|
رد: صيانة واصلاح لانوس 99
اقتباس:
هو الصيانات بأذن الله مش هتاخد وقت وهتخلص بسرعة. بس عموما ياباشا متسيبش العربية لأى حد أبدا مهما كان, ولا تدى المفتاح لحد خالص, المثل بيقول better safe than sorry. وبأذن الله شغل كريم يعجبكROSE4U. |
رد: صيانة واصلاح لانوس 99
كتر خيرك يا باشا عالوصفة الجامدة دى ... انا كمان مبتدىء فى موضوع العربيات ولسه جايب لانوس برضه وساكن فى عين شمس وكنت بادور برضه على ميكانيكى كويس وامين اروحله.. وماصدقت بصراحة لقيت الموضوع ده.. لانى عاوز حد يشوفلى العربية برضه مع انى رحت لواحد اول ما جيبتها بس حسيت انه كروتنى مع انه الميكانيكى بتاع والدى .. فعاوز اشوف حد تانى
وهحاول اروحله النهاردة او بكرة بالكتير ان شاء الله ... كمان تبقى كسبت فيا ثواب لو تقولى على كهربائى كويس فى نفس المنطقه يبقى كده تمام . ملحوظة هامة::: سؤال رخم هو شارع المطرية العمومى ده اللى على ناصيته بنزينة موبيل من ناحية السواح وفيه فى نصه ستوديو مواهب واخره برضه البنزينة بتاعت ميدان المطرية ؟؟؟؟ مستنى ردك يا معلم عشان لو هو الشارع اروح بعد الشغل... |
رد: صيانة واصلاح لانوس 99
اقتباس:
اقتباس:
شكرا ياباشا على كلامك, وأه هو ده الشارع فعلا. والكهربائى فى واحد جنبه من النوع اللى بيعمل كل حاجة, كوالين على سنتر وهكذا, بس الكهربائية اللى بجد فى المنطقة من جوه. |
رد: صيانة واصلاح لانوس 99
تسلم يا معلم ..........
|
رد: صيانة واصلاح لانوس 99
سؤال رفيع يا باشا ...
انا كنت بقرا مواضيع عن الفلتى الرياضى وكان تعليقاتك منوراها ولاحظت ان معاك لانوس بفلتر رياضى... كنت عاوز اغش منك بقى الحوار ده.. انا معايا لانوس2 عاوز اعرف هى انجيكشن ولا كربراتير؟؟ واركب الفلتر فين وهل الميكانيكى بتاع المطرية اللى وصفتهولى هيعرف يركبهولى كويس؟؟؟ وهو محل الكماليات اللى جنبه هلاقى عنده الفلتر الصينى ؟؟؟ معلش بتعبك معايا.... اصل اخوك لسه جاهل شوية |
رد: صيانة واصلاح لانوس 99
شوف يا سيدي لو أنت في عين شمس .. عندك مركز المهندس عادل خلف مستشفي الحلمية العسكري اللي في جسر السويس قبل الألف مسكن .. و كمان التاني ورشة أحمد بوله .. بجوار موقف اتوبيس 46 بمساكن الحلمية .. قريب من نهاية شارع صعب صالح من ناحية منشية التحرير.. ودي ورش بها امكانيات و اجهزة حديثة .. و اسعارها قليلة جدا و مش غاليه .. خصوصا أحمد بوله .. بجوار موقف الأتوبيس .أما عن الكهربائي فعندك جمال الكهربائي .. في شارع اسطفانوس .. خلف كنسية العذراء ناصية صعب صالح من ناحية أحمد عصمت
و بالتوفيق و مبروك عليك الدايو .. |
رد: صيانة واصلاح لانوس 99
اقتباس:
يا باشا كلنا جهلة وبنتعلم, مافيش حد أحسن من حد. اللانوس أنجكشن طبعا ياباشا, ومافيش موديلات فى اللانوس كاربراتير خالص. الفلتر موجود عنده ياباشا, وأسعاره بتتراوح بين 60 الى 90 سيموتا صينى (مضروب) بس طالما أول تجربة ليك مع الفلتر مش هتخسر حاجة. وأه ياباشا هو بيعرف يركبه, والموضوع مش كبير وحضرتك تقدر تركبه بنفسك, وعلى ما أذكر أنا شرحت بالتفصيل الممل فى الموضوع بتاع الفلاتر, لو عايز أشرحلك تانى مفيش مانع, وصوت الفلتر هيعجبك:), ومحل الكماليات عنده حاجات كتير من أول الفلاتر للديفل, للطارات الأسبور (الدركسيون:)). ربنا يباركلك فى اللانوس, هى عربية رائعة وهتصونك بأذن الله. |
| الساعة الآن 03:21 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017