رد: ياريت حد يشرح لنا تابلوه ستروين AX
 

انا شوفت المانيوال اللى عندى لقيتى بتاع صيانة فقط ومافيهوش اى حاجه عن التابلوه
عايزين حد يساعدنا ولو بتصوير التابلوه بتاعة وشرح الزراير اللى فيه واللمبات اللى مش بنشوفها خالص

رد: ياريت حد يشرح لنا تابلوه ستروين AX
 

رابعا: لوحة أجهزة القياس (التابلوه):

1- عداد السرعة (كم/ساعة)
2- عداد عدد لفات الموتور في الدقيقة RPM
3- عداد كيلومتر كلّي وآخر للرحلات (يمكن تصفيره بالضغط على الزر أسفله)
4- ساعة رقمية (يتم ضبطها بإدارة الزر الذي بجانبها لليمين ولليسار)
5- مؤشر كمية الوقود
6- لمبة انخفاض كمية الوقود (أسفل مؤشر كمية الوقود - تضيء أصفر - عندما تضيء باستمرار يكون المتبقي في الخزان حوالي 5 لتر)
7- مؤشر درجة حرارة مياة تبريد الموتور
8- لمبة تحذير ارتفاع درجة حرارة مياة تبريد الموتور (أعلى مؤشر الحرارة - تضيء أحمر)
9- لمبة تحذير شحن الدينامو (تضيء أحمر)
10- لمبة تحذير انخفاض ضغط زيت الموتور (تضيء أحمر)
11- لمبة تحذير شد فرامل اليد (تضيء أحمر)
12- لمبة تحذير تآكل تيل الفرامل الأمامي (تضيء أحمر)
13- لمبة شد الشفاط (تضيء أصفر عند سحب الشفاط الموجود يسار عجلة القيادة)
14- لمبات إضاءة نور التحديد (تضيء أخضر) والنور الأمامي (تضيء أحمر) والنور العالي (تضيء أزرق)
15- لمبات الإشارات اليمين واليسار والإنتظار (تضيء أخضر)
16- زر تسخين الزجاج الخلفي للسيارة (يمين إطار التابلوه وبه لمبة برتقالي)
17- زر إضاءة لمبة الشبورة الخلفية (يسار إطار التابلوه وبه لمبة برتقالي)
************************* **
لمبة تحذير تآكل تيل الفرامل الأمامي (تضيء أصفر وليس أحمر)
************************* ********
الحرارة الطبيعية للموتور أثناء السير تكون ما بين 90 و 100 درجة مئوية

الثرموثتات الذي يسمح بمرور مياة تبريد الموتور إلى الرادياتير يبدأ الفتح عند درجة حرارة 89 مئوية و يفتح تماما عند 101 درجة مئوية (قبل الفتح تكون دورة التبريد من خلال الموتور فقط بدون المرور على الردياتير)

مروحة الردياتير تبدأ الدوران عند درجة حرارة 97 مئوية وتفصل عن الدوران عند 92 درجة مئوية

رد: ياريت حد يشرح لنا تابلوه ستروين AX
 

تسلم الايادى يا برنس

رد: ياريت حد يشرح لنا تابلوه ستروين AX
 

انا هقول نقطة رفيعة كده بخصوص الفوانيس الخلفية
طبعا كل مالكى الستروين عارفين ان وش الفانوس الخلفى مافيهوش النور الابيض بتاع المرشدير والموجود فى الوش اللون الاحمر تحت خالص بينور مع المارشدير واللى اكتشفتة بالصدفة من فترة قريبة هو نور الشبورة الخلفى والزرار بتاعة موجود فى التابلوه على الشمال
وبالتحديد الزرار المقابل لزرار سخان الزجاج الخلفى على حافة اطار لوحة العدادات
الزرار ده كن شوية ينور وشوية يطفى (نور الزرار نفسة) ومش عارف ده بتاع ايه ومش شايف له اى تأثير لغاية مالقيت اخر جزء فى الفنوس الخلفى من تحتلونه احمر برضه) بينور من الزرار ده وسألت وعرفت انه شبورة خلفى وبيشتغل مع النور الصغير(الليلى) فقط
يبقى عندنا الفنوس اليمين مرشدير والشمال شبورة خلفى
وطبع باقى الاجزاء معروفة من فوق لتحت
1-فرامل
2- اشارات
3-اضاءة ليلية (النور الصغير)
4- يمين مرشدير شمال شبورة

وانتظروا المزيد ان شاء الله عن التابلوه

رد: ياريت حد يشرح لنا تابلوه ستروين AX
 

انا كمان بضم صوتى لصوتك مش فاهمه حاجه طبعا وده العاده فى التابلوه خصوصا الزراير ههههههههه يا رب حد يقول لنا فعلا وانت لو عرفت يا ريت تقولنا