مصر موتورز مجتمع السيارات - BYD و الصينى والكورى والأوروبى .. فهل نحن زبائن درجة ثانية !!!

مصر موتورز مجتمع السيارات (https://www.masrmotors.com/vb/index.php)

- BYD (https://www.masrmotors.com/vb/forumdisplay.php?f=129)

رد: BYD و الصينى والكورى والأوروبى .. فهل نحن زبائن درجة ثانية !!!

فعلا مادة المقالة دي من المحرمات في عقلية الصحافة المصرية الحرة المستقلة!!

رد: BYD و الصينى والكورى والأوروبى .. فهل نحن زبائن درجة ثانية !!!

احييك بشده من كل قلبي علي التقرير الرائع وانا واثق كل الثقه ان كثير من التوكيلات لو قرأت هذا المقال لسارعت اليك لتحاول ايقافك بأي اسلوب لقد قمت بفضح الجميع وقمت بهد المعبد ما يحدث الان في السوق اسف في اللفظ مسخره بكل ما تحمله معني الكلمه ولكن كما قلت فنحن زبائن درجه ثانيه ولكن من منظورهم والا لماذا هذا المكسب البشع ونحن صامتون في السعوديه عندما غلي سعر السيارات قليلا وليس الكماليات قاموا بحمله خلوها تصدي ومودليها يعدي ولا تتصور ما صاحب هذه الحمله من تخفيضات من الوكلاء لانهم يعرفون ان الشعب يقدر علي ذلك اما نحن فنأخذ الرخيص بسعر غالي وممكن تاخذ السياره معيبه ويرفض التوكيل اصلاحها او استبدالها وعليك ان تصل للسلطه التنفيذيه الممثله في حمايه المستهلك وانت وحظك للاسف قرأت ان معرض من المعارض الكبيره والاسماء الرنانه باعت سياره سيراتو علي انها خليجي واتضح بعد ذلك ان السياره مستعمله من قبل بل وحدث بها حوادث وتم تصليحها بدقه لولا ان كشفها سمكري يتبع الشاري ولم يستطيع فعل شيء تكلمت في الماضي اننا ينقصنا اهم شيء في الانسان الضمير اذا مات مات كل شيء من حوله ماتت الامانه والاحساس والشعور والخجل والموده والرحمه مات الدين قال رسول الله صلي الله عليه وسلم من غشنا ليس منا لك تحياتيROSE4U

رد: BYD و الصينى والكورى والأوروبى .. فهل نحن زبائن درجة ثانية !!!

و الله كل كلمه حضرتك قلتها صح مية في المية انا عايش في الامارت من 2005 و احب اقولك علي الملاحظات اللي شفتها في الامارات:
1- الكروز 1800 سي سي
2- السيفك من 2006 و هي 1800 سي سي
3- بيجو 307 و 206 اخر انتاج ليهم كان سنة 2007 و من اول 2008 نزل بدلا منهم 207 و 308
4- الكيا كارنيز بتبتدي ب 2000 سي سي
5- النيسان صني اتوقف انتاجها من سنة 2006 و من بداية 2007 نزل الصني الشكل الجديد و هو كوري بالكامل
6- اللانسر 1300 اوتو عربية من ارخص العربيات الموجودة يمكن سعرها يساوي او اقل كمان من الاكسنت او الافيو او اللوجان
7- اللوجان لما نزلت مصر قلت ابص عليها لاقتها اوتو و تقريبا اللي بتنزل مصر اوتو

من الاخر انا حاسس ان المشكلة موش في التوكيل رغم ان طبعا هو عايز يبيع ارخص حاجة بأغلي سعر لاكن بجد المشكلة الرئيسة في الجمارك و قوانينها
يعني لما اكون في الشركة اللي شغال فيها و معايا لبنانين زمايلي و يروحوا يشتروا برادوا او باجيرو علشان يبقوا ينزلوها بلدهم و احنا المصريين الغلابة نجري علي العربيات 1300 او ال1600
او انهم يشتروا عربية موديل سنة او اتنين فاتوا او يشتروا عربية كسر زيرو بتبقي بنص تمنها جديدة تقريبا و نيجي احنا لما نشتري تبقي لازم موديل السنة و اية كمان لازم تكون قبل شهر 10 شهر التخفيضات علي موديلات السنة . يالا متقلبوش المواجع

رد: BYD و الصينى والكورى والأوروبى .. فهل نحن زبائن درجة ثانية !!!

اقتباس:

المشاركة الأصلية كتبت بواسطة Abojessy (المشاركة 314412)

عزيزى الأستاذ / باسم ..
سأقول لك وأنا صاحب الموضوع .. أنة لا يصلح للنشر فى أى أصدار صحفى ..
لأن لا أحد فى صحافة السيارات يجروء على أغضاب التوكيلات ..
فمن سيضحى بملايين الجنيهات من دخل الأعلانات .. من أجل من سيشترى صحيفتة بجنية واحد ..
أن هذا الموضوع لايقدر علية الا منتدى سيارات محترم ..

وعلى كل حال أريدك أن تتأكد أن ماجاء فى هذا الموضوع وأكثر منة .. معروف للجميع فى صحافة وسوق السيارات فى مصر
فلنا الله
أشكرك ولك أجمل تحياتى ROSE4UGIFT4UROSE4U

أه والله عندك حق .. الإعلانات .. ثم الإعلانات .. ثم الإعلانات وبس .. ولما بشوف مقالة من صحفي معين في جرنال معين عن عربية ما تمجد فيها وفي قوتها ومتانتها .. ببقى ضامن مليون المية أنه جوة الجرنال مش أقل من صفحة كاملة إعلان عن العربية دي .

ومش مهم بقى التدليس على الناس وإلباس الحقيقة بالباطل .

فعلاً منتديات السيارات هي المرآه الحقيقية التي تعكس واقع السيارات الذي نعيشه .

رد: BYD و الصينى والكورى والأوروبى .. فهل نحن زبائن درجة ثانية !!!

طبعا لانها بتبقى مزيج من تقارير واقعية و تفاصيل مقتبسة من مواقع محايدة و مضاف اليها التجارب الشخصية للعملاء و مالكي السيارات! قهي بتعكس الحقيقة و الواقع بوضوع! جميع ملحقات السيارات باخدها على انها صفحات اعلانية و حتى التقارير هايفة و مملة و تمجد و تقدس في اي سيارة حتى الماروتي ويتحدث عن تكنولوجيا وهمية و انها الاقوى في فئتها و الاسرع و الاكثر اقتصادية و الارخص قطع غيار و الاكثر اعتمادية و الاعلى عن الارض في المطبات و الاوطى للارض في السرعات و الاكثر ثباتا و الاكثر امانا الكلام ده لكل تقارير العربيات اللي بيتكلموا عنها و سلملي على التروماي

رد: BYD و الصينى والكورى والأوروبى .. فهل نحن زبائن درجة ثانية !!!

المضحك أنهم يفترضون فينا الغباء ..
فيدعون أنهم ينقصون من المواصفات الحقيقية للسيارات ليستطيع الناس شرائها
وليس ليرفعوا أرباحهم إلى أقصى درجة ممكنة وكأن الفارق لا يدخل جيوبهم فعلا !!! فلوس كتير

رد: BYD و الصينى والكورى والأوروبى .. فهل نحن زبائن درجة ثانية !!!

المقاله الرائعة جت على الجرح
منتظرين ايه من بلد بتأكلنا الخضار والفاكهة مروية بمية مجاري وقال ايه مش حنقدر نغير الوضع دا الا بعد انتخابات مجلس الشعب والرئاسة
منتظرين ايه من بلد بتاخد ضريبة 500% من العربيات القادمة من الخارج قال ايه لحماية المنتج الوطني اللي هو كروش وجيوب اصحاب التوكيلات المنتفخة كروشهم بدمنا وتعبنا وشقانا
داحنا مش زبائن درجة تانية والله محصلناش الترسو
حسبي الله ونعم الوكيل