مصر موتورز مجتمع السيارات - التكيف بااااااااااظ

مصر موتورز مجتمع السيارات (https://www.masrmotors.com/vb/index.php)

- تكييف السيارة (https://www.masrmotors.com/vb/forumdisplay.php?f=150)

- - التكيف بااااااااااظ (https://www.masrmotors.com/vb/showthread.php?t=38339)

رد: التكيف بااااااااااظ

اقتباس:

المشاركة الأصلية كتبت بواسطة samirayad (المشاركة 277120)

http://files03.arb-up.com/i/00326/4gfyd2441071.bmp

شوف كده ياجميل

وقوللى رأيك

موش عارف يا صديقى بس هى حاجه فيها شبه من اللى فوقيها هو ورانى واحدة كانت عندو ولاحظت ان كان طالع منها فردة سلك ................ معلش موش عارف اودح حاتعبك معايا .................... بص يا سيدى انا رحت انا و هو لواحد ميكانيكى كان جنبه لسه فاكك كومبروسر بايظ قالى نفك ديه منه علشان اللى عندك هى اللى بتعمل قفله كهرباء و نركب ديه مكانها و قالى حاخلصها من الراجل ب 100 ج يارب اكون افدتك و اعذرتى لو كنت توهتك ............. بس هو كرر كلمه موبينه ديه مليون مرة حتى لما رحنا للميكانيكى اللى جانبه؟

رد: التكيف بااااااااااظ

اقتباس:

هى حاجه فيها شبه من اللى فوقيها هو ورانى واحدة كانت عندو ولاحظت ان كان طالع منها فردة سلك ................

فعلا

كما توقعت أنا ياجميل

فهو يقصد تغيير طنبوره كامله

إللى هى رقم 6 فى الصوره

ودى ياسيدى بيكون محطوط جواها الكويل رقم 7 فى الصوره

لسبب هندسى كهربى

أول ماتحب تشغل التكييف ....بيروح كهرباء 12 فولت للكويل ده ويتحول لمغناطيس

مؤقت

....فبيروح جاذب الديسك الأسطوانى رقم 4

ومن هنا بتحدث ظاهرة التعشيق clutching

وبالتالى بيدور قلب الكمبروسور الداخلى رقم 11 بالصوره

حتملا بداخله المكابس التردديه للضاغط أو الكمبروسور

وتبدأ عملية ضخ الفريون ....يعنى بتبدأ دورة التكييف

_____________________

وحقا فهو يقصد بالموبينا .....الكويل كما بينت لك

دا راجل صنايعى

ومعروف الصنايعيه

فهم يطلقون أسماء دارجه على قدر تشبيهاتهم

وبالفعل فهم يقولون على أى ملف كهربى أو كويل ......أسم الموبينا ....وساعات

البوبينا

أستنادا لفهمهم عن دور بوبينة أو موبينة الدينامو أو المارش الكهربائى بالسياره

_________________________ ___

توكل على الله وأديله المائة جنيه

وخليه يغيرهالك

بس برضه أتفق معاه

على أن الطنبوره بالكويل تحت التجربه

وبالتوفيق

رد: التكيف بااااااااااظ

اية الجمال دة يا جميلين الله يجمل أيامكم!

رد: التكيف بااااااااااظ

شكرا استاذ سمير على معلوماتك اللى بتفيدنا كلنا بجد

رد: التكيف بااااااااااظ

شكرا

أستاذ : علاء

وأستاذ : هشام

رد: التكيف بااااااااااظ

اقتباس:

المشاركة الأصلية كتبت بواسطة samirayad (المشاركة 278256)

باشا كلمه شكرا موش كفايه عليك انت بجد جبت من الاخر بالشرح المفصل و الصور التفصيليه كمان انت بجد حد فاهم وشكرا على اهتمامك و ردك الجميل يا جميل ..... حاتابع معاك ان شاء الله بعد اما اروح اعمل الحكايه ديه عندو .......... كمان مرة الف الف الف شكر ليك

رد: التكيف بااااااااااظ

أرجو لك التوفيق