مصر موتورز مجتمع السيارات - الطاره هتجنني .......وكمان فيبريشن بعد 110

اقتباس:

المشاركة الأصلية كتبت بواسطة تيتو55555 (المشاركة 309471)

م/ سمير انا كنت لسه مغير الاسكترا من فتره قريبه ومظبط زوايا ومرصص بس الطاره بعد مبقت خفيفه ده طبعا بعد ما مشيت بيها فتره ظهر معايا موضوع حدفة الطاره والفيبريشن , فايه راي حضرتك ارجع للعفشجي يربط تاني ولا كده الاسكترا طبعت واظبط زوايا وارصص بس ؟؟؟ايه ياترى

لا

متعملش زوايا ولا ترصيص

إلا أما تراجع على مكونات العفشه أولا

جايز تكون فى بيضه من بتوع الدركسيون

أو الأثنين بوشوا

وبحاجه للتغيير

ماهو العيب بيحصل فى أى وقت

ولو كان البيض سليم وتقيل ( مش مبوش وكاوتشاته سليمه )

يبقى خللى العفشجى إللى ركب الأسكترا

يراجع على رباطات البيض من نهاياته على بارات الطرف

الخاصه بالأسكترا

البارات دى بتكون واخده حركه من منتصف الأسكترا غالبا

وفى بعض الطرازت

البيض بالبارات بياخد حركه من نهايات وليس منتصف الأسكترا

______________________

أنا ممكن أشك أن العفشجى أو الميكانيكى

إللى غيرلك الأسكترا مربطهاش بضمير على سدر الغرفه مثلا

أو إللى ظبطلك الزوايا ( المره السابقه )

لم يحكم رباط البيض على نهايات أتياش الأسكترا

لأنك بتقول

كنت مغير أسكترا ومظبط زوايا

فوارد جدا

تكون مسامير سواء من شغل اللى ركب الأسكترا

أو اللى ظبط زوايا

هوت شويه

ودى تعملك مشاكل حدفه بالعربيه وكمان خلل فى حركة الدركسيون ( رعشه يعنى )