رد: هل شراء الأوبل المستعمل في هذا الزمان جــــــــــــــــنـــــــ ـون
 

أما بأه

لو قدامك عربيه أوبل وعارفها زى مابيقولوا

من ساسها لراسها

ومع واحد أنت عارف أنه مبيبخلش عليها بالصيانه

وحالتها تمام

هاتها وأقتنيها وواليها بالمصاريف

___________________

أنا كل كلامى السابق ليك

لخوفى عليك

لا تقع فى عربيه مع واحد عاوز يتخلص منها

وبدل مكان يصرف هو عليها

علشان يخليها عربيه صح

تقوم أنت تشيل تكاليف الصيانه العاليه

المعروفه عن الألمانى واليابانى

أتمنى تكون أخدت بالك مما أعنيه

لأنك أشتريتها خلاص وبأت تلزمك

رد: هل شراء الأوبل المستعمل في هذا الزمان جــــــــــــــــنـــــــ ـون
 

انا اشتريت رينو لوجان و انا بتقطع لان الفترة الاخيرة كان معايا اوبل فيكترا B موديل 1997 اوتوماتيك 2000 سي سي
طبعا العربية ما شاء الله جبارة و كانت معايا لمدة شهر واحد بس كنت واخدها من واحد زميلي اجربها و هو مكنش محتاجها في المدة دي
بس للاسف عملت مقارنات كتير جدا كلها عن اسعار قطع الغيار و الصيانة و الصنايعية الي بتفهم فيها للاسف مكنتش هي الاختيار الصحيح معايا لاني ببساطة ظروف شغلي تمنعني اني اجري وراها علي الصنايعية الي اغلبهم بيفتوا و مش بيفهموا
بس انا شفت فيها امكانيات و كماليات في عربية من 13 سنة مش موجودة في عربيات كتير 2011
ان شاء الله انا لو غيرت عربيتي في المستقبل هجيب الماني لانها عربيات جديرة بالاحترام

رد: هل شراء الأوبل المستعمل في هذا الزمان جــــــــــــــــنـــــــ ـون
 

قطع غيار ......قطع غيار ......قطع غيار ...... غالية
تمـــــــــــــــــــــــ ـــــــــــــــــــــــــ ـــــــــــــــــــــــــ ــــــــام
لم يرد أحد علي حتى الآن خصوصا اهل الخبرة والمتخصصين في موضوع اسعار قطع الغيار خاصة قطع الغيار الدورية واسعارها
ارجو
اسم قطعة الغيار
سعرها في التوكيل سعرها خارج التوكيل عمرها
................... ...................... ..................... .........
من ميكانياكا وصاج

فانا قرات في المنتدى عن قطع الغيار مثلا للصيني فوجئت مثلا بأسعار التالي برليناس FSV كالتالي واظن ان الأوبل ارخص وأظن اولى بالإقتناء من الصيني حتى لو من البافارية

برلنيلنس FSV


1-كبود 2600

2-رفرف امامي شمال 760

3-رفرف امامي يمين 760

4-باب امامي يمين 2300

5-باب خلفي شمال 2300

6-باب خلفي يمين 2300

7-إكصدام امامي 1150

8-إكصدام خلفي 1190

9-شبكة إكصدام امامي 405

10- صدر امامي بالقنطرة السفلية 1150

11-زجاج امامي 600

12-زجاج خلفي 400

13- زجاج باب امامي شمال 135

14- زجاج باب امامي يمين 135

15- زجاج باب خلفي شمال 130

16- زجاج باب خلفي يمين 130

17- باكتة باب امامي يمين 90

18- باكتة باب امامي شمال 90

19- باكتة باب خلفي يمين
75

20- باكتة باب خلفي شمال 75

21- مساعد امامي 280

22-مساعد خلفي 240

23- مراية جنب شمال كهرباء 360

24- مراية جنب يمين كهرباء 360

25- كرتيرة رفرف امامي شمال 100

26- كرتيرة رفرف امامي يمين 100

27-كرتيرة رفرف خلفي شمال 90

28- كرتيرة رفرف خلفي يمين 90

29- جنط عجل مقاس ( 15 ) 527

30- جنط عجل مقاس (16) 900

31- طاسة جنط عجل 28

32- مسمار عجل 8

33- فلتر زيت 35

34- فلتر هواء 50

35- فلتر بنزين 53

36- بوجيه 30

37- فلتر تكييف 65

38- رادياتير 850

39- كلاكس عالي 45

40-سربنتينة تكييف خارجية 1100

41- فانوس كشاف امامي 500

42- فانوس شبورة امامي 220

43- فانوس خلفي 175
44- اويل سيل كرنك امامي 85

45- اويل سيل كرنك خلفي 65

46- دسك عجل امامي 200

47- دسك عجل خلفي 440

48- تيل فرامل امامي 330

49- تيل فرامي خلفي 220

50- ريشة مساحة 50

51- مقص سفلي امامي 450

52-مقص علوي امامي يمين 300

53- مقص علوي امامي شمال300

رد: هل شراء الأوبل المستعمل في هذا الزمان جــــــــــــــــنـــــــ ـون
 

على راى المثل اللى مايعرفش يقول بطيخ
يعنى اه الامانى غالى واه مصاريفه عالية واه له ناس معينة بس هيا اللى بتبيع حاجته او تشتغل فيه
بس قصاد كده انت مستمتع بكل حاجة فى العربية ابتداء من صوت قفلة الباب لحد فرملتك وانت ماشى 200 بس طبيعى انك تسمع الكلام ده فى بلد الزلمكة وال 128 وال 504 وبس انا عن نفسى شايف ان الاوبل فيكترا تحفة ونادرا ما تحتاج صيانة لو حالتها كويسة ولكن اقتناء سيارة ليس له دخل بمعاك ثمنها ولا لا بل الكلام كله اذا كان دخلك يسمحلك بتغطية صيانتها فى حالة حادثة ولا فتحت بقها لا قدر الله ودى حاجة بتاعتك

وخلاصة لو ظروفك مش مناسبة هات حاجة سكودا فيليشيا a4 و مش هاتحس انك نزلت من الالمانى والفروق بينها وبين الفيكترا طفيفة

رد: هل شراء الأوبل المستعمل في هذا الزمان جــــــــــــــــنـــــــ ـون
 

أنا عاوزك تعرف بس

أن إللى ميعرفش

بيقول عدس ..........مش بطيخ

رد: هل شراء الأوبل المستعمل في هذا الزمان جــــــــــــــــنـــــــ ـون
 

اصلى مش بحب العدس HUUM

واوعى تفتكر انى بتتريق على ايا من الردود انا المقصود بجملتى الناس بناعة "قالوله " و "اصلى سمعت " والكلام ده وده السبب الاساسى اللى بيخلى عربية 128 ثمنها اغلى من الهوندا والاودى من نفس الموديل وشايف ان الراجل لو حابب الفيكترا وحاتحقق طموحه ومعاه مصاريفها خلاص يتوكل على الله بس يحرص للحصول على حالة عالية

رد: هل شراء الأوبل المستعمل في هذا الزمان جــــــــــــــــنـــــــ ـون
 

لو عايز تريح نفسك يبقى زيرو وبلاش مستعمل
المشكلة إن مفيش حاجة زيرو معقولة في حدود ال 50 ألف

حاول تجيب حاجة كسر زيرو قريبة من هذا المبلغ

المستعمل عذاب والله حتى لو مرسيدس عذاب عذاب