رد: نصيحه عن الاسبيرانزا
 

رد: نصيحه عن الاسبيرانزا
 

كلامك كويس وهو خلاصة الحكايات وانا معاك ..وعن تجربة انا ادعى انى غيرت عربيات كتيير ...بحب استطلع واجرب ..هية للحقيقة صفه هباب بس انا بحب اجرب بدأت بالبويك ثم ال127 (لاتتعجبوا من النقلة ) ثم التمبراثم الفابيا ثم اللانسر الكريستالة ثم الهيونداى النترا وميجان الآن سبيرانزا 516 وبأمانه وكما قلت كل عربية لها مشاكلها وعندما تقارن السعر بالمواصفات بالمشكلات اجد الإسبيرانزا مقبولة وعادية تصل لدرجة جيدة بين اقرانها فى فئتها ..لاادعى الخبرة لكنها خلاصة تجربتى مع الأخذ فى الإعتبار انها السيارة الوحيده التى ركبتها من الزيرو ..ويمكن ده يؤثر فى رآيى قليلا (هذا للامانه فى ابداء الرأى التقييم ) .... والله من وراء القصد وهو يهدى السبيل اعتذر للإطالة

رد: نصيحه عن الاسبيرانزا
 

الاستاذ المحترم / عمر يوسف
انا كنت فى نفس الحيرة الى انت كنت فيها بخصوص شراء سيارة فى حدود 50-70 ألف و طبعا أعت ألف وأدور و أقارن بين الثلاثة المشاهير الانوس و الفرنا و الاسبرانزا ز فى اول الامر كنت رافض الاسبرانزا شكلا و موضوعا ومضمونا لية مكنتش عارف السبب بس كلمت الصينى كانت مخوفانى جدااااا
مع انى عاندى والحمد للة خبرة كويسة ( نظريا للامانة ) ومتابع جيد لاخبار السيارات
لحد ماركبت الاسبرانزا مع أحد زملائى وجاء التحول السريع و المفاجئ لرايى فى الاسبرانزا
و أصبحت من أشد المعجبين بها (فى فئتها السعرية)
و الحمد للة أنا اشتريت واحدة 516 وزاد أقتناعى بيها . خلاصة الكلام أنا بأيد حضرتك 100 % و يمكن لوكنت صبرت على موضوعك شوية كنت هكتبة وبالحرف الواحد عشان كدة أنا مش هكرر الكلام تانى .
أنا بكتب الكلام دة وبكل أمانة لانى استفدت جدا من موضوعات و تجارب الزملاء بخصوص هذا الموضوع و لعل حد يمكن يستفيد من الموضوع و يغير رأية زى .
وشكرا جزيلا على موضوعك .

رد: نصيحه عن الاسبيرانزا
 

الف شكر يا جماعة عالردود المشجعه بصراحة انا اندهشت جدا من التفاعل الغير عادى منكم وممتن للأخوه اللى ردودهم فعلا أثرت الموضوع جميعا واتمنى ان الناس فعلا كلها تبدأ تعامل السيارات الصينيه انها سيارات عاديه فيها موديلات ناجحه واخرى غير ناجحه عيوبها مقبوله وفى النسبه الطبيعيه وكم من ماركات مشهورة انتجت سيارات فشلت فشل ذريع زى الايكو من تويوتا واليجانزا والشيرمان من دايوا وغيرها وغيرها وهنروح بعيد ليه السنه اللى فاتت التويوتا سحبت كام مليون عربيه ودفعت تعويضات مليارات لدرجة ان رئيسها بكى ذات مره فى استجواب ليه
فالاسبيرانزا ليس على راسها ريشه ولا هى بنت البطه السودا فى الاول والاخر دى ماكينة اللى يتقال على غيرها يتقال عليها
وشكرا تاااااااااااااااااااااااا نى

رد: نصيحه عن الاسبيرانزا
 

موضوع جااااااااااامد اوي

رد: نصيحه عن الاسبيرانزا
 

مشكور على الموضوع ويا رب الوكيل بحسن وجودة خدمة ما بعد الشراء يغير نظرة الناس للصينى

رد: نصيحه عن الاسبيرانزا
 

باشا وابن باشا