رد: موقف مستفز قوي
 

إلا إذا كنت مستحرم
بس إذا كان هو حقك قانونا زي ما بتقول، يبقى إنك تحافظ على حقك المفروض يكون قانوني هو كمان

رد: موقف مستفز قوي
 

الفكره مش كده انت عارف لو المحليات تاخد رسومها مره واحده وخلصنا. انما دول عايزين يدفعوني كل شهر نظام اتاوه ؟؟ انما اللي من حقي عدم الركن قدامي لانه كده قفل باب اكل عيشي وثانيا ده قطاع خدمي لو عملت فيه محضر بسبب اشغال قدام الصيدليه مما يعيق ركن سيارات الشركات .. من الاخر هطول فيه. بس الواحد بيسكت زوقيا عشان الجيره

رد: موقف مستفز قوي
 

مع احترامى يعنى ANAA7TGهوة انت تركن قدام الناس ومحدش يركن قدامك انت كدا اللى مستفز وبعدين ما السوبر ماركت بيجيلوا عربيات الشركات وبتاع الملابس بيجيلو عربيات للبضاعة وزباين ولا ايه وبعدين ديه اوحش سمه من سمات بتوع البحيرة اللى فعلا كرهتنى فى البلد دى كل واحد فاكر ان قدام المحل دا بتاعة ودة باب الرزق واللى هاييجى يقف كدا سدلوا باب رزقه مهوا بالعقل كل واحد ربنا كاتبلة رزقه هيجيله هيجيله والله لو تحت السلم ولا مكان مخفى وبعدين اللى هييجى يعنى ميعرفش ان ديه الصيدلية ولا اليفطه العربية مخبية عليها احسبوها بالعقل مش كدا واحد عايز يركن وفيه مكان فاضى مايركن معلش يعنى انا لو مكانه هركن واللى مش عاجبة يعمل اللى يعرف يعمله (لامؤخذة) بس مش لامؤخذة اوى عشان دى حاجة مستفزة لدرجة انى سجلت فى المنتدى عشان خاطركايه ياترى وعلى العموم خليك انت الكبير دا كلوا بحسابه ومحدش واخد منها حاجة.

رد: موقف مستفز قوي
 

الموضوع ده مقرف هنا فى مصر بس عشان الشوارع كلها ضيقه ومكدسه حتى الشوارع الجانبيه بس فعلا الرزق اللى جايلك محدش يقدر يمنعه وهو الاصح اننا نراعى بعض فى الركن او فى اى حاجه
وصباح الفيجا444546

رد: موقف مستفز قوي
 

اولا كلامك يا ريت يبقي كلام انسان متحضر بيعرف يجادل بزوق..
ثانيا والحمدلله انا بعرف اساع غيري من جيراني لو عنده زحمه في حدود عربيه بتنزله شغل او هيركن ساعه .. انما لما يبقي عايز مدخله فاضي ويحطلك عربيته في مدخلك طول النهار عشان خايف علي عربيته من الشمس؟؟ ديت مش مشكلتي..
ثالثا مبقاش انا صاحب الصيدليه وبركن في اخر حدودي وبوسع لاي سياره او تكتك عشان الطوارئ والاقي واحد بارد حاطط عربيته عشان الشمس.؟
رابعا لما عيل صغير بينزل من عربيه والده الجهه المقابله من الشارع وجي بيعدي الشارع جاي الصيدليه وعربيه معديه تخبطه وربنا سترها يبقي لازم احارب عشان قدامي يبقي فاضي . لان ديت قطاع خدمي يعني اللي اقدر اعمله كتير لو واحد غلس قرر انه يتحداني.
خامسا تحب او تكره بتوع البحيره هما مش مستنيين حب او كراهيه سعادتك وعموما متشكر علي زوقك واتمني ان الاداره يكون لها راي في الكلام ده؟؟

رد: موقف مستفز قوي
 

بص يا استازي انا فاهم ان كل المحلات بيجلها شغل بس لما يكون بيجيلك اكتر من 3 او اربع مرات عربيات بضاعه وعملاء ومناديب ده غير بعض الزباين التقال. اسيب انا الشغلانه ديت واطلع انظملهم المرور. يبقي لازم يكون قدامي فاضي . يا جماعه انتم فاهمين ان الصيدليات بتتعامل في حاجات دلع بس ليه؟ مفيشكل يوم واحد وقع بموتسكل وجايبينه ياخد مسكن او عيل وقع او اتعور . المقصود انا ببقي قاعد وبتيجي حاله طوارء ومش معاه تمن انه يروح مستشفي ؟؟ اسيب انا ده كله واسيب الدنيا واطلع اشوف اللي بيركن واللي عايز يغسل عربيته بعيد عن الشمس.
يا ريت نفهم الموضوع كويس من وجهه نوعيه النشاط ومن ظروف الناس واسف للاطاله

رد: موقف مستفز قوي
 

[

انت لو دورت شويه علي ركنه تانيه ما تقفلش بيها علي الناس وتراعي اكل عشهم وربنا باذن الله هيوفقك في ركنه كويسه زي ما هيرزق الراجل ىده ولا ربنا نعرفه بس لما نيجي نقفل علي الناس اكل عشهم
ايوه هو ممكن يكون شاري الشارع مع الصيدليه لان له حقوق ارتفاق من مرور و ساحات مشتركه وكدا يبقي حرام لما ناخد حقوق الناس برضو ولا ايه
ممكن الكبير يبعد عن استحلال حقوق الغير او علي الاقل يراعي حقوقهم ويبعد عن دعي الناس عليه هو الكبير يقول انا كبير ولا بافعاله وتقاه
في الاخر ممكن اقول
عن أبي هريرة رضي الله عنه أن رسول الله صلى الله عليه وسلم قال: “لا يدخل الجنة من لا يأمن جاره بوائقه”.