مصر موتورز مجتمع السيارات - محتاج رأيكم فى تغيير موتور الماتريكس

مصر موتورز مجتمع السيارات (https://www.masrmotors.com/vb/index.php)

- Hyundai Matrix - ماتريكس (https://www.masrmotors.com/vb/forumdisplay.php?f=135)

- - محتاج رأيكم فى تغيير موتور الماتريكس (https://www.masrmotors.com/vb/showthread.php?t=38520)

رد: محتاج رأيكم فى تغيير موتور الماتريكس

اقتباس:

المشاركة الأصلية كتبت بواسطة dr_eslam_66 (المشاركة 275545)

اوك تمام الراجل صرف نظر الحمد لله بس بشويش بس هوا دلوقتي مش كل فولة وليها كيال ولو إنتا ليك نفس تركب ماتريكس وفلوسها مقصرة معاك شوية مش فيه حاجة إسمها فرصة وشطارة وكل واحد ورزقه.
طيب معلش هطول عليكوا شوية دلوقتي لو أنا ماشي الماتور سخن وماخدتش بالي قام مدخن هعتعملوا إيه هتقولولي إعمل نص عمرة طيب عملت مرة وإتنين وتلاتة بس بردو يا أخي أنا مصر ما أخدشي بالي من حكاية الماتور دي ولا يمكن بشد أو بقرص عليه شوية وهيا عربية تقيلة ماتستحملش الفرك دا المهم غيرت ماتور والعربية فابريكة برة وجوا زي الراجل ما قال إيه المشكلة بقى مافيش أي مشكلة بالعكس دي ميزة لو العربية فابريكة برة وجوا ودا يمكن التأكد منه بالكشف عادي على فكرة وأفتكر أي معجون بيبان مش محتاجة فكاكة ياعني يبقى فاضل الماتور اقيس كبس الماتور وأسمع صوته ولو مقبول أوك تمام ويبقى أنا عرفت أركب ماتريكس حالتها كويسة الحمد لله وبسعر كويس دي حاجة جميلة.
وبعدين يا جماعة هل دا ياعني ذنب صاحب العربية إنه قالك إنه مغير ماتور ماهو ممكن مايجيبلكش سيرة أصلا بس الراجل عامل ضميره فيك ياعني الحمد لله أهل للثقة وياعني أنا لو غيرت ماتور وغيرت رقمه على الرخصة حد هيجبرني على الإدلاء بأقوالي غير ضميري للي بيشتري.
يلا ربنا يكرمك بأحسن منها يارب وتكون حالة أشد وتمن أرخص.
بالتوفيق إنشاء الله.

يسلم فمك ، هو ده الكلام العقلانى ، يا ريت كل الناس تنصح بموضوعية زى حضرتكROSE4UROSE4U

رد: محتاج رأيكم فى تغيير موتور الماتريكس

أي حاجه في العربيه ممكن تتغير وتبقى العربيه كويسه طالما اتنفذت صح وبقطع اصليه
لكن متهيألي السؤال الاهم هو غير الموتور ليه؟؟
لو سوء استخدام ... يبقى العربيه كلها سوء استخدام ... فتيس و عفشه ومفيش صيانه ولا تغيير سيور أو زيوت في مواعيدها
عيب صناعه ... وارد
كيلومترات كتير ... يبقى العربيه كلها استهلكت طالما الموتور استهلك .. ويا فرحتي بالفابريقه

لازم حضرتك تكشف على العربيه كويس اوي لو عاجباك و مصمم عليها

رد: محتاج رأيكم فى تغيير موتور الماتريكس

اقتباس:

المشاركة الأصلية كتبت بواسطة sam ram (المشاركة 280072)

أي حاجه في العربيه ممكن تتغير وتبقى العربيه كويسه طالما اتنفذت صح وبقطع اصليه...... كلام جمييييل وكلام معقول ما أقدرش أقول حاجة عنه.
لكن متهيألي السؤال الاهم هو غير الموتور ليه؟؟
لو سوء استخدام ... يبقى العربيه كلها سوء استخدام .. طبعا بس ماننساش إني الي بيشتري بيفحص كويس كل حاجة غير إني التلفيات بتقدر بـفلوس ياعنى هيكون التمن أرخص. فتيس و عفشه ومفيش صيانه ولا تغيير سيور أو زيوت في مواعيدها .. بس لا سيور مهم ولا زيت لو إفترضنا إننا خلاص غيرنا الماتور أما الباقي فا الفحص السليم هيبين.
عيب صناعه ... وارد
كيلومترات كتير ... يبقى العربيه كلها استهلكت طالما الموتور استهلك .. ويا فرحتي بالفابريقه

لازم حضرتك تكشف على العربيه كويس اوي لو عاجباك و مصمم عليها .. هوا دا الكلام السليييييييييم والله ينور ويفتح عليك.

أنا عن نفسي وعن تجربتي الشخصية مع الماتريكس أوتوماتيك غيرت ماتور بعد إستخدام شاااااااق لمدة ست سنين على فكرة.
وبعدها بسنة غيرت جير بوكس وفي النص كنت مغير عفشة كاملة غير كام خبطة كدة ولا كدة متوزعين ورا ولا قدام بس والله شغالة زي القرد ومش حاسس بمشكلة خطيرة فيها ياعني كل حاجة بتتغير وبتركب صح وفي الآخر العربية بتشتغل بردو صح.
ومتأسف على الإطالة.ROSE4U

رد: محتاج رأيكم فى تغيير موتور الماتريكس

ابعد عنها احسن ودى نصيحة لك ان تقبلها ولك ان ترفضها

رد: محتاج رأيكم فى تغيير موتور الماتريكس

اقتباس:

المشاركة الأصلية كتبت بواسطة dr_eslam_66 (المشاركة 281354)

بس اعتقد يادكتور مبترجعش ذى الأول

رد: محتاج رأيكم فى تغيير موتور الماتريكس

اقتباس:

المشاركة الأصلية كتبت بواسطة BASSEM BESO (المشاركة 282589)

بس اعتقد يادكتور مبترجعش ذى الأول

صدقني والله خلينا متفقين على حاجة أي حاجة بتغرها بأختاها وجديدة وبتشتغلها صح بترجع العربية أحسن من الأول بس مش دا الي حاصل هنا إنتا بتغير ماتور بايظ بماتور مستعمل وجير مكسور من كتر الإفترى بواحد بردو إستعمال خارج ياعني في الآخر القطع الي أنا ركبتها كانت بردو مستعملة بس لو بتبدل بجديد العربية طبعا أداءها بيختلف معاك 180 درجة.
ممكن سؤال ياباشا صورة العداد دي إنتا الي مصورها ولا جايبها من على النت.؟؟؟؟؟