مصر موتورز مجتمع السيارات - ضبط الزوايا بالأسكندرية

مصر موتورز مجتمع السيارات (https://www.masrmotors.com/vb/index.php)

- مراكز الصيانة (https://www.masrmotors.com/vb/forumdisplay.php?f=202)

- - ضبط الزوايا بالأسكندرية (https://www.masrmotors.com/vb/showthread.php?t=38317)

رد: ضبط الزوايا بالأسكندرية

اقتباس:

المشاركة الأصلية كتبت بواسطة Bahi (المشاركة 273841)

الله يرحم والدك ووالدى وجميع أموات المسلمين ... ان شاء الله لما أقابلك فى اسكندرية الجمعة القادمة توصفلى مكان البنزينة بالضبط علشان لما أحتاجها ... جزاك الله خيرا.

يا ترى قرأت الحلقة الثانية من موضوع متعة هواية الصيد يا صيادنا الكبير؟ http://www.masrmotors.com/vb/showthr...t=38223&page=3

الله يرحم موتا المسلمين جميعا
ان شاء الله لما نتقابل اوديك البنزينة
انت تأمر

رد: ضبط الزوايا بالأسكندرية

بص يا باشا انا ده الى حصل معايا انا مش معنديش استفادة انى اشوه صورتهم ولا حاجة لكن للأمانة انا روحتلهم تانى بس بعد الضهر لقيت طقم عمال غير الى كان موجود الصبح وده كان بنأء عن تعليمات واحد صاحبى قالى انت روحت الصبح ليه انا قولتلك روح للشيخ مجدى موجود بعد الظهر.المهم روحت الراجل ده بصراحة صنايعى وقف وبص على العجل كدة و راح منادى المشرف بتاع المحطة و خده اتكلم معاه وبعدين رجعلى وسألنى انت عملتها امتى قولتله الصبح الساعة 12 قالى طيب يا باشا احنا حنعيد الضبط تانى وفعلا الراجل دخل العربية على الجهاز و كشف تانى ولقى درجتين زاويا فى كل عجلة و الله زى ما بقول يا جماعة. قام مضبط الزوايا تانى امامى وخلفى و طلع جرب معايا تانى و الحمد لله العربية اتظبطط تماما.وده بقوله عشان الأمانة مينفعش اتهم حد باطل ودى حكايتى و الى حصل معايا.وشكرأ

رد: ضبط الزوايا بالأسكندرية

اقتباس:

المشاركة الأصلية كتبت بواسطة احمد بدر1978 (المشاركة 274077)

انا بنصحة عشان انا عارف ان البنزينة كويسة جدا فى ظبط الزوايا والترصيص
انما بالنسبة لعربيتى انا عارف انى مهمل فى الموضوع دة وبتعايش معاة

طيب عايزك كدا تتعايش مع العفشه اللي مروقاك ديه لحد ما يبانلك اصحاب

رد: ضبط الزوايا بالأسكندرية

اقتباس:

المشاركة الأصلية كتبت بواسطة fourseasons (المشاركة 274175)

انا ما بقلش ان حضرتك بتشوة صورتهم ولا ظنيت كدة انا بقول انى متعود اظبط العربية عندهم من زمان بس بصراحة انا عمرى ما رحتلهم الصبح نهائى ففعلا ممكن الطقم بتاع الصبح شغلهم مش كويس بس انا قلت اللى انا جربتة معاهم

رد: ضبط الزوايا بالأسكندرية

اقتباس:

المشاركة الأصلية كتبت بواسطة corsair (المشاركة 274212)

طيب عايزك كدا تتعايش مع العفشه اللي مروقاك ديه لحد ما يبانلك اصحاب

ادعيلى اظبطها قريب ان شاء الله

رد: ضبط الزوايا بالأسكندرية

السلام عليكم انا سمعت ان مركز بريدجستون اللي في لوران علي البحر كويس