رد: عاوز اوبل وخايف
 

هههههههههه نفس الكلام الي الواحد بيسمعه وبالذات الحتة بتاعت عربية ممتازة بس اوعي تجيبها ههههههه

رد: عاوز اوبل وخايف
 

بص يا باشا ابعد عن العربية دى نهائى اولا لان قطع غيارها ناااااااااااااااااار و انا كان معايا موديل 2002 مانوال و جننتنى كل يوم كان بيتلعلى حاجة فيها مره اكون ماشى تعطل بيه ملاه و هى بتتغسل فى المشحمة الباور بفرقع زى القنبلة و غير كده متعبة فى البيع درجة انى بعتها بالقسط
وكمان الشركة وقفت انتاجها لانها مليانه عيوب يعنى مفيش منها جديد و كمان فرامل الabs عندى كانت اللمبة بتنور و مش بيشتعغل معايا عملت عمرة موتور علشان الزيت كمان مفيش فايد و بعتها فى اخر 2010 و لسه مستلمتش كل فلوسى و الله الاوبل استرا احسن الفيكترا شيك الصراحة بس يلا بقى انا قولت تجربتى معاها و ندمت انى اشترتها

رد: عاوز اوبل وخايف
 

و كمان الفتيس كان بايظ مش عارف ليه و الدبرياج كان بيسقط و انا على سفر تخيلوا بقى

رد: عاوز اوبل وخايف
 

الاوبل عربية ممتازة بس محتاجة صيانة وراعية ولو اشتريت لازم حاجة صح كويسة علشان متصرفش معاك وهى لاتقارن مع اليابانى و لا الكورى فى قطع الغيار ولا الامكانيات
يعنى وانت ماشى 170 او 180 تاخد غرزة منتهى الثبات ولو عربية كورى او يابانى البقاء لله

رد: عاوز اوبل وخايف
 

ياجماعة من الاخر الناس الى بتقول قطع غيار نار محدش فيه راكب اوبل قطع الغيار اغلى حاجة بسيطة من الكورى وتقريبا فى نفس سعر اليابانى انا بتكلم عن الاوبل فيكتر او الكورسا الموديلات القديمة شوية لغاية مثلا 2003
يعنى انا لسا شارى سير كاتينة لعربيتى الكورسا بتاع الاوبل 60 جنيه وبتاع لانوس 50 جنيه وفلتر الهواة والبنزين سعر الواحد 35 سير دينمو الاصلى 85 جنيه هو اغلى حاجة ديسك والاسطوانة 1100 جنيه وطول ما انت سوائقة محترمة ومحافظ على العربية مش هتصرف كتير ده فى اى عربية مش الاوبل بس وموضوع الاخ الى ناوى يشترى عربية فعلا لازم تكون حال نظيفة علشان صاحبها ممكن يكون مبهدلها اوى وفتحة معاها فعاوز يخلص منها وده ناس كتير بيعملو يشترى عربية ويبهدلها جامد لانه معفن فى سوائقة وبعد كده يديها رشة من برة وينزل يلبسها لاى حد ويقولك دى عربية احسن من الزيرو زى التجار الشاطرين بتوع السوق وبعدين لو انت حسبتها صح هتلاقى العربية الالمانى ركوبة محترمة عربية قوية ثبات عامل امان اعلى لقدر الله وفى النهاية هى هى لو انت بتروح للمكانيكى فى الكورى كل شهر هتروح فى الاوبل كل 3 شهور يعنى العملية تقدر تقول زى القسط والكاش طبعا القسط بتدفع فيه فلوس اكتر بس على فترات وفى النهاية هى نظرية

رد: عاوز اوبل وخايف
 

ممكن تجيب بيجو 405 فرنساوى
سيارة قويه وأعتماديه وقطع الغيار متوفرة
ربنا يوفقك

رد: عاوز اوبل وخايف