء فعل اللهم فرج عن أخى محمد كربه و أجره فى مصيبته و أخلفه خيراً منها |
رد: نداء عاجل لوجه الله تعالى لتفريج كربى
يا راجل يا طيب ربنا رازقك ب 3 حوريات يدخلو بيك الجنة وشايل هم لوح قزاز ..ROSE4U
ولا تزعل نفسك وقول قدر الله وماشاء فعل والحمد لله انها حاجة بسيطة تاخد العين بص يا سيدى رقمى 0181160809 واذا قررت متنزلش نتفق مع اى شركة شحن وانا بنفسى هروح اشتريهولك واشحنهولك لحد عندك لو قررت تنزل يبقى زى ما قال الاخوة تمشى سليم بنمرة تجارى وتنزل على مهلك وتشغل الكاسيت ولا كان فيه اى حاجة وروح سلم العربيه واتصل بيا برضو نقعد فى المكتب لحاد ما عربيتك تخلص تروح تاخدها بليل تركنها وتبات تسهر تمشى اللى انت عايزة براحتك وبجد ان مشيلتكش الارض هنشيلك على دماغنا هنا فى القاهرة وبعدين انا عندى نورا وعندى اسلام فبالمرة نحجز عروسه لاسلام GIFT4U |
رد: نداء عاجل لوجه الله تعالى لتفريج كربى
استاذ محمد وحد الله سبحانه و تعالي و لا تعلم ماذا ازاح عنك الله بموضوع الزجاج ده و طبعا قضاء اخف من قضاء انا بحضر للاسكندرية كل يوم ثلاثاء لحضور اجتماع عمل و شغلي فى اكتوبر لو تحب اعدي على التوكيل يوم الثلاثاء صباحا اجيبلك الزجاج معايا و تقبلني فى الاسكندرية انا تحت امرك بس رتب مع التوكيل و اديني خبر و ده تليفوني 0111193391
|
رد: نداء عاجل لوجه الله تعالى لتفريج كربى
السلام عليكم
مش عارف اقول ايه غير (قدر الله وماشاء فعل ) فى حل اطلبنى الصبح وانا حروح التوكيل ونظبتها سوا على التليفون |
| الساعة الآن 01:40 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017