مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)

- مرسيدس (https://www.masrmotors.com/vb/forumdisplay.php?f=23)

- - التفييس المصري (https://www.masrmotors.com/vb/showthread.php?t=40781)

رد: التفييس المصري

اللهم لا عيش إلا عيش الآخرة

أنا لما أفكر اجيب عربية ألمانى هجيبها علشان متعة القيادة و الاعتمادية أولا مش علشان المنظرة ولا البرستيج
و لو إمكانياتى المادية ماتخلينش اقدر اجيبها يبقى طبعا مش هجيبها و لا هزنق نفسى لمجرد انى اجيب عربية من نوع معين لأنها فى الاخر بتعتبر رفاهية او (كماليات) و اى عربية هتأدى الغرض منها

الاساسيات لازم تكون موجودة الاول ... يعنى مثلا ماينفعش اروح اجيب عربية عالية و انا ساكن فى شقة بالايجار ... ماينفعش اروح اجيب اغلى هدوم و اتفسح فى احسن أماكن واعيش حياتى و انا مديون او عليا فلوس لحد ...

لكن لو اساسياتى تمام .. يعنى عندى شقة و اتجوزت او معايا مثلا فلوس الجواز و أمورى المادية متيسرة .. يبقى طبعا هجيبها و برده مش علشان المنظرة ... علشان متعتى الشخصية اولا و بعد كدة لو عملت لى شوية برستج على الماشى .. مفيش مشكلة

و ده رايى الشخصى بدون الاساءة لأى حد ... و دمتم بود

رد: التفييس المصري

تعالى نفكر عمليا مش نفسيا البلد مش بتاعت عربية غالية ولا شوارعها كمان انا مع فكرة هات عربية متوسطة جيتا والفئة دة وانت معاك فلوس عشان تبقى صيانتها رخيصة وغير مرهقة وفى الوقت نفس شيك وبرستيج وبكده مسكت العصاية من النص

رد: التفييس المصري

اقتباس:

المشاركة الأصلية كتبت بواسطة بدر بسيونى (المشاركة 298963)

اسمحلي اختلف مع حضرتك ...لو فكرت عمليا ..البلد مش بتاعة عربيات خالص عشان ازمة المرور والخنقة في الشوارع واماكن الركن..
بالنسبة للجيتا فهي عربية صيانتها غالية زيها زي الباسات والمرسيدس والبي ام..كمان سعرها بيوصل لل 180 الف في اعلى فئاتها..
بالنسبة للي بيحب البي ام او مرسيدس فمش ممكن يتنازل عنها ويركب جيتا مع احترامي للجيتا طبعا..
غالبية الشعب المصري تطغى عليه صفة المظهرية الاستهلاكيه وليس العملية ومنكرش اني واحد منهم رغم اني بكره هذه الصفة.. كله عايز يبقى افضل من اللي جنبه رغم ان ربنا هو اللي موزع الارزاق ولو كل واحد اتولد غني مكنش حد اشتغل عند حد ولـ انهارت الدنيا.. وده واضح جدا في الموبايلات اخر موديل اللي بتلاقيها مع شخص ممكن يكون بينام من غير عشاء..وخذ عندك كم العربيات الالماني الفارهة التي تمشي في الشوارع وبتركن صف تاني كام ده غير العربيات ال 4x4 التي تصل ثمنها لاكثر من 600 الف واحيانا المليون..انا مبقتش اشوف تقريبا عربيات قديمة خالص في مصر..كله عربيات اخر موديل عشان نظام التقسيط وبالنسبة للصيانة فانت معاك ضمان 3 سنوات او 100 الف كلم وعيش بالعربية الجديدة .
اللي عايز اوصله ان محدش بيفكر بعملية خالص والا كان الكل جاب فرنا ام 60 الف ..الكل عايز يحقق اقصى اشباع ممكن في ظل امكانياته المحدوده وده علم الاقتصاد ..

رد: التفييس المصري

اقتباس:

المشاركة الأصلية كتبت بواسطة mummy_47 (المشاركة 298940)

انا معاك في كل كلمة قلتها..لكن هل معنى ده ان الواحد يتنازل عن حلمه وطموحة لمجرد انه اصبح مسؤل وعنده عيلة هل هذا منتهى الطموح..وكل تفكيره ينحصر في كيفية تحقيق الرفاهية لأسرته ...متنساش ان العربية الفارهة هي ايضا رفاهية وبريستيج للاسرة..مثال للبرستيج : لما تركب انت واسرتك 128 زي لما تركب بي ام او مرسيدس .. لما تكون معزوم في فرح في فندق 5 نجوم وتنزل من بي ام او مرسيدس زي ما تنزل من كرولا او سيراتو ...اه البرستيج له ثمن لكنه يستاهل ..والانسان عايش مظاهر في مظاهر المظهر مهم جدا ...يعني انت ليه بتحب تعيش في مكان محترم ..كمبوند او فيلا..ليه مع ان اي شقة في اي حي شعبي ممكن تكون اكبر في المساحة واوفر في الفلوس ..ليه الواحد ممكن طول عمره يحوش عشان يسكن في شقة كويسة ..ليه بتدخل ولادك مدارس اجنبية ..عشان بتشتري مستقبل لهم..هتقلي العربية مش مستقبل ...اقلك العربية مستقبل ..جرب كده ادخل اي مكان عام بسيارة فارهة وشوف نظرات الاهتمام والاحترام على كل الناس التي تتسابق لخدمتك لكن جرب ادخل باي عربية اخرى وشوف الفرق.. يا عم ديه بتفرق في لجان المرور كمان....هو ده نفس السبب اللي يخلي الواحد ممكن يصرف تحويشة عمره في عربية مع الفارق ان العربية استهلاكيه سعرها بينزل والشقة عكس ذلك..لكن زي ما قلت البرستيج مهههههههههههم جدا في حياة البني ادم ويستاهل ثمنه..
انا كمثال..متزوج وعندي طفلين وحاولت اكثر من مره اني اتنازل غن حلمي في امتلاك المرسيدس او الب ام..لكن مقدرتش وبالفعل بحوشلها عشان السنة القادمة ان شاء الله اكون من ملاكها..

مع خالص شكري وتقديري

بكل بساطة بقول ما تحطش تحويشة عمرك في عربيه! لو معك 500 الف مفيش مشكله تجيب عربيه ب 300 الف بس لو معاك 80 الف متتسلفش و تعمل جمعيات و تاخد قرض ب 150 فوقيهم علشان تجيب عربيه ب 200 الف!!! و ميبقاش معاك تمن ترخيصها!!!! او تمن البنزين بتاعها! العربيه نسبه و تناسب! ربنا يوفقك و تبقى من ملاك المرسيدس و يحفظهالك من شر الطريق و الحسد بس خللي مبلغ تأمين لبيتك و لنفسك

رد: التفييس المصري

شكرا لجميع المشاركين

اراء مختلفة ولكن كلها منطقية وتنم عن شخصيات ناضجة

إختلاف وجهات النظر . لا يفسد للود قضية

رد: التفييس المصري

طبعا هي العمليه كلها نسبه وتناسب..
يعني معاك الحمد لله وامكانياتك تسمح اشترى ومتشيلش هم
لكن انك تحط كل فلوسك او معظمها او تزنق نفسك عشان تركب مرسيدس او بى ام وتتمنظر بيها..لأ يبقى تغور العربيه أحسن

رد: التفييس المصري

اقتباس:

المشاركة الأصلية كتبت بواسطة fares515 (المشاركة 300978)

طيب نفكر في الموضوع واحدة واحدة وبراحة...انا معاك تغور العربية لو ممعكش فلوس وهتخنق نفسك عشان عربية قيمتها بتقل مع الزمن..طيب لو فكرنا بمنطقية شوية...انت لو عاوز تتجوز..لازم تزنق نفسك عشان تحوش..انت لو عاوز تجيب شقة..لازم تزنق نفسك عشان تحوش...حتى لو عاوز تجيب لبس العيد ومش معاك لازم تزنق نفسك...اعتبر العربية كانك بتحوش عشان تتجوز تاني(مع الفارق طبعا..والمثال مجازي) ايه المشكلة اني احوش وازنق نفسي سنة او اثنين او حتى ثلاثة....بلاش تتجوز تاني ..اعتبر نفسك عايز تشتري شقة تانية لكن فخمة شويتين مش هتستاهل التضحية والزنقة...خلي بالك انا بقول تزنق مش بقول تخنق نفسك ...قصدي اني اتنازل عن اشياء رفاهية الان عشان احوش واجيب قمة الرفاهية والجمال ال BMW او المرسيدس ..مش تستاهل في نظرك...

وتقبل تحياتي