مصر موتورز مجتمع السيارات - السيارة الجميلة اسبيرانزا 516 أوتوماتيك

مصر موتورز مجتمع السيارات (https://www.masrmotors.com/vb/index.php)

- A 516 (https://www.masrmotors.com/vb/forumdisplay.php?f=187)

- - السيارة الجميلة اسبيرانزا 516 أوتوماتيك (https://www.masrmotors.com/vb/showthread.php?t=42263)

رد: السيارة الجميلة اسبيرانزا 516 أوتوماتيك

اتفق مع كلام استاذ احمد تماما

رد: السيارة الجميلة اسبيرانزا 516 أوتوماتيك

فيه كذا مشكله
لو غيرت و ركبت موتور البومه
حيبقي عندك مشكله في الانتريور
يعني الكونسول الوسطي حتعمل فيه ايه علشان تحول العصايه من مانيوال لاتوماتيك
و كمان العدادات لازم يكون فيها مكان لقرائه نقلات الفتيس الاتوماتيك
علاوه علي حاجه كمان
حتي لو حتستغني عن الاوبشن دا في العدادات
حتلاقي قرايه العدادات عندك مختلفه
خصوصا عداد السرعه و عداد لفات الموتور
لانك غيرت الفتيس و بالتالي التدريج حيتغير ممكن تبقي العربيه ماشيه علي 40 و العداد كاتب 50 مثلا
كذلك عداد لفات الموتور حيحصل فيه لخبطه و برجله برضه و كذلك امبير الحراره لاختلاف حساس الحراره من الاسبرانزا للبومه.
و لذللك لا انصح مطلقا بهذا التعديل سواء عربيه جديده او مستعمله
علاوه علي بعض المشاكل الاخري التي قد تنتج من هذا التعديلمثل الشكمان و حجمه و مدي ملائمته للمحرك الجديد و طلمبه البنزين و مدي تحملها لضخ كميات الوقود للمحرك الجديد .
شويه مشاكل كتير فعلا
علاوه علي عدم الموافقه من المرور بترخيص سياره تحمل موتور غير موتورها

كل دا يخلي الواحد يفكر ميت مره قبل ما يعمل الموضوع دا

رد: السيارة الجميلة اسبيرانزا 516 أوتوماتيك

تمام التمام.. ومفيش كلام بعد كده...

والافضل اللي عايز ال 516 اوتوماتيك.. يبعت يجيبها علىابوها من بره اللي هي A520

نفس ال516 ولكن 2000 سي سي وكمان اوتوماتيك

رد: السيارة الجميلة اسبيرانزا 516 أوتوماتيك

أ/ حازم احترامي لكلام حضرتك طبعا بس أقول لحضرتك حاجة:-

بالنسبة للكونسول الفتحة بتاعته هي نفس فتحة مونسول البومة الأوتوماتيك
وكمان لوحة العدادات هتتغير بلوحة عدادات البومة الأوتوماتيك يعني مافيش مشاكل في القراءة
والشكمان بتاع البومة من الفرن هيتغير بشكمان البومة
أما بالنسبة للمرور مافيش مشكلة فيه ( زملائنا برده ) بعدين الموتور دة 1600 ودة 1600 يعني عادي جدا .

رد: السيارة الجميلة اسبيرانزا 516 أوتوماتيك

يا جماعة ان شاء الله في شهر ابريل القادم هركب موتور لانسر 2000سي سي خليجي مستورد وقدرته 155 حصان مع فتيس أوتوماتيك و شوية حاجات تانية هتتغير هي شوية حاجات كتير , أنا روحت انهارده الحرفيين عند (مجاهد موتورز) دة راجل بصراحة ممتاز في تغيير المواتير و الموتور وباقي الحاجات هتكون من عنده ان شاء الله وكمان بعتني لواحد أسمه (أحمد الشرقاوي) هو اللي هيتولى موضوع التسقيط لكل حاجة ميكانيكا و كهرباء و (مجاهد موتورز) هيبدل الحاجات اللي عندي باللي عنده , طبعا عايزين تعرفو فرق السعر !!!!!!! صح؟
فرق السعر بين حاجتي والحاجة الجديدة عامل حوالي 5000 جنيه
سعر المصنعية شاملة (زيت الموتور و زيت الفتيس و مياه الرادياتير و زيت الباور و زيت الفرامل) حوالي 1650 جنيه
يعني الموضوع كله تسليم فابريقة على المفتاح هيتكلف تقريبا (6650 جنيه)
أعتقد السعر معقول, وان شاء الله أول ما أنفذ هفيدكو بالصور و النتيجة الجميلة بإذن الله تعالى

رد: السيارة الجميلة اسبيرانزا 516 أوتوماتيك

بالتوفيق إن شاء الله

ROSE4U

رد: السيارة الجميلة اسبيرانزا 516 أوتوماتيك

اقتباس:

أما بالنسبة للمرور مافيش مشكلة فيه ( زملائنا برده ) بعدين الموتور دة 1600 ودة 1600 يعني عادي جدا .

مش فاهم يعني ايه زملائنا برضه؟؟!!!
و بعدين الموضوع مش موضوع 1600 و 2000
الفكره كلها ان لا يجوز تغيير موتور السياره بموتور سياره من نوع اخر
يعني ماينفعش احط موتور بيجو علي فيات او العكس