رد: أنواع البنزين المستخدم في السيارات والرقم الأكتاني وعلاقته بنسبة إنضغاط المحرك
 

ياجماعةالخير عندى سؤال ازاى اعرف ان البنزين اللى انا وضعته بنزين 92 انا سايرتى اوبترا 2008 و اضع بنزين 92 لكن باسمع احيانا وانا على سرعى الثنى تصفيق زى ما بتقولى لى ممكتن يكون البنزين ده 90 ويحصل غش ازاى اعرف. ارجو الاجابةو شكرا مسبقا

رد: أنواع البنزين المستخدم في السيارات والرقم الأكتاني وعلاقته بنسبة إنضغاط المحرك
 

الفرق بين بنزين 90 و 92 مش كبير للدرجه دي
لسبب بسيط ان مواصفات البنزين زي موصفات حاجات كتير بتكون ليها سماحيه او خلوص
بمعنى ايه
ان البنزين نسبه الاوكتين فيه بتكون + او - 1
يعني بنزين 90 ممكن يكون 89 اوكتين كحد ادنى او 91 اوكتين كحد اقصى
وبنزين 92 ممكن يكون 91 اوكتين او 93 اوكتين

المشكله ان الغش مبيتمش بخلط ال 92 بال 90... لا ... بيتم بخلطه بالميه او ببنزين 80
حضرتك لو بتتعامل مع محطه معينه غيرها و شوف الفرق
ولو حصل نفس الموضوع اعتقد حيكون لسبب تاني
والله اعلم

رد: أنواع البنزين المستخدم في السيارات والرقم الأكتاني وعلاقته بنسبة إنضغاط المحرك
 

نوعا ما كلام سام رام صح

المفروض موتور الفيرنا بيقبل بنزين من 85 ل 92 تقريبا

فجربت مرة احط بنزين 90 و مكنش فيه فرق خالص

المهم سألت مهندس في التوكيل

فقالي نفس كلام سام رام

ممكن تحط بنزين 90 من بنزينه نضيفه و يكون افضل من بنزين 92 في بنزينه اخري

عموما هوا قالي معلومة اخري

باستثناء التأثير علي الأداء

مفيش خطر من اي بنزين علي العربية

و الله اعلم

رد: أنواع البنزين المستخدم في السيارات والرقم الأكتاني وعلاقته بنسبة إنضغاط المحرك
 

شكرا على سرعة الرد ياجماعة وافادكم الله.

رد: أنواع البنزين المستخدم في السيارات والرقم الأكتاني وعلاقته بنسبة إنضغاط المحرك
 

تسلم غيدك يا سامح باشا

رد: أنواع البنزين المستخدم في السيارات والرقم الأكتاني وعلاقته بنسبة إنضغاط المحرك
 

العفو مستر هانتر
شكرا نيسان باشا ... ياريس دي نقطه في بحرك

رد: أنواع البنزين المستخدم في السيارات والرقم الأكتاني وعلاقته بنسبة إنضغاط المحرك
 

الله يكرمك يا سامح


بالمناسبة
كنت بجرب عربية من يومين و سامع صوت كركرة و تصفيق و صفع و دق و Knock و Detonation لدرجة غنى خمنت ان العربية فيها حساس Knock بايظ قابلنى العميل و قلتله حضرتك بتمون منين؟
قالى بنزينة كويسة الحقيقة مش فاكرها فقولتله حضرتك حاطط بنزين اية؟ فكانت الصاعقة قالى بنزين 80 قلتله حرام عليك اللى انت بتعمله فى العربية ده
80 يا مفترى يا ظالم أمشى اطلع برة و ماشوفكش فى التوكيل تانى ههههههههههههههههه
بهزر لاتفتكرو الكلام بجد
قلتله حرام عليك ماينفعش العربية دى يتحطلها بنزين 80
قالى لية؟
قلتله أسال سام رام