المشاركة الأصلية كتبت بواسطة spear7 (المشاركة 294152)

بس يا استاذي كلمة ابرك من مليون بلا فايدة ايه ياترى المهم اللوجان عمرها ماهتزعلك ابدا و صدقني عمرك ما هاتحس انك دفعت اكتر مما اخدته العربية صفقة رابحة بكل المقاييس هاشرحلك بقى ازاي الفيرنا عربية موتور عصبي وقوي جدا على العربية (التقفيل المصري المنيل ) اما موتور اللوجان ابن ناس و قوي برضه و محترم على قد العربية يعيبه ان تكنولوجيا قديمة شويتين يعني تم تصميمه سنة 2001 احسن من اللانوس بتاعت 1996 ثانيا فرامل بسم الله ماشاء الله تطمنك قوي مش زي الفيرنا ولا اللانوس اللي الفرامل تحسسك انك مش هاتقف و لو حصل طارئ و حبيت توقف بسرعة مش هاتسعفك نهائيا و دي نقطة تحتسب لإعتمادية اللوجان ثالثا وسع داخلي و راحة عالية جدا و امكانيات و كماليات على مستوى عالي زائد ان فيها وسائد هوائية يعني امان برضوا و شنطة ماقولكش تشيل فيها عجل 444546 رابعا العربية ثباتها عالي جدا جدا جدا رغم انها عالية عن الارض و دة مضاد لديناميكية الهواء اللي المفروض بيرفع العربية عن الارض في حالة ارتفاعها العالي ( معمولة عند دجال ) 444546 و دي حاجة حلوة جدا ثبات عالي و ارتفاع حلو عشان مطبات المحروسة على عكس الفيرنا و اللانوس اللي مفيش فيهم ثبات بنكلة خد عندك دي انتا تعرف ان الفيرنا لو انتا ماشي فوق ال 160 و فتحت الشباك تتقلب بيك مع اللوجان قفل العداد و اعمل اللي انتا عاوزه العربية ثابتة ( ماتمسعش كلامي سوق على مهلك ) نيجي بقى للساجا الساجا اخت اللوجان الصغيرة اعتمادية حلوة قوي قوي قوي بس المشكلة ضيقة يعني 4 ركاب بالظبط لا خامس لهم خامات داخلية مش قد كدة بس احسن من الفيرنا و اللانوس بمراحل امكانياتها حلوة قوي موتورها حلو قوي تكنولوجيا انجليزي تصنيع شركو لوتوس الانجليزية نوعه (كام برو Campro ) و كفاية قوي انها شركة ماليزية مسلمة و لازم نشجعها بس المشكلة في وكيلها في مصر حسبي الله و نعم الوكيل مضيعها تماما قطع غيارها قليلة و مش محققة انتشار تعالي بقى للجيتز قمة الامتياز بجد بس سعرها اغلى ولو قدرت تجيب جيتز تجيب نيو اكسنت احسنلك عربية غووووول بجد و ثبات و امكانيات و كلمة بقى مني الاكسنت احسن من اللانسر البومة (عارف اني هاشبع نقد ) بس و الله احسن بكتير رغم انها كوري

ANAA7TG بالنسبة للتقسيط انصحك يا ريس بلااااااااش هاتدفع تمن العربية مرة و نص و اكتر كمان ولو امكانياتك تسمح بتقسيط بس يبقى الافضل التقسيط الاسلامي عشان حقيقي هايريحك قوي بس المشكلة انه ضيق الوقت يعني ممكن يبقى خلال سنتين او 3 بالكتير مش 5 او 7 سنين بس برضوا احسن من التاني لأنه التاني هايرميك لــبنك ينتف ريشك لما هايكرهك في نفسك و يكرهك في العربية
و برضوا شوف كل الاحتمالات و احوالك المادية تسمح بإيه و ربنا يوفقك و اهم شئ صلاة الاستخارة و ابعد عن كل ماهو صيني (نصيحة من أخ ) و مبروك يا ريس و ربنا يوفقك و تكون فاتحة الخير عليك و رزقها يبقى واسع عليك و نشوف معاك حتة مرسيدس ولا بورش و آودي بلاش بي ام GIFT4U

ملحوظة : لو انا ماذكرتش حاجة عن عربية من خياراتك اعرف انها ماتستحقش الكلام عليها POLICEE

المشاركة الأصلية كتبت بواسطة حسام البورسعيدى (المشاركة 293801)

الل اللوجان فيها اير باج ومرايات ضم كهربا .

المشاركة الأصلية كتبت بواسطة spear7 (المشاركة 294910)

يا أخ محمد اللوجان طبعا بس بلاش سانديرو عشان لسة جديدة و بلاش الرينو الفرنسي الفرنسي خلينا في رينوهات داتشيا الفرنسي الروماني اللوجان اتقرشت ملحتها دلوقتي و بلاش هاتش باك العربية اساسا صغيرة و ميزة من مميزاتها الشنطة بتاعتها اما الفيات بونتو ابعد عنها قطع غيار غالية اعتمادية مش قد كدة و الفيات ماعادتش زي زمان بس الصراحة هي شكلها يهبل بس الا قولي انا ملاحظ ان كلامك كله عن الهاتش باك ايه انتا مش بتحب السيدان ولا ايه 444546