رد: سؤال في تعديل ال١٢٨
 

أنا معايا ال١٢٨ الشكل القديم موديل ٧٧ إيطالي وناوي أظبتها بس لما أشوف هعمل إيه في الأفيو عشان موضوعها لسا مخلص يا أبو نورا
والكلام الي بتقولوا عليه ده هيخش في كام تقريبا وهيا معمولها دعمات وشدادات عشان كانت الوالدة دخلت بها في لادا وقبليها أتوبيس نقل عام بس
*حالتها كويسه
*المساعدين كويسين إيطالي بتعها أصلا
*المتور ال١٣٠٠ حاسس إنه قليل شويه
*فيها تقم بوجيهات ألماني بواصلتهم
*البيبان كويسه
*التبلوه معقول بس مفيهوش مكان للتكيف غير الفتحتين المدورين الي في وسط التابلوه
* العربيه ثابته لحد ٩٠ وبعد كده مع السلامه
*الفرامل على سيرفو بس ضعيفه شويه
*فيها كوتش عريض على الجنت بتاعها ال١٣

أنا أهم حاجه عندي إنها تستحمل مشوار من مصر الجديده لحلوان كل يوم حوالي ١٢٠كم كل يوم
وتكون مريحه في السواقه (معقوله يعني)

وغالبا لو هعمل كده هيبقى في الصيف لإني مطحون في الكليه (هندسة بقى بس كهربا)
وأنا لسا مركبلها cd player كينوود وسماعات ٣٠٠ وات كينوود برده

معلش لو طولت عاليكوا وإدعولي أخلص من حكاية الأفيو دي عشان خلاص إتخنأت

رد: سؤال في تعديل ال١٢٨
 

فى واحد صاحبى نزل مكنة الفاروميو 2000cc ingection ...half turbo و عملها تعديل فى الشاسيه ..
شال الشاسيه باعها خالص و عمل شاسيهات جديدة ,و طول الحوض من الامام حوالى 10 او 15 سم .
و فرامل سكاكين امام و خلف .و عفشة ريجاتا سبور .و مركب جنط 17 و ارتفاع الكاوتش 40 تقريبا.
مع الاكصدامات بقى و شغل الbody kit .
الموتور لوحدة كلفه 7000 ج تقريبا موتور بالمصنعية و التقويات ...
و ده فى الزقازيق برضه..

رد: سؤال في تعديل ال١٢٨
 

عندك وقت للقرائه
ادخل هنا وعيش
http://www.masrmotors.com/vb/showthread.php?t=6695

رد: سؤال في تعديل ال١٢٨
 

السلام عليكم يا شباب
انا معايا 128 و عامل فيها كل حاجه ممكن تتعمل وربا يكفيني شررها
1- قويت الشاسيه بتركيب علب سمك 3 مللي داخل ال شاسيه و يقابلها علبه اخري ماسكه الركبتين و اخري ماسكه الشاسيهين من الخلف + بارات داخل الرفارف الاماميه علي شكل L + تنفيخ الرفارف أدام و ورا وعملوا 1200 بالتركيب
2- ركبت عفشه كامله مونرو ( هارد ساسبينشن ادجصتبل ) ودي عشان تستحمل ثقل الموتور مع تهبيطها العربيه وعماوا 2100 بالتركيب فالحرفيين
3- سقط موتور اونو 1400 توربو بطقم مساطر الفرامل عشان يقدر يوقف العزم اللي طالع من المكنه عملوا 3500 بالتركيب
4- شغل الفايبر...2 اكسضام , 2 عتب عملوا 800 بالتركيب
5- وحدتين مساعدين لرفع لابواب لتفتح لاعلي 2200 بالتركيب
6- تابلوه كورسا كامل بالأطمه والدراعات و تشغيل جميع العدادات و تظبيط مكانه بالمللي 1100 بالتركيب
7- طقم جنوط سبور 14 + الكاوتش ( low profile ) عملوا 3000
8- البويا ميتاليك برا و جوا عاملا 1400
9- 2 كرسي ريكارو اصلي 1800 + فرش للسقف و الارضيه و الشنطه و الكنبه 750
10- عده الصوت *الكاسيت alpine *اربع سماعات 500 وات kenwood *بازوكه kenwood 1800 watt * جي ام pioneer 4 chanel 800 watt

رد: سؤال في تعديل ال١٢٨
 

جبت الموتور منين وبكام يا باشا لو سمحت ؟؟؟؟؟

رد: سؤال في تعديل ال١٢٨
 

128 حرام عليك تصرف عليها

رد: سؤال في تعديل ال١٢٨
 

لو سمحتم بالنسبة لسيارة لانشيا ديدرا 1995 أريد شرائها , فممكن حد من الاعضاء الكرام ان ينصحني بشرائها ام لا , ومميزتها وعيوبها . وشكرا جزيلا ارجو الرد علي موضوعي ضرورررررررررررررررررررررر ررررررررررررررررررررررررر ررري ي