رد: سؤال لخبراء لانسر كرستالة موديل 2000 اوتوماتيك
 

ماشاء الله صورتك جميلة والبدلة مع القميص والكرافتة شييييييييييييييييياكةعلى الاخر
وعلى فكرة من يوم ما شاركت فى المنتدى وانا بفكر انك الشخص التانى اللى معاك فى الصورة....
بس بالنسبة لصيانة الاتوماتيك زى المانوال ونفس مكونات الموتوربتاعها ولا غيره وأى ميكانيكى وعفشجى وكهربائى يشتغلوا فيها ولا لازم متخصصين
كمان فيها جنوط 15ممكن تضر العربية ولا عادى وهل ممكن تأثر على العفشة والمقصات والبور ولا ملهاش مشاكل...
كمان ليا صحبى معه سبرانزا 516 وبيشكر فيها وبيقولى متخدهاش وكمل 9 الاف على تمنها وهات سبرانزا 2011 احسن وهل لو العربية دى عطلت او البطارية نامت ينفع تدور زق او تقطر ولا لازم تترفع وهتوقفنى وسط الطريق......

رد: سؤال لخبراء لانسر كرستالة موديل 2000 اوتوماتيك
 

بالنسبة للميكانيكي اللي بيشتغل فيها هو أي ميكانيكي وكهربائي وعفشجي عادي جداً
ومش هتفرق كتير
بس بالنسبة للأسبرانزا كل اللي ركبها بيقول ان عفشتها ناشفة أوي
وكمان لو ماشي ومشغل التكييف السحب بيبقى وحش أوي بطريقة ملحوظة جداً
ده غير إن تكييف الأسبيرانزا ضعيف أوي على عكس تكييف الكريستالة اللي عامل زي التلاجة

رد: سؤال لخبراء لانسر كرستالة موديل 2000 اوتوماتيك
 

شكراً للأستاذ حمادة الشاعر عالاهتمام
وأرجو من حازم بك خضر أن يرد على استفسارتى السابقة بالتفصيل لثقتى فى أرائك

رد: سؤال لخبراء لانسر كرستالة موديل 2000 اوتوماتيك
 

محمد باشا
أنا النهاردة كنت بشتري عربية مستعملة كريستاله
أنا بقى لقيت عربيتين منهم واحدة متدمرة وواحدة تانية زي الفل
بالنسبة للكويسة دي مواصفاتها كالتالي
هي مانيوال 1998 هاف أوبشن ( تكييف - باور - سنتر - زجاج أمامي كهرباء والزراير جنب الفتيس ) ودي حاجة أومليت أوي عاملة زي مايكون مش بتوع العربية الأصليين
والعربية فبريكة دواخل بالكامل ماعدا إنها مغيرة كبوت لأنها واخدة خبطة في الوش وجاية في الكالون بتاع الكابوت وده اللي خلاني ماخدش العربية
وكمان الراجل اهبل وبيتكلم ف 47000 رغم ان الخبطة اللي قدام مسمعة في الشنب حاجة بسيطة
بس انا ماارتاحتش للعربية وسيبتها
بس الكريستالة بصفة عامة عربية مناسبة أوي والأوتوماتيك منها أحسن من المانيوال كمان
فماتقلقش من الأوتوماتيك
ولو العربية اللي قدامك كويسة وحالتها تمام
خلص فيها بس اقرص على الراجل في السعر

رد: سؤال لخبراء لانسر كرستالة موديل 2000 اوتوماتيك
 

والله يا حمادة بك أنا حاولت أنزل فى السعر شوية لكن ده أخر سعره دا كمان كان بيحكى فى 55 ونزلت لكده بالعافيه كمان هو مركب جنوط سبور 15 عرفنى أنى لو اشترت العربية منه هيشلهم ولو عايزهم هيزود ألفين تانى يبقى 53 لأنه بيقلى انه اشتراهم من التوفيقة ب 4 الاف من 3 شهور
ويارات تعرفلى باقى الاجابات على تسأولاتى السابقة من حيث ............
1- لو العربية دى باعتبارها اوتوماتيك عطلت فى الطريق أو البطارية نامت وأحنا داخلين على الشتا كل سنة وانت طيب ينفع تدور زق أو تتقطر(تتجر بعربية تانية) ..
2- مكونات ماتورها نفس المانوال ولا متغيرة شوية؟؟
3- اشتريها ولا اجيب اسبرنزا 2011 أفضل وفرق بسيط....
4- الجنوط ال15 تتعب العفشة وتقل البور وتتعب الماتور والمقصات ولا عادى ذى ال13 الاصلية .......
5- الميكانيكى والكهربائى والعفشجى اللى بيشتغلوا فى المانوال نفس اللى بيشتغلوا فى الاتوماتيك...........
وشكراً عاى الاهتمام ويارات الاستاذ حازم بك خضر وباقى متخصصى كرستالة يشاركونا برئيهم .......

رد: سؤال لخبراء لانسر كرستالة موديل 2000 اوتوماتيك
 

فينك يا حازم باشا

رد: سؤال لخبراء لانسر كرستالة موديل 2000 اوتوماتيك
 

هي عربيه محترمه جدا بس تكشف عليها كويس جدا