رد: برجاء الافادة هن مواصفات ومشاكل E240 2003-2004
 

انا مفكرتش في الMERCEDES E200 Kompressor لانها بشاحن هواء وطبعا معروف ان شاحن الهواء ممكن يقلل عمر الموتور رغم اني مش اكيد من النقطة ديه

رد: برجاء الافادة هن مواصفات ومشاكل E240 2003-2004
 

بصراحة المرسيدس C شكلها صغير ومش عاجبني وانا ببحث على شكل كبير وفخم..بالنسية للباسات طبعا انا فكرت فيها كثير لكن لما دخلت على المنتديات وخصوصا الخليجية تقريبا محدش شكر فيها واشتكوا من مشاكلها الكثير ..وخصوصا ان الموتور تربو 1400 اكيد هيهلك بسرعة نتيجة انه بيطلع 122 حصان ..
انا محتار جدا..

رد: برجاء الافادة هن مواصفات ومشاكل E240 2003-2004
 

أنا فعلا سمعت الكلام ده من بعض الناس , لكنى أعتقد أنه عار تماما من الصحة لأن مش شركة مرسيدس اللى تطلع عربيات الموتور بتاعها يهلك بسرعة لأن معروف أن المرسيدس قطع غيارها معمرة و لو حتى مش معمرة, الفرق فى الضريبة فى حدود 10 سنينفلوس كتير -أعتقد مفيش موتور مرسيدس هيقعد أقل من 10 سنين- يجيبلك أحسن موتور مرسيدس جديد .

أنا أؤيدك فى أن الC class شكلها مس محبب لأنها صغيرة, رغم أن بينزل منها مواتير لحد C280 لكن اللى بيجيب مرسيدس بيشترى فخامة و عربية كبيرة و قوية, فمن باب أولى أنه مايجيبش عربية صغيرة , الا لو كان عنده حته E class أو S class و جايب ال C class عشان الجرى جوه البلد و مشاوير البيت و كده .

اسأل حد عنده خبرة فى المرسيدس و لو حتى هتراسل شركة مرسيدس فى ألمانيا عشان تسألهم على المواتير الE200 Kompressor أو ممكن تسأل فى مركز خدمة مرسيدس اللى فى القاهرة عن العمر الافتراضى للمواتير دى فى ظل ظروف التشغيل المعتدلة, لأن حكاية أن مواتير المرسيدس تهلك بسرعة من الKompressor دى أنا مش مصدقها و بعدين استنى هنا POLICEE, انا ليا اتنين جيران أخوات عندهم شركة مقاولات و كل واحد منهم جايب عربية مرسيدس عيون موديل بعد ال2003, واحد جايب ال E200 kompressor و التانى جايب ال E240 و دى طبعا مش Kompressor و الاتنين كانوا جايبين العربيتين فى نفس التوقيت مع بعض من حوالى 6 سنين و ماسمعتش أن اللى معاه الE200 Kompressor غير مكنة و لا كلام من ده(what) و هما بطبيعة عملهم , بيهلكوا العربيات بتاعتهم بشكل غيييييييييييييييييير آدمى , اسأل فى الحكاية دى حد متخصص فى المرسيدس بجد و بيفهم , مش بيفتى .

و ربنا ييسرلك اللى فيه الخير .

رد: برجاء الافادة هن مواصفات ومشاكل E240 2003-2004
 

بالنسبة للشكل من وجهة نظري السي متفوقة فيه
بالنسبة للخامات المستخدمة داخليا يمكن تكون مش أد كده
بالنسبة للحجم أعتقد أنها مناسبة لمصر ولقد جلست بالسيارة في التوكيل هي فعلا ديقة شوية من ورا بس شغالة.
طبعا مقدرش أقنعك بالسي لإن الموضوع أذواق

لو هنتكلم علي الفولكس والموتور التربو متصدقش أي كلام عن إن الموتور يهلك والكلام بتاع التخمينات ده وبرضو متخدش كلام من الخليجيين لإن الناس دي التويوتا عاملالهم عمل وبيفضلوها عن أي حاجه

الموتور كمواصفات وإستهلاك أكثر من ممتاز ولا يمكن تحديد عمره الإفتراضي إلا بالتجربة (بعد عشر سنين كده) وبعدين ما المرسيدس برضه مستخدمة ضاغط هواء (Kompressor) فا متفكرش في الموضوع ده وانت بتشتري.

أهم حاجه الرحة النفسية للعربية الي بتشتريها. هي دي الي هاتديلك السعاده أثناء قيادتها وتخليك تحس بقيمة الفلوس الي إدفعت فيها. فا شيل أي حاجه تانيه من دماغك لو عايز تستمتع (عمر إفتراضي, مصاريف, مشاكل)

يا إما نفض للمتعة وجيبلك كورولا ووفر فلوسك

بس أكرر نصيحتي . إبعد عن الألماني المستعمل لإن مشاكله أكتر من فرق سعره عن الجديد

رد: برجاء الافادة هن مواصفات ومشاكل E240 2003-2004
 

انا بشكر حضرتك وكل المساهمات من الاخوة الزملاء اللي فعلا خليتني ابدأ اغير تفكيري في اتجاه الباسات على الزيرو واصرف نظر عن المرسيدس او البي ام المستعمل...هقولكم ليه:
1- المرسيدس ال C مش نازلالي من زور بالاضافة للاسباب اللي حضرتك قولتها من ان الخامات م قد كده وضيقة .
2-كانت مشكلتي مع الباسات ان موتور التربو ممكن يأثر على الموتور ومن البحث في النت واراء مهندسين متخصصين عرفت ان العربيات اللي بتيجي متربنة من بلدها بيكون متغيرلها ريداتير يتحمل درجات الحرارة العالية وايضا بيكون فيها ناقل حركة مخصوص فبالتالي لايوجد تاثير على عمر المحرك..حتى ان المرسيدس اصبحت تعتمد على شاحن الهواء في معظم موديلات ال C ، وبالنسبة للتسارع فملاكها اكدوا انها بتوصل ل 100 كم في 10 ثواني ..والعربية مش بطة او جاموسة كما يقال وان الموتور 1400 tsi مش بيقدر يستحملها..
3-شكل الباسات ضخم وفخم والماني 100 % مش تقفيل مصري مثل المرسيدس والب ام والخامات والتابلوه اكثر من رائع بل اكاد اجزم ان التابلوه اشيك من المرسيدس .\
4-امكانيات وOPTIONS رهيبة(auto park-electronic hand break-keyless entry-وانطمة اخرى كثيرة انا كنت مذهول وانا بعرفها مش موجودة غير في موديلات المرسيدس ال s او ال c الحديثة جدا.
5- اهم عامل وهو السعر يعني بال 250 او ال 260 اللي هجيب بيهم مرسيدس 2003 وهيطلع عيني عشان اكون المبلغ ده ومفيهاش كل الامكانيات السابقة اقدر اجيب باسات زيرو بكل الامكانيات المذكورة وبالضمان وابعد عن عبء الاصلاح والترميم ..

مع خالص شكري لكل النصائح التي استفدت منها فعلا
وتقبلوا تحياتي

رد: برجاء الافادة هن مواصفات ومشاكل E240 2003-2004
 

مبروك مقدما

رد: برجاء الافادة هن مواصفات ومشاكل E240 2003-2004
 

:01FDAB~189: